Roma 12:7 - Tuntu i mPue ri Basa Taa

⁷ Pasi ane tau to nawaika i mPue Allah mangansawang sa’e, to tao-tao ia mangansawang sa’e. Pasi tau to rawaika mampotunde sa’e, to tao-tao ia mampotunde sa’e.

Sura Magali Nuntu Ngkatuwu

⁷ Tau anu marata pombai da mantulungi tau ntaninya, tau setu sangaya-ngaya da mantulungi kojo tau ntaninya. Tau anu marata pombai da mompaguru, tau setu sangaya-ngaya da mompaguru kojo.

Roma 12:7 Referans Kwoze

Epesus 4:11

Wali Ia semo to mangawaika kita to rato’oka tauNya sora see kita damaroso. Ia mangawaika kita pomakauNya, pasi to pantuntu tuntuNya, pasi tau to mampakarebaka kareba matao. Pasi Ia mangawaika kita tau to mangangkampang pasi mampotundeka kita. Wali naka pei i Kerisitu mangawaika kita sora to etu see samparia kita to i Pue Allah Puenya darapasilonga see gana karosonta damangika palaong to si Ia. Apa ane ewa see, kita to mangaya, to raporapaka ewa koro i ngKerisitu, kanjo’u-njo’u tiduga-dugang karosonta.

2 Timotius 4:2

Etu semo, pakarebaka tuntu i mPue Allah. Pasi pakaroso rayamu pasi pakayoa see bara matao temponya bara taa matao temponya, korom nukurang mansaka mampakarebaka tau tuntu i mPue. Pakakonoka tau to taa kono pangayanya, seko tau to maja’a lengkonya, pasi paposiaka tau see sira mangaluluka i Pue. Pasi tempo korom mangika palaong to etu ne’e mosa mampakabae sabaramu pasi mampotundeka tau.

1 Timotius 5:17

Wali re’e wo’u to aku manganto’oka korom mangkonong ketua-ketua ntau to mangaya. Etu semo mangkonong ketua-ketua to matao kojo naika mampasilonga tau to mangaya, taa manto’o ketua-ketua to madota mampakarebaka pasi mampotundeka tuntu i mPue Allah. Wali ketua-ketua to ewa wetu sira danato’o ntau masipato mangantima ntanapa to dua ngkani kabaenya ewa to biasa.

Palaong mPomakau i mPue Yesu 13:1

Wali nja’u kota Antiokhia, re’e seja tau to mangaya i Pue Yesu to siromu nja’u ria. Ri oyo ntau etu re’e bara sawei mba’a to pantuntu tuntu i mPue Allah pasi re’e wo’u sawei mba’a tau to mampotunde tau to mangaya etu. Tau etu sanga nsira i Barnabas, i Simeon to rato’oka seja i Niger, i Lukius to yako kota Kirene, i Menahem to yunu masingkatao pei i gubernur Herodes, pasi re’e seja i Saulus.

2 Timotius 2:24

Pasi kita to papolaong i mPue, kita seja taa masipato ane batingka. Kasimbalinya yako etu, masipato kita mangika lengko to matao resi samparia tau. Pasi kita taa maya taa takoto mampotundeka tau, pasi pakabae sabaranta.

2 Timotius 2:2

Seore korom re’e seja mangandonge anu to aku mampotunde ri tangonya boros matamanasa. Wali anu to kupotunde etu, sarumakaka resi tau to maya rasarumaka pasi to nakurang mampotundeka wo’u tau to yusa.

1 Timotius 4:16

Pakatao kojo lengko ngkorom pasi pakatao seja anu to nupotunde ngkorom. Lulu kojo anu to aku manganto’o si’i, apa ane korom mangalulu kojo korom damangararamaka katuwu ngkorom ngkalio pasi mangararamaka seja katuwu ntau to mampodongeka korom.

1 Timotius 3:2

Wali ketua ntau to mangaya, ia taa maya re’e lengkonya to masipato naseko nsa’e. Ia samba’aja rongonya, pasi ia mangajagai koronya ngkalio. Ia tau to masilonga pampobuukanya, pasi ia mangika lengko to masipato na’angga nsa’e. Tau to etu masanang mampalinggona tau to rata pasi ia seja pande mampotunde sa’e.

1 Timotius 2:7

Wali apa saba to etu see naka aku rapilis mawali pomakau i mPue Yesu. Aku napokau i mPue dayau resi tau to si’a to Yahudi damampakarebaka sira kareba matao. Pasi aku mampotundeka sira mangkonong pangaya pasi mampotundeka sira anu to monso mangkonong i Kerisitu. Monso pu’u to kuto’o. Aku taa mawuti.

Kolose 4:17

Wali to'oka i Arkhipus ewa si'i, to'oka, "Pakadota mampakaroo palaong to nawaika i mPue korom apa saba korom samba'a pei Ia."

Galatia 6:6

Wali tau to rapotundeka tuntu i mPue Allah, tau etu masipato mangantilaka tau to mampotundeka sira samparia anu to matao to re’e resi sira.

1 Korintus 12:28

Wali ewa wimba naika i mPue Allah mampasilonga saga ngkoro ngkita to lino, ewa see seja nikaNya mampasilonga kita to saga ngkoro i ngKerisitu. Apa ane kita to mangaya, re’e to uyunya napilis i mPue Allah mawali pomakau i mPue Yesu. Pasi to kadua, etu semo to pantuntu tuntu i mPue. To katogo, etu semo tau to mampotundeka sa’e tuntu i mPue. Roo see re’e wo’u tau to nawaika i mPue Allah kuasa mangika palaong to taa rapobiasa. Pasi re’e seja to rawaika kuasa mampakatao muni panyaki mpangaya-ngaya. Panewa re’e wo’u tau to palaonginya mangansawang sa’e, pasi tau to mawali penatua. Pasi re’e seja to rawaika kapande magombo ri raya basa to mpangaya-ngaya to taware igurunya. Wali ewa wetu naika i mPue Allah mampasilonga saga ngkoro i ngKerisitu.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Palaong mPomakau i mPue Yesu 20:20

Pasi komi nunsani seja aku taa meka mampotundeka komi samparia anu to bae batuanginya resi komi. Samparia etu aku mampotundeka komi tempo ri tango ntau boros pasi ri raya banua ngkomi samba’a pei samba’a.

Palaong mPomakau i mPue Yesu 6:1

Wali yako etu kanjo’u-njo’u tiduga-dugang wo’u kaborosinya to Yahudi to mangaya i Yesu. Tau etu sira singga’a basanya basa Yunani panewa singga’a basanya basa Ibrani. Wali ri tempo etu to Yahudi to basanya basa Yunani sira mangkambumbuka yununya to basanya basa Ibrani. Sira masusa rayanya apa doi pasi pangkoni to biasa ratilaka samparia tau to balu, tau balu to basanya basa Yunani etu sira taa mangarata.

Yohanes 3:2

Wali re’e sangkani tempo ri raya mburi i Nikodemus etu ia yau mangampago i Yesu, panewa manganto’oka Ia, “Pa’a Guru, kami kunsani Komi semo guru to ma’i napokau i mPue Allah. Apa tare tau to maya mangika palaong to taa rapobiasa to nuika ngKomi ane tare i Pue Allah resi ia.”

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

1 Korintus 12:5

Pasi palaong to naika ngkita resi i Pue mpangaya-ngaya, pei i Pue samba’aja.

1 Korintus 14:26

Wali ane ewa see, kesaa to masipato daraika tempo komi siromu damampue mampakabae i Pue Allah? Ewa si’i daraika. Tempo komi siromu sindara-ndara, tempo etu re’e komi to damamponyanyika nyanyi to mangabarong i Pue Allah, re’e wo’u komi to damampotunde, pasi re’e wo’u to damamporata anu to napakanasaka i mPue komi. Pasi re’e to damagombo ri raya basa to yusa, panewa re’e wo’u komi to damampakanasaka yunumu anu to nato’o ntau to magombo ri raya basa to yusa etu. Pei tempo komi mangika palaong to etu, ika see mampakaroso samparia raya ntau to mangaya.