Pomulanya 26:7 - Tuntu i mPue ri Basa Taa

⁷ Wali ri rayanya i Ishak maroo ri kota Gerar etu, tau langkai ri kota etu re’e mangkita indo nu ananya, i Ribka, ia maroro kojo. Wali sira mampotanaka resi i Ishak, sira manganto’o, “I sema tau we’a si’i?” Pei ponto ngkani re’e tau mampotanaka ia mangkonong i Ribka etu, i Ishak mangansono, “Ia tua’ingku.” Naka pei ia manganto’o ewa wetu apa meka rayanya mampongakung i Ribka ia indo nu ananya. Ia mampobuuka, “Gete, ane aku mampongakung i Ribka ia indo nu anangku, ane ewa see tau langkai ri lipu si’i bara damampopate yau aku see maya mangoko yau ia apa ia maroro kojo.” Ewa wetu pampobuuka i Ishak naka pei ia mangawutis sira.

Sura Magali Nuntu Ngkatuwu

⁷ Butu napeoasi waʼa ntau njairia, isema i Ribeka, mesono i Saki natoʼo, siʼa setu tuaʼinya, banya rongonya. Maka maeka raya i Saki da napepate waʼa ntau njairia siʼa, nepa da natima rongonya i Ribeka anu maʼai ngkadolidi setu.

Pomulanya 26:7 Referans Kwoze

Pomulanya 20:2

Tempo sira maroo ri kota etu, i Abraham manganto’oka tau nja’u ria mangkonong indo nu ananya, i Sara, ia manganto’o, “Ia a’i ngkorongku.” Wali ri kota Gerar etu, re’e makole to sanganya i Abimelekh. Wali re’e seore i Abimelekh etu ia mangandonge sarita mangkonong tau rata etu. Tempo ia mangandonge i Sara ia a’i i Abraham, ia mampokau tau yau mangoko i Sara pei mangkeni resi ia.

Pomulanya 12:13

Wali ewa si’i: Ne’e manganto’oka sira korom indo nu anangku, to’oka sira korom a’i ngkorongku. Apa ane ewa see nuto’o ngkorom, sira taa damampopate yau aku, sira damangika matao resi aku apa saba korom.” Ewa wetu nato’oka i Abram i Sarai.

Pomulanya 24:16

Wali i Ribka etu ia damangurawa pasi maroro kojo ta’anya pasi ia tawa re’e nepenya to langkai. Wali i Ribka etu yau lo’u sumur pei mantombuka tampa nue to si ia. Roo see ia yau muni pei mamposa’a tampa nue to bukemo etu.

Kolose 3:9

Pasi ne'e masiwutis apa komi roomo mamposaka yau tau ngkomi to masae sindara-ndara pei lengkonya, ewa naika ntau mangawonsu yau baju to masae.

Epesus 5:25

Wali komi to langkai to marongom, porayang rongomu ewa naika i ngKerisitu mamporayang kita to mangaya Ia pasi mangkapateka kita.

Matius 10:28

“Wali ane tau, to ia nakurang mampopate yau, etu semo koro ngkomi, pei ia taa nakurang mampopate yau tonii ngkomi. Wali ne’e meka resi tau. Pei ane i Pue Allah, Ia re’e kuasa mampakaja’aka yau koro pasi tonii la’u apu naraka. Wali masipato komi mampalaika Ia pasi manga’angga Ia, pei ne’e mampokeka tau.

Pomulanya 12:11

Wali tempo sira damasuamo ri tana Mesir, tempo etu i Abram manganto’oka indo nu ananya, i Sarai, ia manganto’o, “Korom to we’a to maroro kojore,

Pomulanya 20:11

Wali i Abraham manganto’o notonya, ia manganto’o, “Naka pei aku manganto’oka komi ia tua’ingku apa aku mampobuuka tau ri kota si’i bara taa mangantabe i Pue Allah. Aku mampobuuka tau sire damamporoe indo nu anangku see naka sira damampopate yau aku see maya mangoko yau ia.

Pomulanya 26:6

Wali i Ishak mampalaika gombo i mPue Yawe etu pei maroo ruyu ri kota Gerar.

Pomulanya 26:8

Wali yako etu, i Ishak masae sangkodi maroo ri kota Gerar. Panewa re’e seo i Abimelekh, makole nto Pilistin, mangalo’aka yako ndate jendelanya pei mangkita i Ishak tongonya manganengu indo nu ananya, i Ribka.

Pomulanya 29:17

Wali i Lea etu maroro matanya, pei i Rahel maroro kojo lionya pasi kabae ngkoronya seja maroro.

Pomulanya 12:15

Wali nja’u Mesir etu re’e samba’a tau to mawali makole, etu semo i Makole Piraun. Wali re’e seore joa i Makole etu mangkita seja i Sarai pei yau mangansaritaka resi i Makole mangkonong ewa wimba karoronya tau we’a etu. See naka i Makole mampokauka tau yau damangoko i Sarai pei mangkeni ia damaroo ri raya banuanya. Wali tau etu yau mangoko i Sarai pei mangkenika i Makole.