Pilipi 2:8 - Tuntu i mPue ri Basa Taa

⁸ Pasi tempo Ia mawali ewa to lino etu, tempo etu Ia mampakakodi anggaNya, pasi Ia taa mangewa songka i mPue Allah mangkonong kapateNya. Sakowa mate rapaku ri kaju pasape, Ia napolaika.

Sura Magali Nuntu Ngkatuwu

⁸ Sira mampakalauka koro-A, pai tuwu ri pepoʼinaya ri Pue Ala rantani mate – inceʼemo mate ri kaju ndapanggo.

Pilipi 2:8 Referans Kwoze

Yohanes 10:18

Tare tau to maya mampopate yau Aku ane Aku taa mangabiaka, pei Aku buya rayangKu rapopate yau. Aku re’e kuasa mangabiaka tau mampopate yau Aku, pasi Aku re’e seja kuasa mangampotuwu muni korongKu, apa etu semo palaong to nato’oka mPa’angKu Aku mangika.”

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Roma 5:19

Naka pei tau boros mawali tau madosa apa saba samba’a tau taa mampalaika i Pue Allah. Tau etu semo i Adam. Wali ewa see seja tau boros naka pei darato’o tare dosanya apa saba samba’a tau mampalaika i Pue Allah. Tau etu semo i Yesu.

1 Petrus 2:24

Wali i Kerisitu etu, Ia semo to mangkeni dosa ngkita ri koroNya tempo Ia rapaku ri kaju pasape. Pasi yako wela-wela to narata i ngKerisitu seore, see naka kita rapakatao. Ewa wetu inikaNya see kita maya mawali ewa tau mate to tamo nakuasang nu dosa. Pasi Ia mangika palaong etu see kita maya tuwu damangika lengko to singkonong pei i Pue Allah.

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

2 Korintus 8:9

Wali masipato komi manoto resi sa’e apa komi mangansani ewa wimba kabaenya kanoto i Yesu Kerisitu, Pue ngkita. Ia sugi kojo tempo tawa ma’i ri lino si’i, pei nempo ewa wetu, Ia buya rayanya mawali masiasi see maya mangansawang kita. Wali yako kasiasi to si Ia etu see naka kita mawali sugi.

Matius 26:39

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai, Ia manganto’o, “O Pa’angKu, ane bara re’e jaya, limba kasesa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Palaong mPomakau i mPue Yesu 8:33

Ia narunes ntau pasi tempo tau mangabotus Ia, taa kono botu nsira etu. Ia rapopate yau, wali tamo tuwu ri oyo nto lino. Wali tare tau to maya manganto’o, ‘Si’i wiyaaNya.” (Yesaya 53:7,8) Etu semo gombo i Yesaya to nabasa nto Etiopia.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

Yohanes 14:31

pei Aku buya rayangKu mangabiaka palaong to danaika nu joanya resi Aku. Aku damangika ewa wetu mangalulu samparia to naporentangika mPa’angKu Aku see to lino damangansani Aku mamporayang Pa’angKu. Wali yaumo kita, mampiyaika tampa si’i.”

Yohanes 15:10

Pasi palaika porenta-porentangKu, apa ane komi mampalaika, komi sangkani masanang mampobuuka pamporayangingKu resi komi etu. Wali tempo komi mampolaika Aku etu, komi mangika seja to Aku mangika, apa Aku sangkani seja mampalaika porenta-porenta mPa’angKu, wali see naka Aku sangkani masanang mampobuuka pamporayangiNya resi Aku.

Matius 26:42

Wali ojo karoonya i Yesu mampogomboka i Petrus etu, Ia yau wo’u makai-kai kadua ngkaninya. Ia manganto’o, “O Pa’angKu, ane tare jaya yusa rapangalimba kasesa dakurata si’i, pei taa maya taa Aku damangarata, ane ewa see biakamo pamporani ngkomi semo damawali.”

Masmur 22:16

Wali boros tau to balingku sira raporapaka ewa asu to maja’a kiranya mangalimpung yau aku. Tau to maja’a etu kalili-lili rani mampakaja’aka yau aku. Wali sira mangantosu palengku pasi witingku.

Matius 17:2

Wali tempo etu i Yesu mambali ta’aNya ri tango nu anaguruNya to togo etu. Tempo Ia mambali ta’aNya etu, lioNya mareme ewa mata nu eo, pasi pakeNya mawali buya makilo ewa reme.

Yohanes 4:34

Pei batuanginya gombo i Yesu etu si’a mangkonong pangkoni to biasa, mangkonong palaongiNya semo. Ia mampakarebaka resi tau mangkonong songka i mPue Allah damampalaes sira mangampake Ia, Makole parajanji i mPue Allah. Wali tempo Ia mampakarebaka sira etu, palaong etu mawali ewa pangkoni resi Ia apa mampakaroso rayaNya. Wali Ia manganto’oka kami, “Anu to ewa pangkoni to mampakaroso rayangKu etu, etu semo mangalulu pamporani mPa’angKu to nampokau Aku, pasi mampakaroo palaong to Ia mansarumakaka resi Aku.”

Lukas 9:29

Wali rata ndate ria i Yesu makai-kai pasi tempo Ia makai-kai etu ta’a nu lioNya mambali pasi pakeNya mawali buya makilo.

Ibrani 12:4

Apa komi raporapaka ewa mangamusu dosa, pei ri rayanya komi mangewa dosa etu komi tawa mangarata kasesa ewa kasesa to narata i Yesu, ewa Ia rapopate yau. Wali insoka ane komi mangarata kasesa.