Pilipi 4:5 - Tuntu i mPue ri Basa Taa

⁵ Pasi paponsanika samparia tau kanoto ndaya ngkomi apa i Pue mosu rata.

Sura Magali Nuntu Ngkatuwu

⁵ Mbolimo tau pura-pura da mangkita poʼengkomi anu mantuju kadago ndayami. Bareʼemo masae da jelamo i Pue.

Pilipi 4:5 Referans Kwoze

Matius 6:25

.Wali yako etu i Yesu manganto’o wo’u, to’oNya, “Wali si’a kasugi ngkomi ri lino si’i to bae batuanginya resi i Pue Allah. See naka Aku manganto’oka komi ne’e mampomoruka doi to danupake ngkomi damangarata anu to danupake. Ne’e mampobuu-buuka, ‘Bara yako imbare darapangarata pangkoningku pasi anu to dakuinu?’ Pasi ne’e seja mampomoruka koro ngkomi, mampobuuka, ‘Bara yako imbare darapangarata pakengku?’ Wali ne’e mampomoruka anu etu apa katuwu semo to bae-bae batuanginya pei pangkoni, pasi koro semo to bae-bae batuanginya pei pake. Wali i Pue Allah semo to mangawaika komi katuwumu pasi koromu, wali taa manto’o Ia damangawaika seja komi pangkoni pasi pake.

Titus 3:2

To’oka seja sira taa matao manto’o maja’a sa’e, pasi taa seja matao ane batingka bara makasar magombo resi sa’e. Ika to manoto pasi to matao resi tau samparia.

Ibrani 10:37

Apa i Pue Allah manganto’o, “Tamo kojo masae daratamo Ia to dama’i, pasi Ia tamo damampea-mpeas wo’u.

1 Petrus 4:7

Wali samparia anu to mawali ri lino si’i mosumo temponya daroo. Wali see naka to tao-tao komi masilonga pampobuuka ngkomi pasi ta’amaka rayamu see komi makoro makai-kai resi i Pue Allah.

1 Korintus 6:7

Wali kita to mangaya ane sangkani mangkeni yununta resi to pobotus, batuanginya kita sala. Kita raporapaka ewa tau to room nanangi yau, apa palaong to etu taa masipato naika ntau to i Pue Allah Puenya. Wali ewa see komi. Pei ane re’e yunu ngkita mangika palaong to sala resi kita bara mangantipu kita, to tao-tao ojo rabiaka sakowa mangkeni palaong etu resi to pobotus.

Ibrani 10:25

Ne’e kita mandoo yau siromu sindara-ndara ewa to biasa naika ntau sangga’a. Pei anu kita kanjo’u-njo’u kadota-dota siromu pasi masipakaroso raya apa kita tansani daratamo temponya i Pue dama’i wo’u.

Pangkita 22:7

Wali i Pue Yesu manganto’o, “Padongeka kojo! Aku majoli ma’i. Wali masanang kojo tau to mampodongeka kareba to ratulis ri raya buku si’i mangkonong palaong to damawali.” Ewa wetu gombo i mPue Yesu.

1 Korintus 8:13

Wali see naka kuto’oka komi, ane aku mangkoni nae to roomo rapampueka resi tau-tau, panewa palaong etu mawali ewa watu to rakatisumpul resi pua’ingku to samba’a pangaya naka pei sira mangika dosa, ane ewa see aku tamo kojo damangkoni nae etu. Apa aku taa rani pua’ingku mangika dosa apa saba palaong to nikangku.

Matius 6:34

.Wali see naka ne’e moru-moru raya ngkomi mampobuuka kasusa to damawali nile. Apa ane rata nile re’e wo’u kasusa to rapomoruka. Wali ponto eo gana kasusa, wali ne’e radugang wo’u mampobuuka kasusa to tawa rata.”

Pangkita 22:20

Wali i Yesu manganto’o gombo si’i monso, pasi Ia manganto’o, “Aku majoli ma’i.” Amin! O Pue Yesu, ma’imo!

1 Petrus 1:11

Sira mangansani yami i Pue Allah damangansawang to lino apa Nosa i ngKerisitu re’e ri raya nto pantuntu tuntu i mPue Allah tempo owi etu, pasi Ia manganto’oka yami sira mangkonong kasesa to danarata i Makole parajanji i mPue Allah. Pasi Ia manganto’oka seja sira mangkonong kayawa to Ia damangarata ri temponya Ia roomo rasesai etu. Pei re’e anu to tawa manasa resi sira pasi sira rani kojo mangansani mangkonong to etu. Wali to naporani kojo nsira mangansani, etu semo bara tau to imba damangarata kasesa pasi kayawa etu, pasi bara mpia temponya napowali mpalaong etu.

1 Korintus 9:25

Wali ane tau to damatilumba etu, sira madota kojo maripo-ripo yami pasi manta’amaka samparia pamporani ndaya to damangantalas sira naka pei taa magasi pariponya. Naka pei sira mangangika palaong etu apa sira rani mangarata dale, etu semo so’o mbo’o to magaya to raika yako ira ngkaju to rawaika resi tau to manang. So’o mbo’o etu taa masae damaja’a. Pei kita manta’amaka pamporani ndaya ngkita pasi mangaluluka songka i mPue Allah, see damangarata dale to tare kapuranya.

2 Tesalonika 2:2

see komi ne’e majoli masusa pampobuuka ngkomi. Pasi ne’e moru-moru raya ngkomi mangandonge kareba to manganto’o ratamo temponya i Pue mula maporenta ri lino. Ne’e mangaya kareba etu nempo nato’o ntau to mampoanika mamporata gombo i Nosa Mapasing, pasi nempo napotundeka ntau, pasi nempo nato’o ntau to mampoanika re’e sura yako resi kami to manganto’o ewa wetu.

Lukas 21:34

Wali i Yesu mampakapolas gomboNya, Ia manganto’o, “Pakatao kojo naka ne’e raya ngkomi mawali mayu’u apa saba palaong to nuika ngkomi, ewamo boros mantako, pei sangkani kayangu. Pasi ne’e seja moru-moru rayamu mampobuuka katuwumu ri lino si’i. Apa ane ewa see, komi dakayopo ane kodi majoli rata eo ngkama’ingKu etu.

1 Korintus 16:22

Wali i sema-sema to taa mamporayang i Pue Yesu Kerisitu, biakamo i Pue Allah mantanaa yau ia. O Pue, ma’imo!

2 Korintus 10:1

Wali re’e to yusa to aku rani manganto’oka komi. Apa aku rani kojo mampaposiaka komi si’i-si’i. Ane ewa panto’o ntau, ane aku siwaka pei komi aku meka-meka rayangku, pei ane longko yako resi komi aku makoje rayangku magombo. Ewa see nato’o ntau. Pei si’a ewa see, apa i Kerisitu Ia taa mabae-bae rayanya pasi taa makasar resi sa’e. Wali ewa wimba lengko i ngKerisitu etu, ewa see seja aku damangika mampaposiaka komi apa aku taa seja damakasar resi komi.