Pilipi 2:7 - Tuntu i mPue ri Basa Taa

⁷ Kasimbalinya yako etu Ia buya rayaNya mampiyaika yau pangkaNya to bae kojo etu panewa rapoanaka ewa to lino. Pasi Ia mawali yau ewa to papolaong.

Sura Magali Nuntu Ngkatuwu

⁷ Paikanya, Sira marengkasa pura-puranya, nepa mampasiwia koro-A ewa sambaʼa watua. Sira medika ewa tolino, pai tongawa ri katuwu-A ewa tolino.

Pilipi 2:7 Referans Kwoze

2 Korintus 8:9

Wali masipato komi manoto resi sa’e apa komi mangansani ewa wimba kabaenya kanoto i Yesu Kerisitu, Pue ngkita. Ia sugi kojo tempo tawa ma’i ri lino si’i, pei nempo ewa wetu, Ia buya rayanya mawali masiasi see maya mangansawang kita. Wali yako kasiasi to si Ia etu see naka kita mawali sugi.

Matius 20:28

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Ibrani 4:15

Wali Ia mawali to pampue to bae anggaNya to mamponsaruka kita ri tango i mPue Allah. Pasi Ia si’a to pampue to taa nakurang mangepe seja kayu’u ngkita. Ia mangepe kojo apa Ia room seja mangarata samparia ngaya mpanggoda to kita mangarata, pei Ia tare mangika dosa.

Roma 15:3

Apa sakowa i Kerisitu, Ia taa seja mampobuuka kasanang ndaya to si Ia. Ia buya rayaNya nempo mangarata kasusa apa saba mangalulu i Pue Allah. Wali ewa si’i gomboNya to ratulis yami ri raya ntuntu i mPue Allah tempo owi, Ia manganto’o, “Gombo ntau to manganto’o maja’a i Pue Allah, gombo etu manganto’o Aku seja maja’a.” (Masmur 69:10) Etu semo gombo i ngKerisitu to ratulis tempo owi.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Lukas 22:27

Apa ane ewa pampobuuka ngkomi, to imba to bae-bae angganya, bara tau to matunda mangkoni bara to papolaong to mangkenika ia pangkoninya? Gete, tau to matunda mangkoni semo! Pei nempo ewa wetu, Aku to nato’oka ngkomi bae anggaNya, pei Aku re’e ri oyo ngkomi ewa to papolaong.

Roma 15:8

Ne’e rakalingan i Kerisitu nama’i mawali to papolaong nto Yahudi. Ia mangika ewa wetu mangabanang parajanji i mPue Allah resi bue-bue nto Yahudi tempo owi, see samparia tau manasa i Pue Allah taa mawuti.

Pilipi 2:6

Apa Ia kamonsonya sewaju kojo pei i Pue Allah, pei Ia taa mampobuuka, “Aku bo’ongKu mampiyaika yau pangkangKu si’i.”.

Yesaya 42:1

Wali i Pue Yawe manganto’o, “Lo’aja! Si’i semo to PapolaongingKu to ipakarosongKu apa Ia semo to Aku roomo mangampilis, pasi Aku masanang kojo resi Ia. Pasi Aku damamampokau NosangKu yau damaroo resi Ia. Wali NosangKu etu damangansawang Ia tempo Ia damangabotus samparia bansa ntau to si’a to Yahudi see Ia damangika to kono kojo pasi to masipato raika resi sira samparia.

Masmur 22:6

Ane ewa panto’o ntau aku taa bae batuanginya, ojo ewa talodo semo. Wali aku nato’o maja’a nsira pasi maja’a nakita nsira.

Matius 12:18

“Si’i semo to papolaongingKu to Aku roomo mangampilis. Ia semo to kuporayang pasi to mampakasanang kojo rayangKu. Wali Aku damangawaika Ia Nosa Mapasing yako resi Aku, pasi Ia damampakarebaka resi tau to si’a to Yahudi mangkonong songka to singkonong pei Aku.

Ibrani 13:3

Pasi ne’e seja kalingan yunu ngkomi to ratarungku. Porayang sira ewa nuporani sa’e mamporayang komi ane ratarungku seja sindara-ndara pei sira. Pasi ne’e mangkalingan tau to nasesai nsa’e, apa komi re’e seja koro to maya nasesai nsa’e.

Roma 1:3

Wali kareba matao to natulis nsira etu kareba mangkonong Ana i mPue Allah, etu semo i Yesu Kerisitu, Pue ngkita. Wali i Yesu rapoanaka mawali to lino yako ri wiyaa i Daud. Pei i Yesu etu Ia seja Ana i mPue Allah, pasi Ia mapasing seja sewaju pei i Pue Allah. Manasa kojo Ia Ana i mPue Allah, apa yako kuasaNya i Pue Allah mangawangu muni Ia yako ri kapateNya. Wali ewa wetu naika i mPue Allah mampakanasaka kita i Yesu semo AnaNya.

Markus 9:12

Wali i Yesu mangansono see damanasa resi sira i Yohanes to Pombaptis, ia semo to rato’oka i Elia. I Yesu manganto’o, “Monso pu’u i Elia ia matiruyu damampasilonga muni samparia. Pei Aku manganto’oka komi i Elia ia roomo nama’i muni, pasi tau ojo mangika maja’a resi ia mangalulu pamporani to si siraja. Wali palaong to etu mangabanang gombo to ratulis ri raya ntuntu i mPue Allah tempo owi mangkonong i Elia. Pei re’e seja gombo to ratulis ri raya ntuntu i mPue Allah mangkonong Aku, Wiyaa nto Lino. Gombo etu manganto’o Aku darasesai pasi danarunes ntau.”

2 Korintus 13:4

Apa nempo koronya mayu’u tempo Ia rapaku ri kaju pasape seore, Ia tuwu muni tempo si’i saba yako kuasa i mPue Allah. Wali see naka Ia bae kuasaNya mapalaong resi kita to samba’a pei Ia. Kamonsonya koro ngkita mayu’u seja sewaju ewa Ia seore. Pei tempo si’i kita tuwu seja sindara-ndara pei i Kerisitu apa saba kuasa i mPue Allah. Wali see naka kami re’e seja kuasa damampasilonga komi ane kami darata wo’u resi komi.