Pilipi 3:2 - Tuntu i mPue ri Basa Taa

² Wali jagai kojo tau to maja’a to raporapaka ewa asu to maja’a kiranya. Tau etu maja’a palaonginya, pasi sira rani mampakasaaka komi, sira manganto’o komi taa maya taa damangangkojot koro ngkomi see danatima i mPue Allah.

Sura Magali Nuntu Ngkatuwu

² Da ndisoro-soro kojo waʼa ntau anu mawianaka waʼa anu majaʼa inceʼemo waʼa ntau anu sintinaja da ndatoʼo ‘asu’ Tau seʼe mariso waʼa ntau da naka ndasuna.

Pilipi 3:2 Referans Kwoze

2 Korintus 11:13

Wali tau to etu kamonsonya si’a pomakau i ngKerisitu. Sira pomakau to taa monso pasi palaong to naika nsira ojo mangantipu tau. Pasi sira mangawuni lengko to si sira pei mampotumbu lengko mpomakau i ngKerisitu.

Titus 1:16

Wali tau to ewa wetu, sira mampongakung mangalulu i Pue Allah, pei lengkonya taa kojo singkonong pei gombonya etu. Lengkonya etu maja’a kojo ri pangkita i mPue Allah. Sira bo’onya mampalaika i Pue Allah pasi sira taa kojo nakoto mangika palaong to matao.

Pangkita 22:15

Pei tau to makarika lengkonya, to raporapaka ewa asu, pasi tau to mangadoti sa’e, tau to magoyal, tau to mampopate sa’e, tau to mampue pue to yusa, pasi samparia tau to masanang sangkani mawuti, sira samparia paka nja’u sambali ngkota.

Galatia 5:15

Pei ane komi sangkani matingka pei masipoja’a ewa naika nu asu masobo, ane ewa see, pakatao kojo. Apa palaong to etu ojo mampakaja’aka yau kasingkatao ngkomi.

Pilipi 3:19

Wali tau to etu darapakaja’aka yau. Apa tau etu, ojo pamporani ndaya nsira semo to mawali pue nsira. Pasi sira tabaro mangkonong palaong to naika nsira to kamonsonya masipato napokea nsira. Pasi ojo anu to ri lino si’i semo to napobuuka nsira.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

Masmur 22:16

Wali boros tau to balingku sira raporapaka ewa asu to maja’a kiranya mangalimpung yau aku. Tau to maja’a etu kalili-lili rani mampakaja’aka yau aku. Wali sira mangantosu palengku pasi witingku.

Matius 7:15

.“Wali jagai kojo, apa re’e to pantuntu tuntu to taa monso. Sira mampoanika tau to matao to raporapaka ewa domba. Pei kamonsonya sira ewa asu maila to maja’a kiranya.

Pangkita 21:8

Pei tau to maleo, pasi tau to taa mangaya Aku, tau to kajimi, tau to mampopate sa’e, tau to magoyal, tau to mampake do’a, tau to mampue pue to yusa pasi samparia tau to masanang sangkani mawuti, tau to ewa wetu tare ri Yerusalem to bou, sira re’e la’u rano nu apu pasi sedawa to mawea. Etu semo kapate to kadua.”

Pangkita 3:9

Ewa si’i daKuika resi tau Yahudi to mawutis mampoanika mangalulu agama nto Yahudi, pei to mampue resi Kepala Measa. Tau to etu Aku daKupakasaaka dayau madungku yau ri tana ri tango mbiti ngkomi. Wali sira damangansani Aku mamporayang komi.

I Yudas 1:4

Wali poewaka pangayanta etu apa re’emo bara sawei mba’a tau to bali i mPue Allah to room masua ri oyo ngkomi tempo komi taa mangajagai kojo. Tau etu rani mangawali yau kareba mangkonong kanoto i mPue Allah. Sira manganto’oka tau taa mawei nempo mangika lengko to masipato rapokea apa i Pue Allah manoto. Pasi sira mamposapuka i Yesu Kerisitu, Makole pasi Pue ngkita anu samba’aja etu. Wali huku to danarata ntau etu room ratulis yami ri raya ntuntu i mPue Allah tempo owi.

1 Timotius 1:19

Pasi tempo korom mampoewaka anu to matao etu, kongko kojo pangayamu resi i Pue, pasi ika lengko to matao see raya ngkorom taa damangepe sala ri tango i mPue Allah. Apa re’e tau to ri rayanya mangepe sala pei sira tiroo mangika, wali tau etu maja’a yau pangayanya.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Galatia 5:13

Wali a’i-a’i, naka pei komi napokio i mPue Allah see komi seja daralapa yako ri ara ngkuasa mporenta i Musa. Pei nempo kita ralapa, si’a batuanginya kita maya mangaluluka yau muni pampobuuka ngkita to masae. Wali ne’e kita mangika ewa wetu. To tao-tao, anu kita masisawang apa saba kita masiporayang.

Roma 2:28

Wali ane ri pangkita i mPue Allah, tau to monso pu’u Ia puenya, tau to etu si’a tau to ojo mangalulu ada nto Yahudi. I Pue Allah re’e manganto’oka to Yahudi rasui, pei si’a ojo apa saba mangalulu ada to etu naka pei tau mawali Ia puenya. Apa rasui etu ojo palaong to mawali ri woto ngkoro ntau, si’a ri rayanya.

Matius 7:6

Wali yako etu i Yesu manganto’o rapa mampakanasaka tau ne’e mampotundeka tuntu i mPue Allah resi tau to bo’onya kojo mampodongeka. Ia manganto’o, “Anu to bae batuanginya, ne’e rawaika asu to maja’a kiranya, apa asu etu ojo damangansoko komi. Pasi ane watu to masuli olinya to rato’oka mutiara, ne’e ratajika yau ri tango mbawu, apa wawu etu ojo damangalombu yau.” Wali etu semo rapa to nato’o i Yesu etu.

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

2 Petrus 2:22

Wali palaong to naika nsira etu singkonong kojo pei ligi to manganto’o, “Anu to nalua yau nu asu, roo see nakoni muni nu asu etu.” Pasi re’e wo’u ligi to manganto’o, “Wawu to roomo nariu ntau, wawu etu ojo mawolili muni pei matomba ri raya nggege.” Wali ligi to etu singkonong kojo pei tau to mawolili muni ri lengko to maja’a to roomo napiyaika nsira.

Matius 24:10

Pasi tempo etu boros tau to damamposaka yau pangaya nsira. Sira damamposora yau yunu nsira pasi maja’a danakita yunu nsira samba’a pei samba’a.