Pomulanya 22:1 - Tuntu i mPue ri Basa Taa

¹ Wali yako etu, re’e seore i Pue Allah mangansoba pangaya i Abraham. Ia mampogomboka i Abraham, to’oNya, “O Abraham!” Panewa i Abraham mangansono, “Kesaa danuto’oka ngKomi aku, Pue?”

Sura Magali Nuntu Ngkatuwu

¹ Bareʼe masae ungka njairia i Pue Ala mangaʼuji peaya ndaya i Burahima. Meboo i Pue Ala ndatoʼo, “Burahima!” Nepa mesono i Burahima, “Seʼi yaku Pue.”

Pomulanya 22:1 Referans Kwoze

Ibrani 11:17

Wali yako pangaya i Abraham, see naka ia mampampueka i Ishak ewa pampue resi i Pue Allah tempo i Pue Allah mamparesa pangayanya etu. I Ishak etu ananya to samba’aja. Pasi i Pue Allah roomo mamparajanjika i Abraham manganto’o, “Yako Ishak semo damawali tau to darato’oka wiyaa ngkorom.” Pei nempo ewa wetu gombo i mPue Allah, pei i Abraham tiroo mampakaroso damampampueka yau ananya to samba’aja etu.

1 Petrus 1:7

Apa soba to nurata ngkomi etu, batuanginya mangansoba pangaya ngkomi see damiyala bara monso pu’u komi mangaya i Pue, bara taa. Wali pangaya ngkita maya raporapaka ewa weyawa. Apa weyawa ane ratunu ri apu panewa miyala weyawa to monso. Wali ewa see seja pangaya ngkita ane rasoba miyala monso pu’u kita mangaya. Pei pangayanta semo to bae-bae batuanginya pei weyawa, apa weyawa etu nempo bae kojo batuanginya, tiroo maya napakaja’aka yau ntau. Pei pangaya ngkita ane rasoba mampakanasaka tau kita mangaya. Wali ane manasa resi tau monso pu’u pangaya ngkita ane ewa see, see naka pangayanta etu darabarong pasi dara’angga pasi darapakabae ane ratamo tempo danakama’i i Yesu Kerisitu.

Yakobus 2:21

Pobuuka i Abraham, bue ngkita tempo owi. I Abraham etu nampampueka ananya, i Ishak, resi i Pue Allah ri wawo mpalampa watu. Wali yako palaong to inikanya etu, see naka miyala i Abraham ia tau to singkonong pei i Pue Allah.

1 Korintus 10:13

Wali kamonsonya tare panggoda to narata ngkita to taa biasa mawali resi to lino. Pei i Pue Allah masipato rasarumaka. Ia taa damangabiaka kita mangarata panggoda to kita taa takurang mangewa. Apa tempo kita mangarata panggoda, Ia sangkani damangawaika kita jaya damampiyaika panggoda etu. Wali ewa wetu nikaNya mampakaroso rayanta mangainsoka tempo mangarata panggoda.

Posuwunya 3:4

Wali i Musa yau mangalo'a anu to taa rapobiasa etu. Pei tempo i Pue Yawe mangkita ia yau, Ia mampokio yako ri raya njunju etu, Ia manganto'o, “Musa! Musa!” Wali i Musa mangansono, ia manganto’o, “Kesaa danuto’oka ngKomi aku, i Pue?”

Pomulanya 22:11

Pei Pomakau i mPue Yawe mansaka mampogomboka ia yako ndate yangi, Ia manganto’o, “O Abraham! Abraham!” Wali i Abraham mangansono, “Kesaa daNuto’oka ngKomi aku?”

Pomulanya 22:7

Ri raya mpalinja nsira dua etu, i Ishak ia mampogomboka pa’anya, ia manganto’o, “Pa’a!” I Abraham mangansono, “Kesaa, anangku?” Wali i Ishak mampotanaka, “Si’i re’emo apu pasi yuta, pei kesaa to darapampueka resi i Pue Allah? Imbare ana nu domba to danatunu ngkita damangika pampue etu?” Etu semo pampotanaka i Ishak.

Posuwunya 16:4

Wali roo see i Pue Yawe mampogomboka wo’u i Musa, Ia manganto’o, “Padongeka, apa ewa si’i daKuika. Aku damangantudumakaka komi pangkoni yako ndate yangi. Pangkoni etu datudu ewa uja to tudu ri wawo ntana. Wali ponto eo samparia tau Israel damasuwu yako ri tenda nsira samba’a pei samba’a pei sira damangaruru pangkoni etu ojo imba pata mpangkurang nsira mangkoni ri rayanya seo etu. Ewa wetu daKuika mampeyaa sira see damanasa resi Aku tau Israel bara sira damangalulu porentangKu etu bara taa.” Etu semo to nato’oka i mPue Yawe i Musa.

Pomulanya 15:1

Wali yako etu, re’e seore i Pue Yawe mampogomboka i Abram ri raya mpangkitanya, i Pue Yawe manganto’o, “Ne’e meka Abram, apa Aku mangararamaka korom ewa naika ngkantar mangararamaka tau tempo yau mamusu. Pasi Aku damangawaika korom ntanapa to bae kojo.” Etu semo gombo i mPue Yawe resi i Abram.

Pomulanya 21:11

Wali ojo pangandonge i Abraham gombo i nSara etu ia masusa kojo rayanya apa ia mamporayang i Ismael apa ia seja ananya.

Pomulanya 37:13

Wali sira masae sangkodi maroo nja’u ria see naka re’e seore pa’a nsira, i Yakub, manganto’oka i Yusup, ia manganto’o, “Tukaka ngkorom nja’uwa nja’u kota Sikhem mangkampang domba pasi bembe ngkita. Wali intamo korom yau mangalo’a tukakamu etu bara tare kesaa mangika pasi wimba domba pasi bembe bara tare seja kesaa mangika. Panewa roo see pawolili muni pei to’oka aku.” Wali ojo pangandonge i Yusup porenta mpa’anya etu, ia manganto’o, “Matao, Pa’a.” Roo see ia mayoko yako ri banua nsira ri lemba Hebron yau njo’u Sikhem.