Roma 16:12 - Tuntu i mPue ri Basa Taa

¹² Pasi to’oka seja i Tripena sira dua Triposa to madota mangika palaong i mPue. Pasi i Persis to raporayang, to madota kojo mangika palaong i mPue.

Sura Magali Nuntu Ngkatuwu

¹² Tabeaku rata ri Taripena pai Tariposa anu motetala kojo mamporiokoi i Pue pai ri Perisi anu kupotowe. Siʼa woʼu anu motetala ri gori mpangkotonya tila i mPue.

Roma 16:12 Referans Kwoze

1 Korintus 16:16

palaika tau to ewa wetu pasi samparia tau to mangansawang sira pasi to mangika seja palaong to etu.

1 Korintus 15:58

Wali a’i-a’ingku anu to kuporayang, pakaroso pangaya ngkomi see tare pombalinya ane rata tau to rani mampakaja’a pangaya ngkomi etu. Pasi pakadota kojo sangkani mangika palaong i mPue, apa komi mangansani palaong to komi mangika resi i Pue etu bae kojo batuanginya apa komi seja darawangu muni yako ri kapatemu.

1 Timotius 4:10

Kita re’e mansarumaka i Pue Allah anu to tuwu. Ia semo to Pansompo ntau samparia, taa manto’o tau to mangaya. Wali etu semo sabanya naka pei kita madota kojo mangika palaong i mPue.

1 Tesalonika 1:3

Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.

Kolose 4:12

Wali i Epapras, to yako ri lipu ngkomi, ia taa seja mangkalingan komi. Ia seja to papolaong i ngKerisitu, pasi ia sangkani maroso rayanya mampokai-kaika komi. Ia mamporapika resi i Pue Allah see Ia mampakaroso pangaya ngkomi pasi mampasilonganaka pansarumaka ngkomi mangkonong samparia pamporani to si Ia.

Kolose 1:29

Wali see naka aku maroso mapalaong, pasi aku madota mangika palaongingku etu singkonong pei karoso to nawaika i ngKerisitu aku yako ri kuasaNya to bae kojo.

1 Korintus 15:10

Pei apa saba kanoto i mPue Allah, see naka aku mawali pomakau i mPue Yesu ri tempo si’i. Pasi kanoto i mPue Allah resi aku etu bae kojo batuanginya. Apa yako etu aku semo to roso-roso palaongingku pei samparia pomakau i mPue. Pei palaongingku etu si’a yako karoso ndaya to si aku naka pei mawali. Yako kanoto i mPue to re’e resi aku.

Matius 9:38

Wali porapika resi i Pue Allah anu Pue nu mpae etu see Ia damampokauka tau yau damamota see re’e tau to damampotunde tau boros etu.”

Matius 5:47

Pasi ane komi mangika matao ojo ri yunu ngkomi semo, ane ewa see tare pasisalanya komi pei sa’e. Apa sakowa tau to taa mangansani i Pue Allah, sira mangika seja ewa wetu.

Roma 16:11

To’oka seja i Herodian, a’ingku to Yahudi. Pasi to’oka seja samparia tau to samba’a pei i Pue to maroo ri banua i Narkisus.

Roma 16:13

Pasi to’oka seja i Rupus. Ia seja tau to samba’a pei i Kerisitu, pasi ia na’angga ntau boros. Pasi to’oka seja indonya. Ia ewa indo ngkorongku seja.