Pilipi 4:17 - Tuntu i mPue ri Basa Taa

¹⁷ Wali aku si’a mamporani wo’u sora yako resi komi naka pei aku mampatiendoka komi mangkonong palaong to etu. Si’a. Naka pei aku masanang mampobuuka sora ngkomi seore etu apa saba komi damangarata ntanapa to danawaika i mPue Allah komi apa saba mangika palaong to ewa wetu.

Sura Magali Nuntu Ngkatuwu

¹⁷ Inceʼe banya posokinya yaku podo da rayaku marata-rata petulungi. Anu kupodaraya inceʼemo da mangkita powuanya anu maranga-rangani porasimi.

Pilipi 4:17 Referans Kwoze

Titus 3:14

Pasi patundeka tau to mangaya nja’u ria see sira madota kojo mangika palaong to matao, see sira maya mangansawang tau to taa kojo gana to danapake nsira. Pasi ane sira madota kojo mangika palaong to matao, bae batuanginya katuwu nsira.

Ibrani 6:10

Etu semo komi roomo mangansawang tau to i Pue Allah Puenya pasi tiroowa mangansawang sira, wali yako palaong to etu komi mampaporaoka pamporayang ngkomi resi i Pue Allah. See naka Ia taa damangkalingan palaong to nuika ngkomi pasi pamporayang ngkomi resi Ia. Naka pei kita mangansani Ia taa mangkalingan, apa i Pue Allah sangkani mangika ewa wimba to masipato raika.

Yohanes 15:8

Pasi ane komi bae wua mpalaongimu, ane ewa see sa’e damangabarong Pa’angKu. Pasi re’e wo’u to damawali ane komi bae wua mpalaongimu, etu semo damanasa resi sa’e komi anagurungKu.

1 Petrus 5:2

Wali si’i semo paposiangku resi komi to penatua, ewa wimba naika nto pangkampang domba mangararamaka dombanya, ewa wetu seja danuika ngkomi mangararamaka samparia tau to i Pue Allah Puenya, to roomo rasarumakaka resi komi. Pei to tao-tao komi mampasilonga sira yako ri kabuya ndaya ngkomi, si’a apa saba rapakasaaka. Pasi pakasanang kojo raya ngkomi mangika palaong to etu. Ne’e mangika apa saba komi ojo rani sugi.

Titus 1:7

Apa ketua ntau to mangaya nawaika i mPue Allah palaong, wali ia taa maya ane re’e lengkonya to maya napakasala nsa’e. Ia taa maya mangei pasi ia taa maya majoli maja’a rayanya. Pasi ia si’a to panginu, si’a to batingka, pasi si’a tau to ojo rani sugi.

Pilipi 4:11

Wali naka pei aku manganto’oka komi gombo etu, si’a apa saba aku taa gana to dakupake. Si’a! Apa si’i-si’i aku mananyamo pasi nempo ewa wimba katuwungku aku tiroo mangepe masanang.

1 Tesalonika 2:5

Pasi komi mangansani kami tare mangamomis komi seore. Pasi kami taa seja re’e songka rani mangakal komi see damangarata kasugi yako resi komi. I Pue Allah semo matamanasa mami.

2 Korintus 9:5

Wali see naka aku mamporapika resi pua’i ngkita see sira matiruyu yau resi komi pei mangansawang mampasilonga sora to roomo naparajanjika ngkomi to komi damangawai. Apa ane rapasilonga yami sora etu panewa rata aku, ane ewa see, manasa sora etu nuwai ngkomi yako ri kabuya ndaya ngkomi. Pei ane rata aku panewa sora etu rapasilonga, sa’e bara mampobuuka rapakasaaka.

Roma 15:28

Wali ojo karoonya aku mampakarataka tau Yerusalem sora to napasiromunaka ntau Makedonia pasi Akhaya etu, panewa aku dapolas njo’u Spanyol pei liu resi komi.

Yohanes 15:16

Wali Aku semo to mangampilis komi damawali galungKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.

2 Korintus 11:16

Wali aku manganto’o wo’u gombo to aku roomo mangantulis, etu semo ne’e mampobuuka aku si’i tau bea. Pei ane ewa wetu pampobuuka ngkomi, taa mawei. Ojo ne’e mosa mampodongeka gombo ntau bea si’i, apa re’e wo’u gombo to ewa gombo ntau tabaro to aku damanganto’o.

I Yudas 1:11

Wali kasesa danarata nsira! Apa sira mampolengkoka lengko to naika i ngKain tempo owi. Pasi sira ojo rani sugi see naka sira re’e seja mangika sala to naika i Bileam tempo owi. Pasi sira mangewa seja songka i mPue Allah sewaju ewa naika i ngKorah tempo owi, wali sira darapakaja’a yau seja sewaju ewa ia.

2 Petrus 2:3

Wali tau to mampotunde anu to taa monso etu, sira rani kojo sugi. See naka sira damanganto’o gombo to mawuti damangamomis komi see komi damangawaika sira doi. Pei tamo masae sira darahuku. Apa masaemo i Pue Allah, to Pobotus nsira, Ia mangansani sala nsira etu pasi Ia mangansani seja ewa wimba Ia mangangika damangahuku sira. Wali huku to etu tamo masae dakonomo sira.

1 Timotius 3:3

Ia si’a to panginu, bara to batingka, pasi ia taa makasar. Ia si’a tau to mangaliwu rani masibanta, pasi ia si’a tau to ojo rani doi.

2 Petrus 2:15

Wali tau to mampotunde anu to taa monso etu, sira roomo mampiyaika yau jaya to kono panewa mangalulu yau jaya to taa monso. Wali anu to nalulu nsira, etu semo palaong to naika i Bileam, ana i Beor tempo owi. Dosa i Bileam ewa si’i, ia masanang mangika palaong to maja’a ane rawaika doi.

1 Timotius 6:10

Apa ane ewa pinamuya, yako ri kalenya mawali tuwunya. Wali ane tau ojo mamporayang doi, to etu maya raporapaka ewa kale mpinamuya apa yako ri pamporayanginya doi etu mawali samparia anu to maja’a. Apa re’e tau to mamporayang kojo doi, see naka sira re’e mampiyaika pangayanya. Wali tau etu sira roomo mangarata kasesa to yako ri soso ndaya nsira.