Wali ewa si’i sarita mangkonong wiyaa i nTerah. Wali i Terah etu, ia pasi ja’inya maroo ri kota Ur ri tana Babilonia tempo owi. Tempo etu ia mangarata togo ana sanganya i Abram, i Nahor pasi i Haran. Wali i Abram, tempo ia baemo, ia mangoko i Sarai mawali indo nu ananya. Pei tempo etu i Sarai etu ia apa, wali sira dua taa riana. Yako etu i Haran mangoko tau we’a mawali indo nu ananya pei mangarata togo ananya, sanganya i Lot, i Milka pasi i Yiska. I Milka, ana to kadua i Haran etu, ia ana we’a, wali tempo ia baemo, ia naoko i Nahor, tukaka mpa’anya. Wali yako etu, mate yau i Haran ri kota Ur ri tana Babilonia, tana kare’enya etu. Tempo ia mate etu, pa’anya, i Terah, tiroo tuwu.