Roma 1:16 - Tuntu i mPue ri Basa Taa

¹⁶ Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Sura Magali Nuntu Ngkatuwu

¹⁶ Kuaya kojo Nuntu ngKatuwu setu, maka inceʼe sambaʼa kuasa mPue Ala anu da mangancorepaka pura-pura tau anu meaya; riunya-riunya nto Yahudi nepa banca ntaninya woʼu.

Roma 1:16 Referans Kwoze

Markus 8:38

Wali tempo si’i re’e tau to tuwu to room mampiyaika yau i Pue Allah pei mangaluluka wo’u pue to yusa. Tau etu madosa kojo. Wali komi ne’e mea mangaluluka Aku ri tango ntau madosa etu. Apa tempo to darata, Aku, Wiyaa nto Lino, dama’i muni ri lino si’i sindara-ndara pei pomakau to i Pue Allah puenya. Tempo etu kuasa pasi kayawangKu sewaju pei kuasa pasi kayawa mPa’angKu. Wali i sema tau to mea mangaluluka Aku pasi gombongKu ri tango ntau to madosa tempo si’i, Aku damea seja mangampongakung tau etu Aku puenya tempo Aku dama’i etu.”

2 Timotius 1:8

Wali ne’e mea mampakarebaka tau mangkonong Pue ngkita. Pasi ne’e seja mampokea aku to re’e ratarungku apa saba mangika palaongiNya. Kasimbalinya yako etu, pakaroso apa korom damangarata seja kasesa sindara-ndara pei aku apa saba korom mangangkeni kareba matao mangkonong Pue. Pasi tempo korom mangarata kasesa etu sarumaka karoso to nawaika i mPue Allah korom.

1 Petrus 4:16

Pei ane komi mangarata kasesa saba komi tau Kristen, ne’e mea. Ojo barong i Pue Allah apa saba komi tau Kristen apa bae kojo batuanginya resi komi.

2 Timotius 1:12

Pasi apa saba palaong to inikangku etu see naka aku mangarata kasesa to ratangku si’i. Pei nempo ewa see, aku taa mea, apa aku kunsani Ia to aku mansarumaka. Pasi aku kuaya kojo Ia re’e kuasa mangajagai samparia anu to room aku mansarumakaka resi Ia sampe rata eonya darapangabotus to lino.

Lukas 9:26

Wali lulu Aku apa Aku, Wiyaa nto Lino, dama’i muni ri lino si’i. Tempo etu bae kuasangKu pasi keyawangKu, pasi re’e seja kuasa pasi keyawa i mPue Allah, Pa’a, resi Aku, pasi re’e seja kuasa pasi keyawa mpomakau to i Pue Allah puenya. Wali i sema tau to mea mangalulu Aku pasi gombongKu, Aku damea seja mampongakung tau etu Aku puenya tempo Aku dama’i etu.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

1 Korintus 2:4

Wali tempo aku magombo mampakarebaka komi kareba matao, tempo etu aku taa mangampake gombo ntau to pande to ojo mangamomis sa’e. Pei gombongku etu mampakanasaka komi kuasa i Nosa Mapasing.

1 Korintus 2:2

Apa aku mangansongka ane kasaenya aku maroo-roo ri oyo ngkomi etu, aku jamo damampobuuka i Yesu Kerisitu, etu semo kapateNya ri kaju pasape.

Roma 10:17

Wali yako pandonge ngkita kareba matao see naka kita mangaya. Pasi yako tau mampakarebaka kita mangkonong i Kerisitu, see naka kita mangandonge.

Ibrani 4:12

Wali pakadota apa tuntu i mPue Allah, tuntu etu tuwu pasi maroso. Tuntu i mPue Allah raporapaka ewa wada to mataja dua mbalia to maya mangantuja pasi mangaga’a yau yotus pasi uta mbuku. Pei Tuntu i mPue Allah semo to taja-taja pei wada etu apa tempo kita mangandonge Tuntu i mPue, TuntuNya etu ewa mangantuja pasi mangaga’a yau rayanta pasi toniinta apa mampakanasa see miyala ewa wimba pampobuuka pasi songka ndayanta.

1 Korintus 15:2

Wali yako kareba matao etu see naka komi rapalaes ane komi mangaya kojo gombo to kupakarebaka resi komi etu. Pei ane si’a kareba matao to aku nampakarebaka resi komi etu to nuaya ngkomi, ane ewa see pangaya ngkomi etu tare batuanginya.

Galatia 1:7

Pei kareba etu kamonsonya si’a kareba matao. Kareba etu kamonsonya ojo gombo ntau to rani mampakasusa pampobuuka ngkomi pasi rani mangawali yau kareba matao mangkonong i Kerisitu.

Roma 2:9

Wali samparia tau to sangkani mangika lengko to maja’a, sira damangarata kasesa pasi kasusa, mula yako resi to Yahudi rataka seja resi tau to si’a to Yahudi.

Palaong mPomakau i mPue Yesu 3:26

Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

1 Tesalonika 2:13

Wali kami tare seja pandoonya manganto’oka i Pue Allah tarima matao apa tempo kami mampaponsanika resi komi tuntu i mPue Allah seore, komi manasa kareba etu yako resi i Pue Allah semo. Komi taa mampobuuka kareba etu ojo yako resi to lino. Wali see naka tempo komi mangandonge, komi masanang mangantima apa kareba etu monso pu’u tuntu i mPue Allah to mapalaong ri raya ngkita to mangaya.

1 Timotius 1:11

Samparia si’i singkonong pei kareba matao to yako resi i Pue Allah anu bae kojo kayawaNya pasi to rabarong. Kareba matao etu nasarumakaka i mPue Allah aku mampakarebaka.

2 Korintus 9:13

Wali palaong to nuika ngkomi etu damampakanasaka resi sa’e monso pu’u komi mampolaika kareba matao mangkonong i Kerisitu. Wali see naka tau damangabarong i Pue Allah, apa sira mangangkita lengko ngkomi to mampongakung mangaya kareba matao, lengkomu etu singkonong kojo pei gombomu. Pasi sira seja damangabarong i Pue Allah apa saba kanoto ndaya ngkomi mangansora sira pasi mangansora samparia tau to yusa.

2 Korintus 2:12

Wali a’i-a’i, aku mampakapolas wo’u sarita mangkonong palaong to nawali seore, tempo aku tawa rani rata resi komi apa taa rani mampakamawo komi. Wali tempo etu aku yau njo’u kota Troas damampakarebaka kareba matao mangkonong i Kerisitu. Rata nja’u ria i Pue mangawaika aku jaya damangika palaong to etu.

1 Korintus 9:18

Wali aku mampakarebaka kareba matao pei aku taa mamporapi saro yako resi tau to rapakarebaka. Nempo masipato aku marapi sawang resi sira, pei aku taa mangika. Wali si’i semo to aku mampobuuka ewa sarongku, etu semo mampakarebaka tau kareba matao nempo tare to nabayar nsira to mangandonge.

1 Korintus 9:12

Wali ane tau to yusa masipato nuwaika ngkomi anu to darapake, taa manto’o kami. Pei kami tawa re’e mamporapika resi komi anu to masipato kami mangantima etu. Kasimbalinya yako etu, kami ojo mansabaraka kasusa mpangaya-ngaya, apa kami mampobuuka to tao-tao kami mansabaraka kasusa sakowa taba’a kareba matao mangkonong i Kerisitu.

Roma 15:29

Pasi aku kunsani, ane tempo aku rata mayunu resi komi, tempo etu bae kojo rasi to yako resi kareba matao mangkonong i Kerisitu to kita damangarata samba’a pei samba’a.

Roma 15:19

Pasi yako ri kuasa i Nosa Mapasing see naka aku mangika palaong to taa rapobiasa. Palaong etu mawali tondong resi sira pasi mampakaipu raya nsira see naka sira mangaya. Wali yako ri kota Yerusalem rataka nja’u Ilirikum, ri ponto-ponto lipu ntau aku room mampakarebaka kareba matao mangkonong i Kerisitu.

2 Timotius 1:16

Pei i Onesiporus taa mampiyaika aku. Wali aku mamporapika resi Pue see Ia mampaponsanika samparia tau to maroo ri raya banua i Onesiporus etu pamporayangiNya. Apa ia mandudu ngkani mampakaroso rayangku, pasi tempo aku ratarungku ia taa mea ma’i mayunu resi aku.

Roma 4:11

Yako etu panewa ia rasui. Wali rasui etu ojo mawali tondong mampakanasa monso pu’u i Pue Allah manganto’o ia tare dosanya ri temponya ia tawa rasui apa saba pangayanya. Wali yako palaong etu i Abraham mawali pa’a ntau samparia to taa rasui ane tau etu mangaya i Pue Allah. Apa nempo sira taa rasui, i Pue Allah manganto’o seja sira tare dosanya apa pangaya nsira sewaju ewa pangaya i Abraham.

Yohanes 7:35

Wali ojo pangandonge ntau tu’a nto Yahudi gombo i Yesu etu, sira mampotanaka samba’a pei samba’a, to’onya, “Bara imbanjo danakanjo’u ngkai si’i naka pei Ia manganto’o kita tamo maya damangarata Ia? Wimba, Ia bara yau damaroo resi yunu-yunu ngkita to Yahudi to maroo nja’u lipu nto Yunani, see damampotunde wo’u to Yunani etu?