Roma 12:16 - Tuntu i mPue ri Basa Taa

¹⁶ Anu kita tuwu masingkatao resi yunu ngkita samba’a pei samba’a. Ne’e kita mangei, pei anu kita masintuwu resi tau to taa bae angganya. Ne’e kita mampobuuka kita semo to pande-pande pei sa’e.

Sura Magali Nuntu Ngkatuwu

¹⁶ Ndikatuwumo da mombepotowe sambaʼa pai sambaʼa, neʼe mapeni raya, komi da mosintuwu ri kalauka ndaya, ndipasiwia pai tau anu lauka neʼe mobangke-bangke, neʼe nditoʼo ri rayami podo komi anu loʼe.

Roma 12:16 Referans Kwoze

1 Petrus 3:8

Wali ri lelenya ri kapuranya to si’i aku re’e to rani manganto’oka komi samparia. Etu semo, masipato komi samba’a pampobuuka ngkomi, pasi mangepe seja kandende ndaya pasi kamawo ndaya to naepe nu yunu ngkomi samba’a pei samba’a. Pasi masipato komi masiporayang ewa tau to moa’i. Pasi masipato seja komi ne’e mabae-bae rayamu. Pasi matao seja komi rani mangansawang tau to ri raya ngkasusa.

Ibrani 13:5

Pasi ri raya ngkatuwu ngkomi, jagai kojo naka ne’e mamporayang doi. Pasi pakasanang raya ngkomi nempo bara ojo kesaa to re’e resi komi, apa i Pue Allah roomo manganto’o, “Aku taa ojo damangabiaka komi, pasi Aku taa damampiyaika yau komi.” (Ulang 31:6) Etu semo gombo i mPue Allah.

Roma 15:5

Wali aku makai-kai resi i Pue Allah anu to mangawaika kita sabara pasi karoso ndayanta. Aku mamporapika resi Ia see Ia mangansawang komi see komi datuwu masingkatao samba’a pei samba’a mangalulu ewa wimba to naika i ngKerisitu Yesu.

Roma 12:3

Wali a’i-a’i, naka pei aku maya mampaposiaka komi apa yako kanoto i mPue Allah see naka Ia mangawaika aku mawali pomakauNya. Wali see naka aku mampaposiaka komi samparia samba’a pei samba’a. Paposia etu manganto’o, ne’e kita mangokotaka koronta yabimo yako to masipato. Pei anu kita mangika to kono kojo mangabotus koronta ngkalio singkonong pei pangaya to nawaika i mPue Allah kita samba’a pei samba’a, nempo wimba kabaenya pangaya to etu.

1 Korintus 3:18

Wali ne’e komi mangantipu koromu ngkalio. Ane re’e tau to mampobuuka, “Aku pande kojo ri pangkita nto lino ri tempo si’i,” to tao-tao tau etu napobuuka ewa bea ri pangkita nto lino see ia maya damawali pande ri kamonso-monsonya.

2 Korintus 13:11

Wali a’i-a’i, gombo to kapuranya to aku rani manganto’oka komi ewa si’i. Pakasanang raya ngkomi. Pasi pasilonga lengko ngkatuwu ngkomi. Pasi biakamo paposiangku mampakaroso raya ngkomi. Pasi matao komi mawali samba’a pampobuuka pasi tuwu masingkatao. Apa ane ewa see i Pue Allah, anu rato’oka pu’u mpamporayang pasi karodo ndaya, Ia dasiwaka pei komi.

Roma 11:25

Wali a’i-a’i to samba’a pangaya, aku rani komi mangansani anu to tawa nansani ntau to owo room napaponsanika i mPue Allah aku. Naka pei aku rani komi mangansani see komi taa damangei mampobuuka komi semo to pande-pande pei tau to yusa. Wali anu to tawa nansani ntau etu, etu semo mangkonong to Israel. Wali etu semo, re’e sangga’a to Israel mako’o wo’onya tempo si’i, pei taa singkasaenya. Ojo kagananya tau to si’a to Yahudi to mangandolika tangonya resi i Pue, panewa to Israel tamo muni mako’o wo’onya.

Lukas 14:13

Wali ane korom mangika roa, to tao-tao ane mangadinsi tau to masiasi pasi tau to malulu koronya, tau to sampungku, pasi tau to buta.

1 Korintus 8:2

Wali re’e tau to mampobuuka, “Boros to manasa resi aku”, wali kamonsonya tau etu tawa mangansani ewa wimba raika mangarata kanasa.

1 Korintus 6:5

Wali naka pei aku manganto’o gombo etu see komi mampokea. Wimba bara tare pasi samba’a tau ri oyo ngkomi to gana kapandenya mangabotus kasusa ri oyo mpua’i-pua’i to samba’a pangaya? Re’e pu’u tau to maya mangika palaong to etu!

Pilipi 4:2

Wali aku mamporapika resi i Euodia sira dua i Sintike see masingkatao sira dua, apa sira dua paka samba’a pei i Pue.

1 Korintus 4:10

Wali kami napobuuka nto lino tau bea apa kami mampakarebaka kareba mangkonong i Kerisitu. Pei komi mampobuuka komi pande kojo apa samba’a pei i Kerisitu. Pasi kami taa maroso ane ri pangkita nto lino, pei komi mampobuuka komi maroso. Pasi kami taa na’angga ntau pei komi ra’angga.

Lukas 6:20

Wali i Yesu mangalo’aka resi anaguruNya pei manganto’oka sira, Ia manganto’o, “Masanang komi to masiasi apa komi mawali tau to Makolenya i Pue Allah.

Matius 26:11

Monso pu’u matao seja ane mangansawang tau to masiasi, pei komi tiroo boros yoa damangansawang sira apa tau to masiasi sangkani re’e ri oyo ngkomi. Pei ane Aku, Aku taa dasingkasaenya maroo ri lino si’i sindara-ndara pei komi.

Matius 11:5

To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

1 Petrus 5:3

Pasi tau to rasarumakaka resi komi, ne’e mangika ewa mamporentang sira. Pei to tao-tao komi mawali tondong to masipato nalulu nsira.

Pilipi 3:16

Pei tempo si’i anu kita mangangkongko pasi mangaluluka anu to roomo napakanasaka i mPue Allah kita. Pasi anu kita mawali samba’a pampobuukanta.

Pilipi 1:27

Pei nempo bara kesaa to mawali resi aku, ika lengko ngkatuwu to singkonong pei kareba matao mangkonong i Kerisitu. Ika ewa wetu see aku nempo rata wo’u resi komi bara ojo mangarata kareba mangkonong komi, matantu rayangku mampobuuka kasingkatao ngkomi mainti kojo, pasi komi samba’a pampobuuka mapalaong sindara-ndara mampakarebaka kareba matao see sa’e damangaya seja.

1 Korintus 1:10

Wali a’i-a’i, i Yesu Kerisitu, Pue ngkita, Ia roomo mangawaika aku kuasa. Wali apa saba kuasa etu see naka aku mamporapika resi komi see komi mawali samba’a pampobuuka naka ne’e komi masimpayu raya. Wali pasimba’a pampobuuka ngkomi pasi songka ngkomi.

Palaong mPomakau i mPue Yesu 4:32

Wali songonya tau to mangaya i Yesu etu, sira samba’a pampobuukanya pasi samba’a raya. Tare pasi samba’a sira to manganto’o, “Ngaya-ngaya to si’i akuja puenya.” Wali samparia to re’e resi sira, paka sira samparia puenya.

3 Yohanes 1:9

Wali aku roomo mangantulis sura resi tau to mangaya to siromu nja'u lipumu. Pei i Diotrepes bo'onya mampodongeka gombongku etu, apa pamporaninya ia semo mangangkuasang tau to mangaya nja'u ria.

Roma 6:2

Gete taa! Tamo masipato kita mangika dosa apa kita nato’o i mPue Allah mate sindara-ndara pei i Kerisitu see dosa tamo maya mangkuasang kita.

Roma 11:20

Monso ewa nuto’o ngkomi etu, pei ne’e mangkalingan naka pei sira rapu’ak yau apa sira taa mangaya. Pasi naka pei komi mainti nja’u kaju etu apa saba komi mangaya. Wali ne’e mangei. To tao-tao tabe kojo.