Pomulanya 1:6 - Tuntu i mPue ri Basa Taa

^6-7 Wali yako etu, ri eo to kadua i Pue Allah magombo wo’u, Ia manganto’o, “Powalimo anu to mangaga’a ue see re’e ue to ri aranya pasi re’e to ri wawonya.” Wali ojo panto’o i mPue Allah gombo etu, mansaka re’e to mangaga’a pei mangangompo ue to ri aranya etu yako ue to ri wawonya.

Sura Magali Nuntu Ngkatuwu

^6-7 Ungka lairia ndatoʼo i mPue Ala, “Pewalimo poragia da mangagaʼaraka ue setu mewali radua ntila.” Liu-liu mewali. Ewanceʼemo ndapapewali i mPue Ala poragia anu mampapogaʼa ue anu reʼe ri ara mporagia setu pai anu reʼe ri wawonya.

Pomulanya 1:6 Referans Kwoze

Masmur 19:1

Ane mangalo’aka nto’u yangi, yangi etu ewa magombo mampaponsanika resi kita to lino ewa wimba kayawa i mPue Allah. Pasi si’a ojo etu, apa yangi etu mampapokitaka seja resi kita ewa wimba kagayanya anu to napapowali i mPue Allah.

Pomulanya 1:20

Wali yako etu, ri eo to kalima, i Pue Allah magombo wo’u, Ia manganto’o, “Powalimo anu to tuwu kangguyu-ngguyu ri raya nue, pasi tonsi to damayoko njo’u-ma’i, njo’u-ma’i njo’u rao.”

Pomulanya 1:14

Wali yako etu, ri eo to ka’opo, i Pue Allah magombo wo’u, Ia manganto’o, “Powalimo anu to mareme ndate yangi to damangansindo lino. Anu to mareme etu damampasisala bae eo pasi raya mburi. Pasi anu to mareme etu damawali tondong to damampakanasa mangkonong tempo pasi eo pasi to’u.” Wali ojo panto’o i mPue Allah gombo etu, mansaka re’emo anu to mareme etu.

2 Petrus 3:5

Pei kamonsonya lino si’i tamo sewaju ewa tempo owo rapapowali, apa i Pue Allah roomo mangahuku to lino tempo owi. Pei tau to manganto’o lino si’i tare pombalinya, sira mamporayaka ewa taa mangansani palaong i mPue Allah tempo Ia mampakaja’aka yau to lino mangampake samal ue. Wali manasa resi kita tempo i Pue Allah mampapowali yangi pasi lino ojo kuasa nu gomboNya to Ia mangampake. Tempo etu Ia mangika ue ruyu panewa tana masuwu yako la’u raya nue etu. Pasi saba yako ue etu see naka mawalimo tongku pasi lemba singkonong pei ewa wimba pamporani i mPue Allah. Pei yako etu i Pue Allah mangampake wo’u ue tempo Ia mampakaja’aka yau lino. Wali saba yako huku i mPue Allah, lino monso pu’u re’emo pombalinya.

Masmur 19:2

Ponto-ponto eo yangi etu ewa mampogomboka kita, wali tare pandoonya mampakanasaka kita mangkonong kayawa i mPue Allah. Pasi ewa see seja, ponto-ponto wuri yangi etu mampakanasaka kita mangkonong kapande i mPue Allah.