Roma 1:13 - Tuntu i mPue ri Basa Taa

¹³ Wali a’i-a’ingku, aku rani komi mangansani aku malagi ngkanimo mangika songka dayau resi komi, pei ponto ngkani aku mangika songka etu paka re’e wo’u anu to mangantalas aku. Naka pei aku mansongka dayau resi komi, see aku maya mangika palaong i mPue ri oyo ngkomi pei damangkita wua mpalaong etu, sewaju ewa to nikangku ri oyo ntau to si’a to Yahudi ri lipu-lipu to yusa.

Sura Magali Nuntu Ngkatuwu

¹³ Ee waʼa ngkasangkompo! Da rayaku naka ndiincani kamaria ngkaninyamo tinako ndayaku da madadu komi, paikanya maria gaga salemporinya. Da rayaku da naka reʼe woʼu wua ntetalaku ri oyomi ewa powua ntetalaku ri oyo waʼa ntau ntaninya anu banya to Yahudi ri daera ntaninya.

Roma 1:13 Referans Kwoze

Palaong mPomakau i mPue Yesu 19:21

Wali ojo karoonya palaong etu nawali, i Paulus mansongka dayau ndeku Yerusalem liu ri Makedonia pasi Akhaya. Ia manganto’o, “Ane room aku mayunu-yunu resi tau nja’u ria to tao-tao aku yau seja njo’u kota Roma.”

Pilipi 4:17

Wali aku si’a mamporani wo’u sora yako resi komi naka pei aku mampatiendoka komi mangkonong palaong to etu. Si’a. Naka pei aku masanang mampobuuka sora ngkomi seore etu apa saba komi damangarata ntanapa to danawaika i mPue Allah komi apa saba mangika palaong to ewa wetu.

2 Timotius 4:17

Pei nempo tare tau to mampasimbalika aku, i Pue re’e ri awengku. Ia mampakaroso rayangku see aku gana karosongku mampakarebaka samparia kareba matao, see samparia tau to si’a to Yahudi maya mangandonge. Pasi Ia mangalapa aku yako ri kuasa ngkepala measa to raporapaka ewa singa.

1 Tesalonika 4:13

Wali a’i-a’i, kami rani komi manasa kojo mangkonong palaong to mawali resi tau to mangaya to namatemo, to raporapaka ewa tau to yore. Naka pei kami rani komi manasa see kamawo ndaya ngkomi taa dasewaju pei kamawo ndaya ntau to tare pansarumakanya.

1 Tesalonika 2:18

Wali kami rani kojo yau resi komi, pasi aku, i Paulus, malagi ngkani mansongka dayau. Pei i Kepala Measa sangkani mangantalas kami see taa mawali.

2 Korintus 1:8

Wali a’i-a’i, ane mangkonong kasesa to narata mami etu, kami rani mangansaritaka komi see komi mangansani. Wali kasesa to narata mami nja’u propinsi Asia, kasesa etu maya raporapaka ewa kalemba to mabeu kojo to taa nakoto mami mangkoyo. Taa gana karoso mami, apa mapari kojo kasesa etu. Wali see naka kami mangepe kami bara damate yau,

1 Korintus 12:1

Wali a’i-a’i, aku rani komi mangansani mangkonong sora to nawaika i Nosa Mapasing kita.

1 Korintus 10:1

Wali a’i-a’i, aku rani komi mangansani palaong to mawali resi bue-bue ngkita to nakeni i Musa yako la’u tana Mesir tempo owi. Tempo etu sira samparia natorung nu limu ri raya mpalinjanya pasi sira samparia mangawote tasi liu jaya to naika i mPue Allah ri tongo ntasi etu.

Kolose 1:6

Wali komi mangandonge kareba matao etu seore pasi mawali manasa mangkonong ewa wimba kamonsonya kanoto i mPue Allah. Panewa yako etu kanjo’u-njo’u kaboro-boros komi to mangaya pasi to rawali lengko ngkatuwumu. Pasi palaong to mawali resi komi etu, palaong etu mawali seja ri sambawo lino tempo tau mangandonge kareba matao. Wali kareba matao etu maya raporapaka ewa kaju to boros wuanya.

Roma 11:25

Wali a’i-a’i to samba’a pangaya, aku rani komi mangansani anu to tawa nansani ntau to owo room napaponsanika i mPue Allah aku. Naka pei aku rani komi mangansani see komi taa damangei mampobuuka komi semo to pande-pande pei tau to yusa. Wali anu to tawa nansani ntau etu, etu semo mangkonong to Israel. Wali etu semo, re’e sangga’a to Israel mako’o wo’onya tempo si’i, pei taa singkasaenya. Ojo kagananya tau to si’a to Yahudi to mangandolika tangonya resi i Pue, panewa to Israel tamo muni mako’o wo’onya.

Yohanes 15:16

Wali Aku semo to mangampilis komi damawali galungKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.

Yohanes 4:36

Wali si’i semo temponya mamota! Wali Aku re’e mampokau komi yau resi tau to roomo mangandonge tuntu i mPue Allah. Tau to uyunya nayau mampotundeka sira tuntu i mPue Allah raporapaka ewa tau to mamuya, pei komi mampaponsanika wo’u sira mangkonong Aku see sira damangaya. Wali palaong etu raporapaka ewa komi yau mamota nja’u nawu to si’a komi nangika. Tau to yusa to mapalaong mangika nawu etu, pei komi semo to mangarata wua mpalaong nsira etu. Wali palaong to etu singkonong kojo pei panto’o ntau to manganto’o, ‘Tau samba’a to mamuya, pasi tau to yusa to mamota.’ Wali ane tau to mamota, sira mangkenika tau pue nawu pae to rapota etu, panewa sira rawaika ntanapanya. Pasi ewa see seja komi to mampakarebaka sa’e tuntu i mPue Allah, komi ewa mangkenika i Pue Allah tau etu, wali komi darawaika seja ntanapa. Pasi tau to rapakarebaka etu pei mangaya kareba etu, tau etu damangarata katuwu to singkasaenya. Wali tau to mamuya pasi tau to mamota paka ndende kojo raya nsira sindara-ndara.” Wali etu semo gombo i Yesu resi kami to anaguruNya.

2 Tesalonika 2:7

Kamonsonya tau baraewa etu re’emo mangika palaonginya ri lino, pei palaong etu rawuni apa ia tiroo rata’amaka. Pei ane ratamo temponya raoko yau Ia to manta’amaka,

2 Korintus 2:14

Pei nempo taa lindo rayangku seore, aku tiroo manganto’oka i Pue Allah tarima matao. Apa Ia sangkani mangansawang kami naka pei bali mami nangi. Naka pei Ia mangansawang kami apa saba kami samba’a pei i Kerisitu. Pasi Ia mangampake kami damampakarebaka resi tau ri ponto ponto lipu kareba mangkonong i Kerisitu. Wali kareba etu raporapaka ewa anu to magaya kojo waunya.

1 Korintus 9:2

Wali nempo ri pangkita ntau to yusa aku si’a pomakau i Yesu, pei ane ri pangkita ngkomi, aku monso pu’u pomakauNya. Apa aku semo to nangkenika komi kareba matao seore. Pasi tempo komi mangaya kareba matao etu komi mawali samba’a pei i Pue. Pasi tempo etu komi mawali ewa tondong to mampakanasaka sa’e monso pu’u aku pomakau i Yesu.

Palaong mPomakau i mPue Yesu 21:19

Wali tempo kami siromu etu i Paulus mangantabea sira, panewa roo see ia mangansaritaka sira mangkonong samparia to naika i mPue Allah resi tau to si’a to Yahudi saba yako palaong to naika i mPaulus seore. Etu semo tempo ia mampotundeka sira tuntu i mPue Allah.

Palaong mPomakau i mPue Yesu 15:12

Wali tempo i Petrus magombo etu, tau to siromu nja’u ria ojo maroti. Yako etu sira mampodongeka wo’u gombo i Barnabas sira dua i Paulus tempo sira dua mangansaritaka sira mangkonong palaong to taa rapobiasa to nawaika i mPue Allah sira dua kuasa mangika tempo sira nja’u resi tau to si’a to Yahudi. Palaong etu mawali tondong resi tau to si’a to Yahudi etu pasi mampakaipu raya nsira.

Palaong mPomakau i mPue Yesu 14:27

Wali ojo kadongka nsira nja’u Antiokhia, sira mana’u yako ri bangka panewa roo see sira yau mampasiromunaka tau to mangaya to nja’u nja’u ria. Panewa sira dua mangansaritaka tau etu mangkonong samparia to naika i mPue Allah ri raya mpalinja nsira. Pasi sira dua mangansaritaka seja tau Antiokhia etu mangkonong ewa wimba naika i mPue Allah seore mampaponsanika seja tau to si’a to Yahudi see tau to si’a to Yahudi etu mangaya seja i Pue Yesu.

Yohanes 12:24

Aku manganto’oka komi, monso pu’u ane rapanya sampa’i pae, ane taa rapomuya pei mawali ewa daboo yau, pae etu taa tuwu pei tiroowa sampa’ija. Pei ane rapomuyamo pae etu mawali ewa daboo yau, pei roo see ia tuwu pei mawali malagi mpa’i. Pasi ewa wetu seja to damawali resi Aku tempo Aku rapongkeli yau, apa yako etu Aku datuwu muni, roo see malagi tau to damangarata katuwu.

Palaong mPomakau i mPue Yesu 1:15

Wali re’e seore, tempo sira siromu mangampea sora yako resi i Pue Allah etu, re’e siromu tau satu pei dua mpuyu mba’a to paka samba’a pangayanya. Tempo sira siromu etu, i Petrus makore ri oyonya pei magombo, ia manganto’o,

Palaong mPomakau i mPue Yesu 28:14

Wali nja’u Putioli etu kami mana’u yako ri bangka panewa simparata pei bara sawei mba’a pua’i to samba’a pangaya. Sira mangansale kami maroo resi sira pitu mbengi kasaenya. Wali ojo kagananya pitu mbengi etu kami mayoko pei malinja mbiti dayau njo’u kota Roma.

Roma 1:12

Pei si’a ojo komi darapakaroso, pasi aku seja darapakaroso rayangku. Apa yako ri pangaya ngkomi see naka aku damaroso wo’u rayangku, pasi yako ri pangaya to si aku komi seja damaroso wo’u raya ngkomi.

Roma 7:1

Wali a’i-a’i komi mangansani porenta i Musa. Wali see naka komi manasa ojo tau to tuwuwa to ri ara mporenta etu.

1 Korintus 1:10

Wali a’i-a’i, i Yesu Kerisitu, Pue ngkita, Ia roomo mangawaika aku kuasa. Wali apa saba kuasa etu see naka aku mamporapika resi komi see komi mawali samba’a pampobuuka naka ne’e komi masimpayu raya. Wali pasimba’a pampobuuka ngkomi pasi songka ngkomi.

1 Korintus 14:20

Wali a’i-a’i, ne’emo mampobuuka ewa naika ngana mayunu. Pobuuka ewa naika ntau bose tu’a. Pei ane mangkonong palaong to maja’a, to tao-tao mampolengkoka lengko nu ana kodi to taa nansani mangika palaong to maja’a etu.

1 Korintus 14:26

Wali ane ewa see, kesaa to masipato daraika tempo komi siromu damampue mampakabae i Pue Allah? Ewa si’i daraika. Tempo komi siromu sindara-ndara, tempo etu re’e komi to damamponyanyika nyanyi to mangabarong i Pue Allah, re’e wo’u komi to damampotunde, pasi re’e wo’u to damamporata anu to napakanasaka i mPue komi. Pasi re’e to damagombo ri raya basa to yusa, panewa re’e wo’u komi to damampakanasaka yunumu anu to nato’o ntau to magombo ri raya basa to yusa etu. Pei tempo komi mangika palaong to etu, ika see mampakaroso samparia raya ntau to mangaya.

Galatia 3:15

Wali a’i-a’i, aku mamporapaka ewa si’i, nempo to lino ane mangika parajanjinya resi sa’e, ane roomo rapakatantu, ane ewa see, tamore tau to maya mangawali bara mangadugangika bara kesaa ri parajanji etu.

Galatia 6:18

Wali a’i-a’i, aku makai-kai resi i Yesu Kerisitu, Pue ngkita see Ia mampaponsanika tonii ngkomi kanotoNya. Amin. Ungkanyamo ruyu gombongku si’i.

Pilipi 1:22

Wali aku dua-dua rayangku apa aku mawongko kojo see naka aku masanang ane mate pei yau siwaka pei i Kerisitu apa etu semo to matao kojo. Pei ane tiroowa re’e palaong to bae batuanginya to aku maya mangika ri lino si’i, matao seja.

Kolose 1:10

Naka pei kami makai-kai ewa wetu, see komi damangika lengko ngkatuwu to masipato naika ntau to mangalulu i Pue pasi to sangkani mampakasanang Ia. Apa ane ewa see, boros ngaya palaong to matao to danuika ngkomi. Palaong etu maya raporapaka ewa wua ngkaju. Pasi kanjo'u-njo'u tiduga-dugang anu to komi mangansani mangkonong i Pue Allah.