Pombilang 14:9 - Tuntu i mPue ri Basa Taa

⁹ Pei ne'e mangewa i Pue Yawe, pasi ne'e mampokeka tau to maroo nja'u tana etu apa kita maya manganangi sira. Apa sira tamore karoso ndayanya damamparambang tana nsira etu, pei i Pue Yawe re’e resi kita. Wali ne’e mampokeka sira.” Etu semo to nato’oka i Yosua sira dua i Kaleb resi yununya to Israel.

Sura Magali Nuntu Ngkatuwu

⁹ Neʼe boi ndaewa i Pue pai neʼe ndapokaeka waʼa ntau anu njau meari ri tana setu, maka saru-saru kojo da tapanangi tau seʼe. Anu mangkantawi tau seʼe payamo, pai i Pue anu mayunuki kita. Mewali neʼemo maeka.”

Pombilang 14:9 Referans Kwoze

Roma 8:31

Wali a’i-a’i, ane kita mampobuuka samparia palaong to naika i mPue Allah etu, kesaa wo’u to kita damanganto’o? Ewa si’i datato’o. Ane i Pue Allah mampasimbalika kita, tare to maya manganangi kita.

Pilipi 1:27

Pei nempo bara kesaa to mawali resi aku, ika lengko ngkatuwu to singkonong pei kareba matao mangkonong i Kerisitu. Ika ewa wetu see aku nempo rata wo’u resi komi bara ojo mangarata kareba mangkonong komi, matantu rayangku mampobuuka kasingkatao ngkomi mainti kojo, pasi komi samba’a pampobuuka mapalaong sindara-ndara mampakarebaka kareba matao see sa’e damangaya seja.

Matius 1:23

Gombo i mPue etu manganto’o, “Padongeka kojo gombongKu si’i. Dare’e samba’a tau we’a to tawa re’e nepenya to langkai. Tau we’a etu damayu’u pasi damampoanaka ana langkai. Panewa ana etu darato’oka ‘Imanuel’.” (Yesaya 7:14) (Wali batuanginya Imanuel etu semo i Pue Allah re’e siwaka pei kita.)

Pomulanya 48:21

Wali yako etu i Yakub manganto’oka wo’u resi i Yusup, ia manganto’o, “Si’i-si’i aku dapuramo nosangku. Pei i Pue Allah Ia taa damampiyaika komi. Ia damaroo siwaka pei komi ri tana si’i damangararamaka komi. Pasi ri tempo to darata Ia damangkeni muni komi ri tana to nakaroo nu bue-bue ngkita tempo owi.”

Posuwunya 14:13

Pei i Musa mangansono, ia manganto’oka sira, "Taa mawei! Ne'e meka. Ojo pakaroso raya ngkomi pei lo'aka palaong to danaika i mPue Yawe damampalaes kita seo si'i. Karotimo, apa si’a kita to damangewa tau Mesir to mangalulu muni kita etu, i Pue Yawe semo damampasimbalika kita pei damangewa musunta etu. See naka yako ri seo si’i rataka ri singkasaenya kita tamo damangkita wo’u sira.” Etu semo to nato’oka i Musa tau Israel.

Pombilang 13:30

Wali ojo pangandonge nto Israel gombo nto poli’e etu, sira masusa rayanya mampobuuka kareba mangkonong tau to bose maroso etu. Sira sakambumbu mangkambumbuka i Musa. Pei samba’a to poli’e etu, sanganya i Kaleb, ia mampogomboka tau to masusa etu, ia manganto’oka sira, “Pakasanang raya ngkomi! Nempo ewa wetu tau ri tana Kana’an, taa mawei apa kita maya manganangi sira. Wali anu kita mansaka yau damangantundang tana etu." Etu semo to nato’o i ngKaleb.

Pombilang 20:2

Wali yako etu, tamore ue danainu ntau Israel ri lipu etu, see naka sira samparia paka yau mampotango i Musa sira dua i Harun.