Roma 16:2 - Tuntu i mPue ri Basa Taa

² Ia darata resi komi, wali aku mamporapika resi komi see komi damangantima ia ri kasanang ndaya apa ewa wetu to masipato naika ntau to i Pue Allah Puenya mangantima a’inya to samba’a seja pei i Pue. Pasi kuporapika seja see ane bara re’e to taa gana resi ia, komi damangansawang ia, apa ia room mangansawang boros tau. Pasi ia seja mangansawang aku.

Sura Magali Nuntu Ngkatuwu

² Kuperapi da naka ndisabe siʼa ewa sambaʼa tau i mPue. Lawi da ewanceʼe waʼa ntau anu meaya ri Pue Ala da mombesabe sambaʼa pai sambaʼa. Da nditulungi siʼa ane merapi tulungi ri komi, maka mariamo tau anu natulungi, – tesua woʼu yaku.

Roma 16:2 Referans Kwoze

Pilipi 2:29

Wali tima ia ri raya ngkandende ndaya ngkomi to bae kojo, ewa to masipato nuika ngkomi mangantima tau to samba’a seja pei i Pue. Pasi pakabae ia, apa ia mosu mate mangika palaong i ngKerisitu. Pasi ia buya rayanya nempo mate yau mangansawang aku, pasi ia mangampansaruka komi to taa nukurang mangika palaong to etu apa longko. See naka masipato komi mampakabae ia pasi samparia tau to ewa ia.

Pilipi 1:27

Pei nempo bara kesaa to mawali resi aku, ika lengko ngkatuwu to singkonong pei kareba matao mangkonong i Kerisitu. Ika ewa wetu see aku nempo rata wo’u resi komi bara ojo mangarata kareba mangkonong komi, matantu rayangku mampobuuka kasingkatao ngkomi mainti kojo, pasi komi samba’a pampobuuka mapalaong sindara-ndara mampakarebaka kareba matao see sa’e damangaya seja.

2 Yohanes 1:10

Wali ane re'e tau rata resi komi pei mampotundeka komi anu to yusa wo’u yako to napotundeka i ngKerisitu etu, ne'e mangabiaka tau etu masua ri raya banuamu. Pasi ane simparata pei ia, ne'e mampogomboka pei mangantabea ia.

Pilemon 1:17

Wali ane korom mampobuuka aku ewa yunumu to samba’a pangaya, kuporapika resi korom mangantima muni i Onesimus ewa nuika ngkorom mangantima aku.

Pilemon 1:12

Aku mamporayang kojo ia, pei aku si’i-si’i mangampokau muni ia dayau resi korom. Wali pakasanang mangantima muni ia.

Titus 2:3

Panewa patundeka seja tau we’a to tu’amo see lengko nsira masipato ewa lengko ntau to ojo i Pue Allah Puenya. Taa matao ane sira bawiwi pasi taa seja matao ane banginu. Pei pamporani i mPue Allah sira mampotundeka seja tau to yusa anu to matao.

2 Timotius 1:18

Pasi korom mangansani kojo ewa wimba kabaenya pansawang i Onesiporus resi aku tempo aku nja’u nja’u kota Epesus seore. Wali aku mamporapika resi Pue see Ia damampaponsanika i Onesiporus pamporayangiNya ane ratamo eonya darapangabotus to lino.

Kolose 4:10

Wali i Aristarkus, to ratarungku seja sindara-ndara pei aku, ia taa mangkalingan komi. Pasi ewa see seja nato'o i Markus, pinuana i Barnabas. Komi roomo mangantima patuu mangkonong i Markus etu. Patuu etu manganto'oka komi mangantima ia ri kasanang ndaya ane ia rata resi komi.

Epesus 5:3

Wali saba komi ana i mPue Allah see naka ne’e kojo re’e samba’a komi to mangika lengko to maja’a resi tau to si’a rongonya. Pasi ne’e mampobuuka bara mampolengkoka anu to yusa to makarika. Pasi ne’e seja bamporomung. Apa lengko to ewa wetu taa kojo masipato napobuuka ntau to i Pue Allah Puenya, taa manto’o ane naika nsira.

Roma 16:23

Pasi i Gayus taa seja mangkalingan komi. Wali aku, i Paulus, re’e maroo ri banua i Gayus, pasi tau to mangaya ri lipu si’i re’e siromu nja’u banuanya etu. Pasi re’e wo’u dua mba’a tau to taa mangkalingan komi. Etu semo i Erastus to mampasilonga doi ngkota si’i pasi a’i ngkita, i Kwartus. (

Roma 16:9

Pasi to’oka seja i Urbanus to mangika palaong i ngKerisitu sindara-ndara pei kita. Pasi to’oka seja i Stakhis to kuporayang.

Roma 16:6

Pasi re’e seja i Maria. Ia madota kojo mapalaong ri oyo ngkomi.

Roma 15:7

Wali, a’i-a’i, anu kita masanang rayanta mangantima pua’i ngkita samba’a pei samba’a ewa naika i ngKerisitu mangantima kita. Anu kita mangika ewa wetu see i Pue Allah darabarong.

Palaong mPomakau i mPue Yesu 9:41

Wali i Petrus mangkongko palenya mangansawang ia see ia makore. Roo see i Petrus mampokio tau balu pasi tau to i Pue Allah puenya to yusa panewa ia manganto’oka sira, to’onya, “Si’i yunu ngkomi, ia tuwu muni.”

Palaong mPomakau i mPue Yesu 9:39

Wali ojo pandonge i mPetrus gombo nsira dua, ia mampakaroso panewa ia mangalulu sira. Ojo karata nsira nja’u banua ri kota Yope, I Petrus nakeni ntau nto’u songi to ndate juya to kadua ntampenya nakare’e ntau mate etu. Ndate ria siromumo samparia tau to balu, wali ojo karata i mPetrus ndate ria, sira mampago ia panewa makore tiku ia. Sira tumangi pei mampaporaoka ia baju-baju pasi pake to yusa to naikaka i nDorkas sira tempo ia tuwuwa.

Palaong mPomakau i mPue Yesu 9:36

Wali tempo etu, nja’u kota Yope re’e samba’a tau we’a ia anaguru i mPue Yesu seja. Tau etu sanganya i Tabita. (Sanganya etu ane ri basa Yunani rato’oka i Dorkas, Dorkas etu batuanginya “lago”.) Wali i Dorkas etu sangkani mangika palaong to matao pasi ia sangkani mangansawang tau to masiasi.

Matius 25:40

“Wali Aku damanganto’oka sira, ‘Aku manganto’oka komi, monso pu’u ponto ngkani komi nangika palaong to ewa wetu mangansawang tau to rato’oka tua’ingKu si’i, nempo to taa bose angga nsira, batuanginya ane ri pangkita nu matangKu komi nangika palaong to etu mangansawang Aku.’

Palaong mPomakau i mPue Yesu 9:13

Wali i Ananias mangansono gombo i mPue, ia manganto’o, “Pue, boros sarita ntau to aku room mangandonge mangkonong i Saulus etu. Ia mapari kojo naika mangansesai tau to Komi puenya to nda’a Yerusalem.

Palaong mPomakau i mPue Yesu 9:15

Pei i Pue manganto’oka wo’u i Ananias, to’oNya, “Inta, apa Aku roomo mangampilis ia damangika palaongingKu. Wali ia damampakarebaka mangkonong Aku resi to Israel pasi tau to si’a to Israel pasi makole-makolenya.

Roma 16:15

Pasi to’oka seja i Pilologus pasi Yudia, i Nereus sira dua pua’inya to we’a, pei i Olimpas pasi samparia tau to i Pue Allah Puenya to siwaka pei sira. Wali aku taa kojo mangkalingan samparia tau to etu.