Pilipi 3:12 - Tuntu i mPue ri Basa Taa

¹² Wali tempo si’i kunsani si’awa samparia lengkongku to ewa wetu pasi aku tawa masilonga kojo katuwungku. Pei nempo ewa wetu, aku tare pandoonya rani mangika pamporani i ngKerisitu, apa etu semo songka i ngKerisitu Yesu tempo Ia mangoko aku mawali Ia pueNya.

Sura Magali Nuntu Ngkatuwu

¹² Bareʼe kutoʼoka komi bara yaku seʼi maratamo rasi, bara bareʼemo reʼe posarinya. Paikanya ntongo kumompari-mpari da mangkekeni pombai anu ndapatokamo i ngKerisitu Yesu. Ua kaʼinceʼenya painaka Sira mangkekeni yaku pai ndapapewali tau-A.

Pilipi 3:12 Referans Kwoze

2 Korintus 7:1

Wali a’i-a’i to kuporayang kojo, magaya kojo parajanji-parajanji i mPue Allah resi kita etu! Wali apa saba parajanjiNya etu see naka anu kita mampakayongongika raya ngkita pasi koro ngkita. Batuanginya, posaka yau samparia palaong to maja’a to mampakarikasika koronta pasi rayanta etu. Pasi anu kita kanjo’u-njo’u tiduga-dugang mampasilonga lengko ngkita to masipato naika ntau to i Pue Allah Puenya. Ewa wetu lengko ngkita mampalaika i Pue Allah saba manga’angga Ia.

Ibrani 13:21

see Ia damangawaika komi samparia to matao to parluu ngkomi damangika pamporaniNya. Pasi aku makai-kai see yako kuasa i Yesu Kerisitu, i Pue Allah damapalaong ri raya ngkita mangangika anu to mampakasanang Ia. Wali anu kita mangabarong Ia rataka ri singkasaenya. Amin.

Epesus 1:4

Wali samparia rasi to roomo nawaika i mPue Allah kita etu, singkonong kojo pei pamporani to si Ia yako ri tempo Ia tawa nangampapowali lino si’i. Wali pobuuka to roomo naika i mPue Allah. Re’e katawanya Ia mampapowali lino, tempo etu Ia room mangampilis kita see damawali samba’a pei i Kerisitu. Wali see naka kita rapilis seja mawali tau to i Pue Allah Puenya, pasi Ia manganto’o kita tare salanta. Ia mangamporayang kita, see naka Ia re’e yami songkaNya damangampilis kita damawali anaNya. Wali Ia mangabanangimo songkaNya etu. Wali kita nawalimo anaNya apa saba yako palaong to naika i Yesu Kerisitu. Etu semo pamporani i mPue Allah to mampakasanang kojo Ia.

Pilipi 3:16

Pei tempo si’i anu kita mangangkongko pasi mangaluluka anu to roomo napakanasaka i mPue Allah kita. Pasi anu kita mawali samba’a pampobuukanta.

2 Petrus 3:18

Pei to tao-tao komi mampakakoroka mampodongeka tuntu i mPue Allah see kanjo’u-njo’u tiduga-dugang pangansani ngkomi mangkonong kanoto i Yesu Kerisitu, Pue ngkita pasi to Pansompo ngkita. Pasi kanjo’u-njo’u komi tiduga-dugang masinsani pei Ia. Wali anu kita mangabarong Ia mula yako tempo si’i rataka yau ri tempo to darata! Amin. Wali ungkanyamo gombongku si’i.

Ibrani 12:14

Wali ri raya ngkatuwu ngkomi, pakadota tuwu masingkatao resi samparia tau, pasi pakadota mangika lengko to masipato naika ntau to i Pue Allah Puenya. Apa tau to taa mangika palaong to etu, tau etu taa damangansani ewa wimba kamonsonya i Pue.

Galatia 5:17

Apa pamporani mpampobuuka ngkita to masae, pamporani to etu mangewa pamporani i Nosa Mapasing. Pasi pamporani i Nosa Mapasing mangewa pamporani mpampobuuka ngkita to masae. Wali pamporani to dua etu masimusu, see naka kita taa takoto mangika palaong to kita rani mangika.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

2 Tesalonika 2:13

Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

2 Korintus 13:9

Wali ane komi maroso pangaya ngkomi, kami masanang nempo kami mayu’u. Pasi kami makai-kai see lengko ngkomi kanjo’u-njo’u tiduga-dugang kasilonganya.

1 Korintus 13:10

Pei ane ratamo temponya i Pue Allah damampasilonga samparia, tempo etu dapaya yau sora to taa masilonga etu.

1 Tesalonika 5:15

Pasi jagai kojo see tare komi to mansawa ane re’e tau to mangika maja’a resi komi. Pei sangkani liwu jaya mangika anu to manoto ri oyo ngkomi pasi resi tau samparia.

1 Timotius 6:19

Apa ane sira mangika ewa see, sira re’e mamporomung kasugi ndate Saruga. Ojo kasugi to etu to bae batuanginya ri tempo to darata. Wali ane sira mangika ewa see, sira maya mangangkongko katuwu to monso pu’u.

Palaong mPomakau i mPue Yesu 9:15

Pei i Pue manganto’oka wo’u i Ananias, to’oNya, “Inta, apa Aku roomo mangampilis ia damangika palaongingKu. Wali ia damampakarebaka mangkonong Aku resi to Israel pasi tau to si’a to Israel pasi makole-makolenya.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

Ibrani 12:23

Pasi kita roomo masua seja resi samparia tau to mangaya. Kita samparia rato’oka ana i mPue Allah to tu’anginya, pasi sanga ngkita ratulis ndate saruga. Wali kita roomo mangampago i Pue Allah, to pobotus ntau samparia. Pasi kita roomo simparata pei tonii ntau to lengko nsira singkonong pei i Pue Allah pasi to roomo mawali masilonga.

Matius 5:48

Pei komi ngana i mPue Allah, wali to tao-tao lengko ngkatuwu ngkomi matao wo’u pei lengko ntau to taa mangansani Ia etu. Wali see naka masipato komi mamporayang samparia tau sewaju ewa Pa’a ngkomi to ndate saruga Ia mamporayang samparia tau.”

Roma 8:39

Pasi anu to ndate yangi bara ri wawo lino taa seja maya. Wali samparia anu to rapapowali, tare pasi samba’a to maya mangaga’a kita yako ri pamporayang i mPue Allah to re’e resi kita apa saba kita samba’a pei i Kerisitu Yesu, Pue ngkita.

1 Korintus 9:24

Wali komi mangansani anu to mawali tempo tau matilumba. Tempo etu, tau to matilumba samparia maripo, pei ojo samba’aja to mangarata dale. Wali kita raporapaka ewa tau to manang etu. Wali anu kita mampakadota mangaluluka songka i mPue Allah see kita seja mangarata dale.

1 Korintus 13:12

Wali si’i-si’i kita ewa tau to mangalo’aka lengkenya nja’u sami to mawaraus, wali taa mayoas. Pei ri tempo to darata kita damayoas mangkita ewa tau to mangalo’aka lio nsa’e. Pasi si’i-si’i anu to kunsani ojo sangga’aja, pei ri tempo etu dasewaju ewa wimba kanasanya i Pue Allah mangansani aku.

Pilipi 1:1

Sura si’i yako resi kami dua, i Paulus pasi i Timotius. Kami to papolaong i Yesu Kerisitu. Wali kami mangantulis sura si’i resi komi to nja’u kota Pilipi. Kami mangantulisika komi to i Pue Allah Puenya apa samba’a pei i Kerisitu Yesu. Pasi kami mangantulisika seja komi to penatua-penatua pasi diaken-diaken ntau to mangaya nja’u ria.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Pilipi 3:8

Pei kamonsonya si’a ojo palaong to etu to aku mampobuuka tare batuanginya. Ane ewa pampobuuka to si aku, samparia anu to re’e paka tare batuanginya resi aku. Apa to bae kojo batuanginya resi aku, etu semo aku masinsani pei i Kerisitu Yesu, Puengku. Wali saba Ia naka pei aku roomo mampiyaika yau samparia palaong to bae batuanginya resi aku seore. Pasi tempo si’i aku mampobuuka palaong to etu ewa wusu to makarika see aku kanjo’u-njo’u ojo tiduga-dugang pansarumakangku resi i Kerisitu.