Roma 12:1 - Tuntu i mPue ri Basa Taa

¹ Wali, a’i-a’i, i Pue Allah mamporayang kojo kita. Wali see naka aku mampaposiaka kita see kita damangawaika koronta resi Ia ewa pampue to tuwu. Ane ewa see koro ngkita mawali i Pue Allah Puenya, pasi pampue to ewa see mampakasanang kojo Ia. Wali pampue to etu masipato kojo kita mangawaika i Pue Allah.

Sura Magali Nuntu Ngkatuwu

¹ Ee waʼa ngkasangkompo! I Pue Ala pande mporaya ri kita. Inceʼe painaka kupomata-mata da naka komi mampanyombaka koromi ewa sambaʼa panyomba anu tuwu pai magali ri suara mPue Ala, anu da mampakawongko rayaa da ewanceʼe kamonconya panyombami ri Pue Ala.

Roma 12:1 Referans Kwoze

1 Petrus 2:5

Pei ane kita to mangaya, kita seja raporapaka ewa watu to iwaikaNya katuwu, apa kita semo saga to napake i mPue Allah mangika banuaNya. Pasi kita mawali to pampue to i Pue Allah puenya. Wali kita mampampueka pampue to nato’oka i Nosa Mapasing kita mampampueka. Pampue etu mampakasanang i Pue Allah apa i Yesu Kerisitu to mamponsaruka kita.

Roma 6:13

Ne’e kita mangabiaka pasi sangaya saga ngkoro ngkita rapake damangika anu to maja’a. Kita ewa tau to room mate pei nawangu muni i mPue Allah. Wali to tao-tao kita mangawaika koronta resi i Pue Allah see Ia maya mangampake kita damangika anu to singkonong pei Ia.

Roma 6:19

Wali naka pei aku mamporapaka resi komi mangkonong to papolaong etu see komi majoli manasa ngkomi mangkonong batuanginya, apa anu etu masuli kojo resi komi. Wali tempo ruyu, komi mawali to papolaong nu dosa apa komi mangawaika koro ngkomi mangika palaong to makarika. Pasi kanjo’u-njo’u ojo tiduga-dugang kaja’a nu lengko to nuika ngkomi. Wali ewa nuika ngkomi seore mangawaika koro ngkomi mangika palaong to maja’a etu, ewa see seja si’i-si’i waika koro ngkomi mangika palaong to singkonong pei i Pue Allah pasi to masipato naika ntau to ojo i Pue Allah Puenya.

Roma 12:2

Pasi ne’e kita mangalulu pampobuuka ntau pasi lengko ntau to taa mangaya i Pue. Pei anu kita mangabiaka i Pue Allah mangawaika kita pampobuuka to bou see rayanta darawali damawali bou seja. Apa ane ewa wetu kita maya mangansani pamporani i mPue Allah ri raya ngkatuwunta. PamporaniNya etu semo anu to matao pasi masilonga pasi to mampakasanang Ia.

Epesus 4:1

Wali apa saba etu, si’i paposia to si aku to ratarungku apa saba palaongingku resi i Pue. Aku manganto’oka komi ika lengko ngkatuwu to masipato naika ntau to napokio i mPue Allah apa monso pu’u Ia room mampokio komi.

Roma 6:16

Wali a’i-a’i, komi mangansani ane kita mangawaika koronta resi tau damangika pamporani ntau etu, batuanginya kita mawali to papolaong ntau to kita mampalaika etu. Pasi ewa see seja ane kita sangkani mangawaika koronta mangika dosa, kita mawali to papolaong nu dosa, panewa yako palaong etu kita mangarata kapate. Pei ane kita mampolaika i Pue Allah, kita mawali to papolaong to si Ia, wali see naka kita mangika lengko to singkonong pei Ia.

2 Korintus 4:16

Wali see naka kami taa mosa raya mami mangika palaong to etu. Apa nempo koro mami si’i kanjo’u-njo’u kayu’u-yu’u, pei raya mami ponto-ponto eo rapakaroso.

1 Tesalonika 4:1

Wali a’i-a’i, re’e wo’u to kami rani manganto’oka komi. Tempo kami re’e resi komi seore, tempo etu kami mampotundeka komi mangkonong lengko ngkatuwu to mampakasanang raya i mPue Allah. Pasi komi re’e mangika lengko ngkatuwu to ewa wetu. Wali kami mamporapika pasi mampaposiaka komi apa saba to naika i mPue Yesu see komi kanjo’u-njo’u tiduga-dugang mangika lengko to ewa wetu.

2 Korintus 5:20

Wali see naka kami mawali pomakau i ngKerisitu to mamporata resi komi paposia i mPue Allah. Wali paposia i ngKerisitu to iporata mami etu, etu semo kami mamporapika resi komi, waika i Pue Allah mangawali raya ngkomi see maya masingkatao pei Ia.

Epesus 5:10

Wali samparia lengko to danuika ngkomi to tao-tao rapobuuka ruyu see ransani lengko to imba to mampakasanang i Pue.

Pilipi 2:17

Wali pangaya ngkomi maya raporapaka ewa pampue to nupampueka ngkomi resi i Pue Allah. Pasi aku maya raporapaka ewa anu to rainu to biasa nawubu nto pampue ri wawo mpampue to rapampueka, apa aku tamo masae bara darapopate yau pei tiwubu raangku. Pei nempo ewa wetu, aku masanang rayangku pasi ndende rayangku sewaju ewa komi masanang pasi ndende raya mampampueka pampue ngkomi etu resi i Pue Allah.

1 Korintus 1:10

Wali a’i-a’i, i Yesu Kerisitu, Pue ngkita, Ia roomo mangawaika aku kuasa. Wali apa saba kuasa etu see naka aku mamporapika resi komi see komi mawali samba’a pampobuuka naka ne’e komi masimpayu raya. Wali pasimba’a pampobuuka ngkomi pasi songka ngkomi.

Roma 2:4

I Pue Allah Ia manoto kojo, pasi Ia bae sabaranya apa Ia taa mansaka mangahuku komi. Pei ne’e komi mampobuuka, “Nempo kami taa majea taa mawei.” Ne’e mampobuuka ewa wetu apa naka pei i Pue Allah manoto pasi bae sabaraNya resi komi apa Ia mangawaika komi tempo see komi damajea.

1 Petrus 2:20

Pei ane komi mangika palaong to maja’a, see naka komi natidas ntau to pue ngkomi, ane ewa see, taa masipato komi rabarong nempo komi mangansabaraka kasesa to etu. Pei ane komi rasesai apa saba mangika palaong to matao, pei komi mangansabaraka kasesa etu, palaong etu mampakasanang kojo i Pue Allah.

Pilipi 4:18

Wali tempo si’i gana kojo to re’e resi aku, tamore to kupoipu apa aku roomo mangantima sora to nakeni i Epaproditus yako resi komi. Pasi kamonsonya re’e mayabimo yako ri anu to dakupake. Wali sora ngkomi etu maya raporapaka ewa pampue to magaya waunya to masanang kojo i Pue Allah mangantima.

2 Korintus 6:1

Wali kami mapalaong sindara-ndara pei i Pue Allah, see naka kami mampaposiaka komi manganto’o, pake kanoto to nawaika i mPue Allah komi naka ne’e kanoto etu damawali yau tare batuanginya resi komi.

Roma 15:30

Wali a’i-a’i, kita samba’a pei i Yesu Kerisitu, Pue ngkita, pasi kita masiporayang naika i Nosa Mapasing. Wali see naka kuporapika resi komi see komi mangansawang aku. Etu semo makoro nuika ngkomi makai-kai resi i Pue Allah mampokaika aku.

Roma 15:16

Ia nangampilis aku mawali to papolaong i ngKerisitu Yesu. Wali aku napokau i ngKerisitu yau resi tau to si’a to Yahudi. Pasi palaongingku etu maya raporapaka ewa palaong nto pampue, apa aku mampakarebaka kareba matao to yako resi i Pue Allah. Aku mampakarebaka tau to si’a to Yahudi kareba matao see sira damangaya seja i Pue Yesu. Pasi sira to mangaya mawali ewa pampue to napampueka nto pampue etu resi i Pue Allah. Wali i Pue Allah maya mangantima sira apa sira mawali Ia Puenya naika mpalaong i Nosa Mapasing.

Pilipi 1:20

Pasi aku mamporani kojo pasi mansarumaka i Pue see aku taa damangika bara kesaa to damampakamea aku. Kasimbalinya yako etu, aku rani see nempo kesaa to mawali resi aku ri tempo si’i, pei aku gana karoso ndayangku ewa tempo ruyu. Naka pei aku rani ewa wetu see i Kerisitu danapakabae ntau nempo aku bara tuwu nempo aku bara mate.

1 Timotius 2:3

Wali pokai-kai to ewa wetu matao, pasi mampakasanang i Pue Allah, to Pansompo ngkita.

1 Tesalonika 5:12

Wali a’i-a’i, kami mamporapika resi komi see komi manga’angga penatua-penatua to maroso palaonginya mangansawang komi. Apa sira semo to napilis i mPue mampasilonga komi pasi sira semo to mampaposiaka komi.

Lukas 7:47

Wali see naka Aku manganto’oka korom, tau we’a si’i bae kojo pamporayanginya resi Aku apa dosanya to boros kojo roomo ralapa. Pei tau to mangepe ia taa boros dosanya to ralapa, tau etu taa bae kojo pamporayanginya.”

Ibrani 13:22

Wali a’i-a’i, aku mamporapika resi komi pakasanang raya ngkomi mangandonge paposiangku si’i. Apa sura to kutulisika komi si’i taa marade.

1 Timotius 5:4

Pei ane tau balu to re’e ananya bara makumpunya to maya mampiara ia, to tao-tao sira semo mampiara ia, apa etu semo songka i mPue Allah resi tau. Pasi ane tau mampongakung mampiara tau tu’anya pasi buenya ewa naika nsira mampiara ia tempo ia dakodiwa, etu semo palaong to masipato raika pasi i Pue Allah masanang kojo mangkita palaong to etu.

1 Tesalonika 4:10

Pasi monso pu’u komi mamporayang samparia pua’i ngkita ri sambawo propinsi Makedonia. Pei kami mamporapika kojo resi komi see kanjo’u-njo’u tiduga-dugang pamporayang ngkomi etu.

Roma 9:23

I Pue Allah mangika ewa wetu see mampaponsanika ewa wimba kabaenya kayawa to Ia mangawaika tau to Ia mamporayang, etu semo tau to Ia mampasigena yami damangarata kayawaNya etu.

2 Korintus 4:1

Wali yako pamporayang i mPue Allah, see naka Ia mansarumakaka kami mapalaong mampakarebaka kareba to bou. Wali see naka kami taa mawali mayu’u raya mami mangika palaong to etu.

2 Korintus 10:1

Wali re’e to yusa to aku rani manganto’oka komi. Apa aku rani kojo mampaposiaka komi si’i-si’i. Ane ewa panto’o ntau, ane aku siwaka pei komi aku meka-meka rayangku, pei ane longko yako resi komi aku makoje rayangku magombo. Ewa see nato’o ntau. Pei si’a ewa see, apa i Kerisitu Ia taa mabae-bae rayanya pasi taa makasar resi sa’e. Wali ewa wimba lengko i ngKerisitu etu, ewa see seja aku damangika mampaposiaka komi apa aku taa seja damakasar resi komi.

Pilemon 1:10

Wali anu to kuporapika resi korom etu semo mangkonong i Onesimus, watua ngkorom to miyai yau seore. Ia ewa ana ngkorongku, apa ri rayanya aku ratarungku si’i aku mawali ewa pa’anya apa aku semo to mampotundeka ia panewa ia mangaya seja i Pue.