Roma 12:12 - Tuntu i mPue ri Basa Taa

¹² Anu kita masanang kojo mampobuuka samparia anu to danawaika i mPue Allah kita. Pasi anu kita mampakabae sabaranta ri raya ngkasesa, pasi pakadota makai-kai resi i Pue Allah.

Sura Magali Nuntu Ngkatuwu

¹² Da ri gori ngkamonconya ndipampomata-mata i Pue, ri kamanondo ri tongo-tongo ngkapari pai todo ri pekakai.

Roma 12:12 Referans Kwoze

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Ibrani 10:36

Wali pakabae sabara mangangika pamporani i mPue Allah, see ojo karoonya komi mangika komi damangarata anu to naparajanjika i mPue Allah.

1 Petrus 4:13

Pei to tao-tao ndende raya ngkomi apa komi mangarata seja santila kasesa to narata i ngKerisitu seore. Pasi ane ewa see, bae wo’u kandende ndaya ngkomi ane ratamo temponya kayawa i ngKerisitu darapapokitaka.

Yakobus 5:7

Wali a’i-a’i, pakabae sabara ngkomi mangampeas tempo danakama’i i mPue. Rapanya ewa to panawu. Apa to panawu ane roomo mamuya mansabaraka mangampeas temponya rapomota. Ia mansabaraka mangampeas tempo uja to uyunya to mampakatuwu pae, pasi mangampeas wo’u tempo uja to tondong mpae etu mosumo matasa.

Ibrani 6:15

Wali yako etu i Abraham bae sabaranya mangampeas panewa ia mangarata anu to naparajanjika i mPue Allah ia etu.

Ibrani 6:12

Pasi kami taa rani komi mayoko. Kami rani komi mampasiwajuka lengko ntau to maroso pangaya nsira pasi bae sabara nsira, see naka sira mangarata anu to naparajanjika i mPue Allah sira.

Pilipi 4:4

Wali ne’e pura yau kandende ndaya ngkomi apa saba komi seja samba’a pei i Pue. Pasi kuto’oka wo’u komi pakandende raya!

Ibrani 12:1

Wali boros kojo tau to tempo owi etu to mawali matamanasa resi kita, apa yako sarita-sarita mangkonong katuwu nsira, see naka manasa resi kita bae kojo batuanginya pangaya resi i Pue Allah. Wali anu kita mangalulu pangaya nsira etu ri raya ngkatuwu ngkita. Apa kita raporapaka ewa tau to matilumba. Wali ewa naika ntau to damatilumba mamposaka yau samparia anu to mabeu, anu kita mamposaka yau samparia to mangantalas kita. Pasi ewa naika ntau to damatilumba mangawonsu ruyu pake to mampakayona pariponya, anu kita mamposaka yau dosa to manta’amaka kita. Pasi ewa naika ntau to matilumba maripo mangalulu jaya to rapakatantuka yami, anu kita mampakabae sabaranta mangalulu jaya to napakatantuka i mPue Allah kita.

Kolose 4:2

Wali pakadota raya makai-kai resi i Pue Allah, pasi pakakoro makai-kai etu. Pasi to'oka Ia tarima matao.

2 Tesalonika 3:5

Wali kami mampokaika komi see i Pue damampakanasaka ri raya ngkomi mangkonong pamporayang i mPue Allah, pasi damampakabae sabara ngkomi mangampea kama’i i ngKerisitu.

1 Tesalonika 5:8

Pei kita si’a raporapaka ewa tau to maroo ri raya ngkawuri etu. Kita raporapaka ewa tau to maroo ri bae eo. Wali anu kita manta’amaka rayanta. Pasi anu kita mangampake pangayanta pasi pamporayanginta damangajagai koro ngkita, ewa naika ntentara mangampake baju besi mangajagai dadanya. Pasi kita mansarumaka i Pue damampalaes kita. Wali anu kita mangampake pansarumakanta etu damangajagai pampobuuka ngkita ewa naika ntentara mangampake songko besi mangajagai wo’onya.

Palaong mPomakau i mPue Yesu 1:14

Sira to sampuyu pei samba’a etu samba’a-mba’amo pampobuukanya, wali sira siromu damakai-kai. Pasi re’e seja sawei mba’a to we’a to siromu sindara-ndara pei sira. Pasi re’e seja indo i Yesu, etu semo i Maria, pasi re’e wo’u sawei mba’a tua’i i Yesu.

1 Timotius 6:11

Pei korom semo tau to i Pue Allah Puenya. Wali see naka pakalongko yako ri palaong to maja’a etu. Pei pakadota mangika lengko to masipato raika pasi to singkonong pei i Pue Allah. Pakaroso pangayamu resi i Pue pei porayang kojo sa’e. Pasi ane nurata ngkorom kasesa, pakaroso rayamu mangalulu i Pue. Pasi ikamo to manoto resi sa’e.

Ibrani 10:32

Wali endo tempo ruyu, tempo komi owo mangantima kareba to monso to mangkeni reme. Tempo etu komi malagi ngkani mangarata kasesa pei komi ojo mangainsoka wali kasesa etu taa manganangi komi.

Kolose 4:12

Wali i Epapras, to yako ri lipu ngkomi, ia taa seja mangkalingan komi. Ia seja to papolaong i ngKerisitu, pasi ia sangkani maroso rayanya mampokai-kaika komi. Ia mamporapika resi i Pue Allah see Ia mampakaroso pangaya ngkomi pasi mampasilonganaka pansarumaka ngkomi mangkonong samparia pamporani to si Ia.

Kolose 1:11

Wali kami mamporapika seja resi i Pue Allah see Ia damangampake samparia kuasaNya damampakaroso raya ngkomi singkonong pei karosoNya anu masipato tabarong. Apa ane ewa see, komi sangkani ndende raya ngkomi pasi mangainsoka mangansabaraka tempo mangarata kasusa.

Ibrani 5:7

Wali ri rayanya i Yesu tuwu ri lino, Ia kaboo-boo pei tumangi makai-kai pasi mamporapi sawang resi i Pue Allah. Ia nansani i Pue Allah re’e kuasa mampalaes Ia yako ri kapate, pei Ia mampalaika i Pue Allah saba manga’angga Ia, wali Ia mangalulu pamporaniNya. Wali see naka i Pue Allah mangandonge pokai-kaiNya etu.

Pangkita 13:10

Ane i Pue Allah manganto’o tau danasoko nsa’e, ia danasoko pu’u nsa’e. Pasi ane i Pue Allah manganto’o tau darataroto, ia darataroto pu’u. Wali ane ewa see, see naka tau to i Pue Allah Puenya, matao ane mampakabae sabara pasi ne’e mandoo mangaya i Pue.

2 Petrus 1:6

Pasi ri rayanya mangadugangika kanasanya resi komi, dugangika wo’u karoso ndaya see maya manta’amaka raya ngkomi re’e palaong to maja’a. Pasi ri rayanya komi manta’amaka raya ngkomi etu, dugangika wo’u kasabara ngkomi. Pasi ri rayanya komi mangansabara, dugangika wo’u lengko to mampakasanang i Pue Allah.

2 Tesalonika 1:4

Wali see naka tempo kami siromu sindara-ndara pei tau boros to i Pue Allah Puenya to siromu nja’u samparia lipu, tempo etu kami masanang mangansaritaka sira mangkonong komi pasi kami mangabarong lengko ngkomi. Kami mampakarebaka sira mangkonong pangaya ngkomi pasi sabara ngkomi mangansabaraka kasesa pasi soba to nurata ngkomi.

1 Korintus 13:13

Wali si’i-si’i togo ngaya lengko to taa dapura yau. Etu semo pangaya pasi pansarumaka pasi pamporayang. Pei lengko to togo etu, to bae kojo batuanginya, etu semo pamporayang.

Roma 15:4

Wali samparia tuntu i mPue Allah anu to ratulis tempo owi paka ratulis damangampotunde kita. Wali yako tuntu i mPue etu, see naka kita maya mangansabaraka kasusa pasi mawali maroso wo’u rayanta. Apa ane ewa wetu kita maya mangkongko kojo pansarumaka ngkita resi i Pue.

Lukas 21:19

Wali ne’e mosa mangalulu Aku, apa ane komi maroso pangayamu resi Aku, ane ewa see komi damangarata katuwu to monso.”

Lukas 8:15

Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

1 Petrus 4:7

Wali samparia anu to mawali ri lino si’i mosumo temponya daroo. Wali see naka to tao-tao komi masilonga pampobuuka ngkomi pasi ta’amaka rayamu see komi makoro makai-kai resi i Pue Allah.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

Kolose 1:27

Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

Roma 8:25

Pei ane kita mansarumaka kita damangarata anu to tawa re’e resi kita, ane ewa see kita mansabaraka mangampeas.

Titus 3:7

Wali i Pue Allah mangawaika kita i Nosa Mapasing see kita maya mangantima katuwu to singkasaenya, to roomo naparajanjika i mPue Allah kita. Kita mangantima katuwu to singkasaenya etu apa i Pue Allah manoto, Ia manganto’o kita tare dosanta.

2 Timotius 3:10

Pei korom masaemo mangalulu aku, wali korom mangansani kojo anu to aku mampotundeka tau. Pasi korom mangansani seja ewa wimba lengko ngkatuwungku, pasi songkangku, pangayangku, kasabarangku, pasi pamporayangku. Pasi korom mangansani seja ewa wimba kuika mampakaroso rayangku mangalulu i Pue tempo mangarata kasesa.

1 Tesalonika 1:3

Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.

Pilipi 3:1

Wali a’i-a’ingku, re’e katawanya aku mampakaroo sura si’i, re’e wo’u paposia to aku rani manganto’oka komi. To tao-tao ndende raya ngkomi apa komi seja samba’a pei i Pue. Aku taa mosa mangantulisika wo’u komi mangkonong anu to aku roomo manganto’oka komi. Apa samparia paposia to aku manganto’oka komi damangajagang katuwu ngkomi.

2 Korintus 12:8

Wali aku togo ngkani mamporapika resi i Pue see Ia damampakaroo muni panyaki to etu.

Roma 2:7

Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.

Palaong mPomakau i mPue Yesu 12:5

Wali i Petrus rata’amaka nja’u tarungku etu. Pei tau to mangaya i Pue Yesu to nja’u kota etu sira tare pandoonya makai-kai resi i Pue Allah mampokaika i Petrus.

Palaong mPomakau i mPue Yesu 6:4

Wali ane ewa see kami yoa sangkani mangika palaong to si kami, etu semo makai-kai pasi mampakarebaka tau tuntu i mPue Allah.”

Palaong mPomakau i mPue Yesu 2:42

Wali tau to mangaya i Pue Yesu etu sira samparia paka madota kojo mangampodongeka anu to napotundeka mpomakau i mPue Yesu, pasi sira sangkani masingkatao siromu sindara-ndara. Sira seja mandudu ngkani mangkoni sindara-ndara mangangendo kapate i Yesu pasi sira seja siromu makai-kai.

Lukas 10:20

Pei nempo measa mampalaika komi, si’a etu to masipato mawali pu’u ngkandende ndaya ngkomi. Kasimbalinya yako etu, pakandende raya ngkomi apa saba sanga ngkomi roomo ratulis ndate saruga.”

Matius 5:12

Apa ewa see seja nawali resi to pantuntu tuntu i mPue Allah tempo owi. Sira seja nasesai ntau. Wali nempo komi rasesai seja, pakasanang. Masipato komi ndende kojo raya ngkomi, apa bae kojo ntanapa to danawaika i mPue Allah komi ndate saruga.”