Roma 15:8 - Tuntu i mPue ri Basa Taa

⁸ Ne’e rakalingan i Kerisitu nama’i mawali to papolaong nto Yahudi. Ia mangika ewa wetu mangabanang parajanji i mPue Allah resi bue-bue nto Yahudi tempo owi, see samparia tau manasa i Pue Allah taa mawuti.

Sura Magali Nuntu Ngkatuwu

⁸ Da ndiendomo, i Kerisitu roomo mamporiokoi to Yahudi mampatongawa ewambeʼi katodo i mPue Ala mangabangani waʼa mpojanji-A ri waʼa ntau piamota.

Roma 15:8 Referans Kwoze

Matius 15:24

Wali i Yesu mangansono, to’oNya, “Aku rapokau ojo damangansawang to Israel to ewa domba to pusa.”

Yohanes 1:11

Pasi tempo Ia ma’i ri tana nu bansa to si Ia, tempo etu kaborosinya yunuNya ri tana etu taa mangantima Ia.

2 Korintus 1:20

Apa i Yesu Kerisitu semo to mangabanang samparia parajanji to naika i mPue Allah tempo owi. Wali apa saba Ia mangabanang parajanji etu, see naka kita manganto’o, “Monso pu’u Ia masipato rasarumaka.” Wali yako gombonta etu i Pue Allah rabarong.

Yohanes 10:16

Pasi re’e wo’u dombangKu to yusa to si’awa ri raya ntondok to si’i. Wali taa maya taa Aku mangkeni seja domba to etu. Sira seja damampodongeka loongKu tempo Aku mampokio sira. Wali samparia tau to mansarumaka Aku damawali ewa domba-domba to samba’a tondok pasi to samba’a to pangkampanginya.

Roma 15:16

Ia nangampilis aku mawali to papolaong i ngKerisitu Yesu. Wali aku napokau i ngKerisitu yau resi tau to si’a to Yahudi. Pasi palaongingku etu maya raporapaka ewa palaong nto pampue, apa aku mampakarebaka kareba matao to yako resi i Pue Allah. Aku mampakarebaka tau to si’a to Yahudi kareba matao see sira damangaya seja i Pue Yesu. Pasi sira to mangaya mawali ewa pampue to napampueka nto pampue etu resi i Pue Allah. Wali i Pue Allah maya mangantima sira apa sira mawali Ia Puenya naika mpalaong i Nosa Mapasing.

Roma 3:3

Wali wimba ane re’e to Yahudi to taa mangaya tuntuNya etu? Ane ewa see, wimba, i Pue Allah bara tamo mangika to Ia room mamparajanjika?

Epesus 2:12

Pei pobuuka katuwu ngkomi tempo etu. Ane tempo etu komi tawa samba’a pei i Kerisitu. Komi tempo etu ewa tau to rata ri lipu nsa’e pasi tare tila ngkomi ri parajanji anu to naparajanjika i mPue Allah to Israel, apa komi si’a to Israel. Wali tempo etu katuwu ngkomi ri lino si’i tare kesaa to masipato rasarumaka pasi komi taa mangansani i Pue Allah.

Roma 11:30

Wali komi tempo ruyu mangewa pamporani i mPue Allah pei si’i-si’i komi re’e mangarata pamporayang i mPue Allah apa saba to Yahudi mangewa Ia.

Roma 11:22

Wali pobuuka kojo mangkonong i Pue Allah. Ia manoto pei Ia seja maroso kojo hukuNya resi to lino. Ane tau to taa mangaya, Ia maroso kojo hukuNya resi tau etu. Pei Ia manoto resi komi ane komi tare pandoonya mangansarumaka kanotoNya etu. Wali ne’e komi to si’a to Yahudi mandoo mansarumaka Ia, apa ane komi mandoo, komi seja darapu’ak yau.

Roma 4:16

Wali see naka tempo i Pue Allah mangika parajanjiNya resi i Abraham etu, Ia si’a mangika apa saba i Abraham mangalulu porentaNya. Ia mangika apa saba i Abraham mangaya Ia. Naka pei i Pue Allah mangika ewa wetu apa Ia rani mangawaika parajanjiNya to ojo yako ri kanotoNya semo. Pasi Ia mangika ewa wetu see samparia wiyaa i Abraham damangarata kojo anu to Ia mamparajanjika etu. Wiyaa i Abraham to damangarata parajanjiNya etu si’a ojo to Yahudi to re’e porenta i mPue Allah. Pasiwa tau to si’a to Yahudi seja to mangaya sewaju ewa i Abraham, sira seja damangarata. Apa i Abraham ia pa’a ngkita samparia to mangaya.

Roma 3:26

Pei dosa nto lino taa maya taa rahuku, wali see naka i Pue Allah mangahuku i Yesu mangabolos to lino. Wali yako ri palaong etu Ia mampaponsanika kita ri tempo si’i Ia sangkani mangika anu to masipato raika. Wali i Pue Allah tare dosaNya, pasi i sema tau to mangaya i Yesu, tau etu nato’o seja i mPue Allah tare dosanya.

Palaong mPomakau i mPue Yesu 13:46

Pei i Paulus sira dua i Barnabas taa kojo meka mangansono gombo nsira, to’onya, “Kami taa maya taa mampakarebaka tuntu i mPue Allah resi komi to Yahudi ruyu. Pei komi bo’omu mangaya, pasi manasa komi semo to mampobuuka komi taa masipato damangarata katuwu to singkasaenya. Wali see naka si’i-si’i kami dayau wo’u mampakarebaka tau to si’a to Yahudi.

1 Korintus 15:50

Wali a’i-a’i, ewa si’i batuanginya. Ane ri tempo si’i koro ngkita re’e wombo pasi raa. Wali koro to ewa wetu taa masipato mangarata anu to matao to rawaika resi tau to Makolenya i Pue Allah. Pasi koro ngkita to maya boo yau si’i taa seja masipato mangarata tilanya ri katuwu to singkasaenya.

1 Korintus 10:29

Wali pobuuka raya ntau to yusa, ne’e ojo mampobuuka raya ngkita. Pei bara re’e tau to damanganto’o, “Kesaa to aku rani mangika aku maya mangika, apa taa masipato pamporani resi aku pei napakasala ntau to mangepe sala ri rayanya mangkoni nae etu.

Matius 20:28

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

1 Korintus 10:19

Wali ane ewa see, kesaa batuanginya gombongku etu? Wimba, aku bara manganto’o tau-tau pasi pampue to rapampueka resi tau-tau etu bara re’e batuanginya?

1 Korintus 1:12

Batuanginya ewa si’i. Apa re’e singga’a tau to manganto’o, “Aku mangalulu i Paulus.” Pasi singga’a wo’u manganto’o, “Aku mangalulu i Apolos.” Panewa re’e wo’u to manganto’o, “Aku mangalulu i Kerisitu.”