Pilipi 4:8 - Tuntu i mPue ri Basa Taa

⁸ Wali a’i-a’i, si’i semo paposiangku to kapuranya. Jagai kojo anu to nupobuuka ngkomi. To matao rapobuuka, etu semo anu to monso, anu to masipato ra’angga, anu to singkonong pei i Pue Allah, anu to mapasing, anu to magaya, pasi anu to nato’o nsa’e matao. Wali samparia anu to matao kojo pasi to masipato rabarong, etu semo anu to danupobuuka ngkomi.

Sura Magali Nuntu Ngkatuwu

⁸ Kapusanya, da kutoʼoka komi, mbolimo nawa-nawami da kobangani pai waʼa anu moyowe, anu meawa da ndaunde; inceʼemo waʼa anu monco, tetubunaka, mayoa, magali, lese pai madago.

Pilipi 4:8 Referans Kwoze

Yakobus 3:17

Pei ane tau to re’e kapande to yako resi i Pue Allah ndate saruga, tau etu ewa si’i lengkonya, to uyunya, ia matao lengkonya panewa ia rani tuwu masingkatao pei sa’e, ia taa makasar, ia simpalai, ia rani kojo mangansawang sa’e, pasi boros palaong to matao to inikanya to raporapaka ewa wua ngkaju to matao. Pasi tau etu taa mampasisala tau pasi si’a ojo gombonya to manoto.

Titus 2:7

Pei ne’e ojo gombomu mampotundeka sira. Pasi lengkomu seja mampotundeka sira. Ika palaong to matao see sira maya mangaluluka lengko ngkorom. Pasi tempo korom mampotundeka tau, patundeka tau ri kamonso-monsonya, pasi patundeka ewa naika ntau to na’angga nsa’e.

2 Korintus 8:21

Apa kami mampobuuka yami see kami damangika anu to masipato ra’angga si’a ojo ri pangkita i mPue Allah, pei ri pangkita nu mata nto lino seja.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

1 Petrus 2:12

Pei ri rayanya komi maroo-roo ri oyo ntau to taa mangaya i Pue, ika lengko ngkatuwu to matao see danakita nsira. Apa ane ewa wetu, nempo sira manto’o maja’a komi, sira tiroo damangansani kamonsonya lengko ngkomi matao. Wali nempo sira manto’o maja’a komi ri tempo si’i, ane ratamo temponya i Pue Allah ma’i damangabotus to lino, tempo etu sira damangabarong Ia apa sira roomo mangkita lengko ngkomi to matao.

Ibrani 13:18

Wali manasa kojo resi kami raya mami tare mangepe sala ri tango i mPue Allah. Apa kami sangkani rani mangika anu to masipato raika. Wali ne’e mangkalingan mampokaika kami.

1 Timotius 4:12

Ne’e ojo rabiaka tau mangkaengas korom saba korom damangurawa. Pei matao ane katuwu ngkorom mawali tondong resi tau to mangaya. Katuwumu etu semo gombomu, palaongmu, pamporayangmu, kadotamu, pangayamu, pasi lengko pei pampobuukamu to singkonong pei i Pue Allah.

Epesus 5:9

Apa yako reme etu mawali lengko ngkatuwu to raporapaka ewa wuanya. Lengko ngkatuwu etu manoto pasi singkonong pei i Pue Allah pasi masipato rasarumaka.

Titus 1:8

Pei ketua ntau to mangaya ewa si’i lengkonya. Ia masanang mampalinggona tau. Pasi ia mamporayang kasamparianya anu to matao. Ia tau to pande mampasisala to matao pasi to maja’a, pasi lengkonya pei pampobuukanya singkonong pei i Pue Allah. Ia nakurang manganta’amaka rayanya re’e palaong to maja’a.

1 Yohanes 3:3

Wali i sema-sema tau to masanang mangampeas temponya ia damawali ewa i Kerisitu etu, tau etu mangajagai lengko ngkatuwunya see pasiwa tempo ia maroo ri lino si’i ia mapasing seja ewa i Kerisitu mapasing.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

Titus 3:14

Pasi patundeka tau to mangaya nja’u ria see sira madota kojo mangika palaong to matao, see sira maya mangansawang tau to taa kojo gana to danapake nsira. Pasi ane sira madota kojo mangika palaong to matao, bae batuanginya katuwu nsira.

Roma 13:13

Anu kita mangika lengko to matao, to masipato raika ri raya ngkareme. Ne’e siromu-romu ojo damanginu-nginu pasi kayangu. Ne’e masala pasi magoyal pasi mangika lengko to masipato rapokea. Pasi ne’e seja matingka pasi timopo pei kaloo.

Yakobus 1:27

Pei agama to monso pasi to taa sala ri pangkita i mPue Allah, Pa’a ngkita, ewa si’i, kita mangansawang tau to ilu kojo pasi tau to balu ri raya ngkasusa nsira. Pasi agama to monso etu ewa si’i seja, kita mangajagai koronta naka ne’e mangalulu seja lengko to makarika to naika nto lino to taa mangaya i Pue Allah. Wali etu semo to masipato naika ngkita mangaluluka tuntu i mPue Allah.

1 Yohanes 3:18

Wali ngana-nganangku, ne'e kita mamporayang sa'e ojo ri gombo ngkita, pei anu kita mamporayang sa'e ri lengkonta seja. Pasi ne'e kita mamporayang sa'e ojo ri nganga ngkita, pei anu kita mamporayang ri kamonso-monsonya.

Titus 2:2

Wali ewa si’i raika mampotundeka sira. Ane tau langkai to tu’amo, patundeka sira see sira mangajagai lengkonya, pasi mangika lengko to masipato na’angga nsa’e, pei mawali pande mampasisala to matao pasi to maja’a. Pasi patundeka tau etu see maroso pangayanya, bae pamporayanginya pasi bae sabaranya.

2 Korintus 13:7

Wali aku makai-kai resi i Pue Allah see komi taa damangika palaong to maja’a naka ne’e kami rapakasaaka mangampake kuasa mami damanganseko komi. Kamonsonya aku maya mangampake kuasangku etu mampakanasaka sa’e aku pomakau i ngKerisitu. Pei si’a etu to bae batuanginya resi aku. Si’a! Apa nempo sa’e manganto’o kami pomakau to taa monso, taa mawei resi aku. Pei to bae batuanginya resi aku, etu semo komi mangangika palaong to masipato raika.

Kolose 4:5

Wali ri raya ngkasintuwu ngkomi resi tau to taa mangaya, pake kapande to nawaika i mPue komi. Pasi pakayoaka mangika palaong to bae batuanginya.

1 Petrus 4:8

Pasi ri temponya komi tiroowa tuwu ri lino si’i, to bae kojo batuanginya komi masiporayang kojo. Apa ane komi mamporayang yunu ngkomi, see naka boros sala nu yunu ngkomi to taa danukitanaka ngkomi.

Roma 13:3

Wali ane kita mangika palaong to matao, kita taa meka resi pomarenta. Pei ane kita mangika palaong to maja’a, kita meka resi pomarenta. Wali ane kita rani taa meka resi pomarenta, anu kita mangika palaong to matao see sira masanang resi kita.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Pilipi 3:1

Wali a’i-a’ingku, re’e katawanya aku mampakaroo sura si’i, re’e wo’u paposia to aku rani manganto’oka komi. To tao-tao ndende raya ngkomi apa komi seja samba’a pei i Pue. Aku taa mosa mangantulisika wo’u komi mangkonong anu to aku roomo manganto’oka komi. Apa samparia paposia to aku manganto’oka komi damangajagang katuwu ngkomi.

Roma 2:29

Pei tau to monso pu’u i Pue Allah puenya, etu semo tau to rayanya mangalulu kojo Ia pasi to rasui ri rayanya. Batuanginya rasui ri rayanya etu semo i Nosa Mapasing mangantondong rayanya. Wali yako ri palaong i Nosa Mapasing etu, si’a yako ri porenta to ratulis naka pei tau mawali i Pue Allah puenya. Wali tau to ewa wetu, ia si’a nabarong nto lino, pei ia nabarong i mPue Allah.

1 Timotius 2:2

Pasi ewa see seja pokai-kaika makole-makole pasi samparia tau to bose pangkanya, see kita datuwu masanang pasi taa marotai. Pasi anu kita mangika lengko to singkonong pei i Pue Allah pasi to masipato na’angga nsa’e.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

Epesus 6:14

Wali aku manganto’o wo’u pakaroso pei pake anu to nawaika i mPue Allah darapake mamusu. Luluka kojo anu to monso mangkonong i Pue Allah. Anu to monso etu raporapaka ewa salipi to mampakainti pake ntentara. Pasi ika lengko to singkonong pei i Pue Allah, to raporapaka ewa baju besi to mangajagai dada ntentara.

1 Tesalonika 4:12

Apa ane ewa wetu lengko ngkatuwu ngkomi, komi taa ojo marapi-rapi resi sa’e. Pasi ane ewa wetu lengko ngkatuwu ngkomi, komi damasipato na’angga ntau to taa mangaya i Pue.

Epesus 4:25

Wali posaka yau lengko ngkomi to tempo ruyu. Ne’emo mawuti, pei to’o anu to monso resi yunu ngkomi samba’a pei samba’a. Apa kita samparia paka saga ngkoro i ngKerisitu.

2 Korintus 6:8

Wali re’e tau to manga’angga kami pasi re’e seja tau to mangarunes kami. Re’e tau to mangabarong kami pasi re’e seja tau to manto’o maja’a kami. Pasi re’e tau to manganto’o kami to panipu, pei kamonsonya kami manganto’o anu to monso.

Palaong mPomakau i mPue Yesu 10:22

Wali tau etu mangansono, “Kepala ntentara mampokau kami, etu semo i Kornelius. Ia tau to matao lengkonya, pasi ia mampalaika i Pue Allah saba manga’angga Ia, pasi samparia to Yahudi nja’u kota Kaisarea paka manga’angga i Kornelius etu. Wali re’e samba’a pomakau i mPue Allah yako ndate saruga rata resi i Kornelius pei manganto’oka ia mampokio korom dayau ri banuanya see ia maya mangandonge gombomu. Wali see naka ia mampokau kami ma’i resi korom.”

Yohanes 7:18

Wali ane tau mampotunde ojo yako pampobuuka to si iaja, tau etu ojo mamporani danabarong nsa’e. Pei tau to mampotunde apa mamporani sa’e mangabarong tau to nampokau ia, tau etu taa mawuti wali ia masipato rasarumaka.

Lukas 2:25

Wali tempo etu, ndate Yerusalem re’e samba’a to langkai sanganya i Simeon. I Simeon etu ia tau to lengkonya singkonong pei i Pue Allah, pasi ia madota kojo mampue mampakabae i Pue Allah. Pasi ia mangampeas kojo temponya to Israel darapalaes yako ri bali nsira. Wali i Nosa Mapasing re’e resi i Simeon,

Markus 6:20

apa i Makole Herodes mangajagai kojo naka ne’e i Herodias damampopate yau ia. I Herodes kansongka rayanya resi i Yohanes see naka mangajagai. Ia masanang rayanya mampodongeka gombo i Yohanes nempo ipu rayanya mandonge gombo etu pasi ia nansani seja i Yohanes ia tau matao pasi ia i Pue Allah puenya. Wali see naka ia mangajagai i Yohanes.

Lukas 16:15

Wali i Yesu manganto’oka sira, “Komi semo tau to mangika lengko to singkonong pei i Pue Allah ane ri pangkita ntau boros. Pei i Pue Allah mangansani raya ngkomi kamonsonya taa singkonong pei Ia. Apa anu to napobuuka nto lino bae kojo batuanginya, anu to etu maja’a nakita i mPue Allah.

1 Korintus 4:5

Wali ne’emo mangabotus lengko nsa’e bara matao bara taa apa tawa rata temponya to napilis i mPue Allah rapangabotus. Peas kama’i i mPue apa Ia semo to damampaporaoka anu to taa miyala. Ia semo to damampaponsanika samparia songka to re’e ri raya ntau. Wali ri tempo etu i Pue Allah damangabarong kita samba’a pei samba’a ane re’e palaong ngkita to masipato rabarong.

Palaong mPomakau i mPue Yesu 22:12

“Wali nja’u Damsyik re’e samba’a tau to sanganya i Ananias. I Ananias etu ia ngkai to madota kojo mangalulu porenta i Musa pasi ia na’angga kojo nto Yahudi samparia to maroo nja’u ria.

Pomulanya 18:19

Wali masipato ia rato’oka yami mangkonong palaong to daKuika etu apa Aku masinsani pei ia, see naka Aku mangansani ia damampotundeka ananya pasi wiyaanya naka ne’e sira mawali ewa tau ri kota-kota etu. Kasimbalinya yako etu sira damampolaika Aku pei damangika lengko to singkonong pei Aku pasi to masipato raika. Apa ane sira mangika anu to singkonong pei Aku etu sira maya mangarata samparia to Aku roomo mamparajanjika resi i Abraham.” Etu semo pampobuuka i mPue Yawe ri raya mpalinjaNya etu.

1 Yohanes 4:1

Pei ngana-ngana to kuporayang, ne'e mansaka mangaya samparia tau to manganto'o, "Aku magombo yako ri kuasa i Nosa Mapasing." Pei paresa ruyu gombo ntau etu see manasa bara monso pu'u yako resi i Pue Allah. Ika ewa wetu apa boros to pantuntu tuntu to taa monso to masuwu ri sambawo lino si'i.

1 Timotius 5:2

Panewa to we’a to tu’amo, patiendoka sira ewa wimba nuika mampatiendoka indomu. Pasi ane to we’a to mangurawa, patiendoka sira ewa nuika mampatiendoka a’imu to we’a, pei jagai lengkomu pasi pampobuukamu resi tau we’a to mangurawa etu see singkonong pei i Pue Allah.

Lukas 23:50

Wali ri tempo ngkapate i Yesu, re’e ri Yerusalem samba’a tau to yako kota Arimatea, sanganya i Yusup. Ia tau to matao pasi to sangkani mangika anu to masipato raika, pasi ia mangampeas temponya i Pue Allah mawali Makole ri lino. Ia seja samba’a to pobotus nu agama nto Yahudi, pei ia taa singkonong pei songka pasi palaong to naika nu yununya mangkonong i Yesu.

1 Timotius 3:4

Tau to rani mawali ketua ntau to mangaya ia seja taa maya taa matao raika mampasilonga tau to maroo ri banuanya, pei mampotundeka ananya see sira sangkani mampalaika pasi manga’angga ia.

Palaong mPomakau i mPue Yesu 6:3

Wali a’i-a’i, pilis pitu mba’a tau to yako ri oyo ngkomi. Tau pitu etu tau to lengkonya tare to maya napakasala nsa’e, pasi to bae kojo karoso ndaya to nawaika i Nosa Mapasing sira, pasi to re’e kapandenya. Panewa tau pitu etu kami damangawaika damampasilonga palaong to etu.

Matius 22:16

Wali sira mampokau anaguru to si sira pasi sawei mba’a joa i Makole Herodes yau resi i Yesu. Rata resi Ia sira manganto’o, “Pa’a Guru, kami kunsani Komi tau to monso gomboMu. Pasi tempo Komi mampotundeka tau pamporani i mPue Allah, tempo etu ojo anu to monso to nuto’o ngKomi. Komi taa ojo mangamomis tau, ojo rani mampakasanang raya nsira. Wali manasa resi kami Komi taa mangampilis tau.

Ibrani 11:2

Ane tau tempo owi, re’e to mangaya i Pue Allah, pasi apa saba pangaya nsira etu see naka i Pue Allah manganto’o sira matao.

1 Timotius 3:11

Wali ewa see seja rongo ntau to mawali diaken. Sira seja tau to masipato na’angga nsa’e, pasi si’a tau to bawiwi. Pei sira mangajagai koronya ngkalio pasi sira nempo kesaa palaong to nikanya, sira maya rasarumakaka.

2 Korintus 8:18

Pasi re’e seja a’i ngkita to napokau mami yau mangalulu ia. Ngkai etu nabarong ntau i mPue to siromu nja’u ponto-ponto lipu. Naka pei ia rabarong apa saba palaong to inikanya mampakarebaka kareba matao.

2 Petrus 3:1

Wali a’i-a’i to kuporayang, sura si’i to kadua to kutulisika komi. Wali songkangku tempo aku mangantulisika komi sura to kadua si’i, sewaju ewa songkangku tempo aku nangantulis sura to uyunya seore. Etu semo, re’e to aku rani mampatiendoka komi. Kamonsonya aku mangansani komi buya rayamu mampobuuka gombo i mPue Allah. Pei aku rani wo’u mampatiendoka resi komi,

Roma 14:18

Wali tempo kita mangika palaong i ngKerisitu, tempo etu ne’e kita mangalulu pamporani ngkita. To tao-tao kita mampobuuka to bae batuanginya, etu semo kita masingkatao pei yununta. Apa tau to mangika palaong to etu, tau etu mampakasanang i Pue Allah pasi to lino manga’angga seja ia.