Posuwunya 3:2 - Tuntu i mPue ri Basa Taa

² Wali tempo i Musa nja'u nja'u ria, ma'i Pomakau i mPue Yawe yako ndate Saruga. Pomakau etu mampaporaoka i Musa koroNya ewa kaa nu apu ri raya njunju. Wali junju etu mawea pei taa mosi.

Sura Magali Nuntu Ngkatuwu

² Njairia pepatongawa malaeka i mPue ri siʼa ri tongo-tongo reka apu ri yopo ngura. Nakita i Musa kareka apu mangkoni yopo setu paikanya bareʼe wara.

Posuwunya 3:2 Referans Kwoze

Markus 12:26

Pei mangkonong tau mambangu muni yako ri kapatenya, wimba, komi bara tawa re’e mangabasa nja’u raya ntuntu i mPue to natulis i Musa tempo owi mangkonong sarita tempo i Pue Allah mampogomboka i Musa yako ri raya njunju to mawea? Ia magombo mangkonong i Abraham sira togo i Ishak pasi i Yakub. Pei tempo Ia magombo mangkonong sira etu, tempo etu sira togo paka masaem kapatenya yau. Pei nempo ewa wetu Ia tiroo manganto’oka i Musa, Ia manganto’o, ‘Aku semo Allah to napue i Abraham, pasi to napue i Ishak, pasi to napue seja i Yakub.’ (Posuwunya 3:6) Etu semo gombo i mPue Allah resi i Musa tempo owi.

Lukas 20:37

Pasi ane mangkonong tau rawangu muni yako ri kapatenya, sakowa i Musa mampakanasaka tempo ia mangantulis ri raya ntuntu i mPue Allah mangkonong palaong to mawali tempo junju mawea. Tempo etu i Abraham sira togo i Ishak pasi i Yakub paka masaem kapatenya yau. Pei nempo ewa wetu, i Musa tiroo manganto’o i Pue Ia Allah to napue i Abraham, pasi to napue i Ishak, pasi to napue seja i Yakub.

Posuwunya 3:16

“Wali inta lo’u tana Mesir pei ojo karatamu la’u ria pasiromunaka songonya to tu'angi nto Israel. Roo see to'oka sira, 'I Pue Yawe, Allah to napakabae nu bue ngkomi, etu semo i Abraham, i Ishak, pasi i Yakub, Ia roomo narata resi aku. Ia mampogomboka aku mangkonong komi, to’oNya, “Aku re'emo mangkita katuwu ntau Israel, wali Aku mangangkita palaong to naika nto Mesir resi sira.

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

2 Tesalonika 1:7

Pasi Ia damampapandoo kasesa to nurata ngkomi pasi kasesa to irata mami seja. Wali palaong etu damawali ane ratamo temponya i Pue Yesu dama’i yako ndate saruga pei mampapokitaka kita koroNya. Tempo Ia ma’i etu, Ia dama’i sindara-ndara pei pomakauNya to bae kuasanya.

Pomulanya 21:17

Pasi ananya seja tumangi nja’u ara njunju. Wali i Pue Allah mangandonge loo nu ana etu. Tempo Ia mangandonge loo nu ana etu tumangi Ia mamporayang ana etu, see naka Pomakau i mPue Allah mampokio i Hagar yako ndate yangi, Ia manganto’o, “O Hagar, ne’e masusa! Pasi ne’e meka apa i Pue Allah roomo mangandonge loo nu anamu tumangi ri ara njunju etu.

Pomulanya 22:11

Pei Pomakau i mPue Yawe mansaka mampogomboka ia yako ndate yangi, Ia manganto’o, “O Abraham! Abraham!” Wali i Abraham mangansono, “Kesaa daNuto’oka ngKomi aku?”

Posuwunya 19:18

Wali tempo etu i Pue Yawe ma’i ri rapa nTongku Sinai ri raya nu apu, see naka tongku etu rabombongika yau kumbu nu apu. Kumbu nu apu etu kangkumbu-ngkumbu ewa kumbu nu apu to bae kojo. Pasi juku Tongku Sinai etu kalengko-lengko kojo.