Pilipi 3:8 - Tuntu i mPue ri Basa Taa

⁸ Pei kamonsonya si’a ojo palaong to etu to aku mampobuuka tare batuanginya. Ane ewa pampobuuka to si aku, samparia anu to re’e paka tare batuanginya resi aku. Apa to bae kojo batuanginya resi aku, etu semo aku masinsani pei i Kerisitu Yesu, Puengku. Wali saba Ia naka pei aku roomo mampiyaika yau samparia palaong to bae batuanginya resi aku seore. Pasi tempo si’i aku mampobuuka palaong to etu ewa wusu to makarika see aku kanjo’u-njo’u ojo tiduga-dugang pansarumakangku resi i Kerisitu.

Sura Magali Nuntu Ngkatuwu

⁸ Banya podo kakononya inceʼe paikanya pura-puranyamo seʼe kureke podo mampareʼe rugi. Nunjaa anu kupotumpu wawaseʼi inceʼe anu bangke olinya: Inceʼemo mangaincani i Kerisitu Yesu Pueku. Ua i Kerisitu painaka kurengkasakamo mpengaya-ngaya. Pura-puranya setu kureke podo nyoo, da kupangkoto marata i Kerisitu,

Pilipi 3:8 Referans Kwoze

Roma 8:18

Wali ane ewa pampobuuka to si aku kasesa to narata ngkita tempo si’i kodi kojo ane rapasewajuka kayawa to danapapokitaka i mPue Allah kita.

Palaong mPomakau i mPue Yesu 20:24

Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.

Pilipi 3:7

Wali samparia palaong to etu, ane tempo seore aku mampobuuka bae batuanginya resi aku. Pei si’i-si’i aku mampobuuka palaong to etu tare batuanginya apa jamo i Kerisitu semo to kusarumaka.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Pilipi 3:10

Wali tempo si’i aku rani kojo masinsani pei i Kerisitu. Pasi aku rani seja kuasa i mPue Allah mapalaong ri raya ngkatuwungku. Kuasa etu semo kuasa to nangawangu muni i Kerisitu yako ri kapateNya. Pasi aku rani seja mangepe kasesa ewa narata i ngKerisitu mangepe kasesa ri raya ngkatuwuNya ri lino si’i. Pasi aku rani lengko ngkatuwungku mawali sewaju ewa lengko i ngKerisitu ri tempo kapateNya.

2 Petrus 1:3

Wali i Pue Allah bae kojo kuasaNya apa Ia semo i Allah. Wali yako kuasaNya etu Ia roomo mangawaika resi kita samparia to danapake ngkita ri raya ngkatuwunta. Pasi Ia room mangawaika resi kita samparia to danapake ngkita see kita takoto mangika lengko ngkatuwu to mampakasanang Ia. Wali maka pei i Pue Allah mangawaika kita samparia etu? Ia mangawaika samparia to etu apa kita masinsani pei Ia to roomo mampokio kita. Pasi naka pei Ia nampokio kita see kita damangarata seja santila yako ri kayawaNya pasi ri kataoNya.

1 Korintus 2:2

Apa aku mangansongka ane kasaenya aku maroo-roo ri oyo ngkomi etu, aku jamo damampobuuka i Yesu Kerisitu, etu semo kapateNya ri kaju pasape.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

Yohanes 17:8

Apa Aku roomo mamporata resi sira gombo to nuto’oka ngKomi Aku, pasi sira mampodongeka kojomo gombo etu. Wali sira manasanya monso pu’u Aku ma’i yako resi Komi, pasi sira mangaya Komi semo to nampokau Aku.

Yohanes 14:20

Wali tempo palaong etu mawali, tempo etu komi damanasa Aku samba’a pei Pa’angKu, pasi komi samba’a pei Aku, pasi Aku samba’a pei komi.

Ibrani 3:14

Apa kita samparia mangarata seja samparia to narata i ngKerisitu ane kita mampakaroso pansarumakanta to re’e resi kita tempo owo mula mangaya see tare pombalinya rataka temponya kita mate.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

Yohanes 14:7

Ane komi roomo mangansani i sema kamonsonya Aku, matantu komi mangansani seja i sema kamonsonya Pa’angKu. Wali yako tempo to si’i komi mangansani kojo Pa’angKu pasi komi ewa roomo mangkita Ia.”

Epesus 4:13

Wali palaong etu mawali sampe rata temponya kita samparia mawali samba’a pampobuuka apa saba kita mangaya pasi mangansani Ana i mPue Allah. Tempo si’i kita raporapaka ewa ngana mayunu pei tempo kita mawali samba’a pampobuuka etu, kita damawali ewa tau bose tu’a. Pasi tempo etu kita damasilonga kojo sewaju pei i Kerisitu.

2 Petrus 3:18

Pei to tao-tao komi mampakakoroka mampodongeka tuntu i mPue Allah see kanjo’u-njo’u tiduga-dugang pangansani ngkomi mangkonong kanoto i Yesu Kerisitu, Pue ngkita pasi to Pansompo ngkita. Pasi kanjo’u-njo’u komi tiduga-dugang masinsani pei Ia. Wali anu kita mangabarong Ia mula yako tempo si’i rataka yau ri tempo to darata! Amin. Wali ungkanyamo gombongku si’i.

1 Yohanes 1:3

Wali anu to nakita mami pasi to nadonge mami etu, etu semo to kami mampakarebaka resi komi. Naka pei kami mampakarebaka resi komi, see komi to mangaya komi seja tuwu masingkatao pei Pa'a ngkita pasi AnaNya, i Yesu Kerisitu sewaju ewa kami. Apa monso pu'u kami tuwu masingkatao pei Pa'a ngkita pei AnaNya etu.

2 Timotius 4:6

Naka pei aku manganto’oka korom paposia etu apa daratamo temponya aku dapolas ri lino si’i. Aku darapopate yau, wali tempo aku darapopate etu, kapatengku etu aku mampasiwajuka ewa pampue to kupampueka resi i Pue Allah.

Yohanes 20:28

Wali i Tomas manganto’oka i Yesu, “Monso pu’u Komi Puengku pasi Allahngku!”

Yohanes 16:3

Wali naka pei sira damangansesai komi ewa wetu apa sira taa kojo mangansani i sema kamonsonya Pa’angKu pasi i sema kamonsonya Aku.

1 Yohanes 2:19

Wali bali i ngKerisitu etu masuwu yako ri oyo ngkita, pei kamonsonya sira si'a samba'a pangaya pei kita. Apa ane sira monso pu'u samba'a pangaya pei kita, matantu sira taa mampiyaika kita. Pei sira re'e mampiyaika kita, wali manasa tare sira to samba'a pangaya pei kita.

1 Petrus 2:7

Wali ane resi kita to mangaya, watu etu bae kojo batuanginya. Pei ane tau to taa mangaya Ia, sira ewa tau to taa mangampake watu to bae batuanginya etu wali sira mangabanang gombo to ratulis yami ri raya ntuntu i mPue Allah. Gombo etu manganto’o, “Watu to taa napake ntau to mangawangu banua, watu etu nawalimo watu to bae kojo batuanginya.” (Masmur 118:22)

Galatia 1:16

Pasi Ia masanang mampaponsanika aku AnaNya see aku maya mampakarebaka resi tau to si’a to Yahudi mangkonong i Yesu. Wali tempo i Pue Allah mampaponsanika aku i Yesu etu, aku taa yau resi sa’e darapotundeka mangkonong palaong to etu.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

1 Korintus 9:10

bara kita seja? Kamonsonya batuanginya nu gombo etu si’a ojo resi binatang, resi kita seja. Apa tau to mapalaong, rapanya ewa tau to mampojeko tana pasi tau to mambaju, tau etu masipato mampobuuka, “Aku damangarata seja santila yako ri wua mpalaongingku si’i.”

Yohanes 20:13

Wali sira manganto’oka i Maria, “Indo, maka pei korom tumangi?” I Maria mangansono, “Lemba mPuengku roomo nakeni yau ntau, pasi aku taa kunsani bara imbare napamposaka yau nsira Ia.”

Lukas 11:20

Pei Aku mangarubak measa mangampake kuasa i mPue Allah, wali palaong etu mampakanasaka komi i Pue Allah, Makole, naratamo ri oyo ngkomi.”

Pombilang 14:30

Wali monso pu’u Aku mamparajanjika komi seore damangawaika komi to Israel tana Kana’an danukaroos. Pei apa saba komi mangkambumbuka Aku, see naka kasimbalinya yako i Kaleb sira dua i Yosua, tare pasi samba’a komi to yabi dua mpuyu nto’umo to damasua ri tana Kana’an etu.

Lukas 1:43

Gete, ipu kojo rayangku apa komi indo mPuengku wali komi bae anggamu pei komi tiroo ma’i mayunu resi aku to kodi angga si’i.

Roma 8:39

Pasi anu to ndate yangi bara ri wawo lino taa seja maya. Wali samparia anu to rapapowali, tare pasi samba’a to maya mangaga’a kita yako ri pamporayang i mPue Allah to re’e resi kita apa saba kita samba’a pei i Kerisitu Yesu, Pue ngkita.

Pilipi 1:1

Sura si’i yako resi kami dua, i Paulus pasi i Timotius. Kami to papolaong i Yesu Kerisitu. Wali kami mangantulis sura si’i resi komi to nja’u kota Pilipi. Kami mangantulisika komi to i Pue Allah Puenya apa samba’a pei i Kerisitu Yesu. Pasi kami mangantulisika seja komi to penatua-penatua pasi diaken-diaken ntau to mangaya nja’u ria.

Pilipi 3:12

Wali tempo si’i kunsani si’awa samparia lengkongku to ewa wetu pasi aku tawa masilonga kojo katuwungku. Pei nempo ewa wetu, aku tare pandoonya rani mangika pamporani i ngKerisitu, apa etu semo songka i ngKerisitu Yesu tempo Ia mangoko aku mawali Ia pueNya.

2 Petrus 1:2

Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya. Pasi aku makai-kai see Ia mangawaika komi karodo ndaya apa saba komi masinsani pei Ia, pasi masinsani seja pei i Yesu, Pue ngkita.

2 Petrus 1:8

Apa ane lengko to etu to nuika ngkomi, pasi ane kanjo’u-njo’u tiduga-dugang resi komi mangika lengko to etu, ane ewa see katuwu ngkomi damawali bae batuanginya pasi bae wua mpalaong ngkomi. Wali ane komi mangika lengko to ewa wetu, kanjo’u-njo’u tiduga-dugang komi mangansani i Yesu Kerisitu, Pue ngkita.