Pilipi 2:29 - Tuntu i mPue ri Basa Taa

^29-30 Wali tima ia ri raya ngkandende ndaya ngkomi to bae kojo, ewa to masipato nuika ngkomi mangantima tau to samba’a seja pei i Pue. Pasi pakabae ia, apa ia mosu mate mangika palaong i ngKerisitu. Pasi ia buya rayanya nempo mate yau mangansawang aku, pasi ia mangampansaruka komi to taa nukurang mangika palaong to etu apa longko. See naka masipato komi mampakabae ia pasi samparia tau to ewa ia.

Sura Magali Nuntu Ngkatuwu

²⁹ Mewali ndisabemo siʼa ri wongko ndaya ewa sambaʼa tau anu sampepeaya ndaya. Da nditubunaka pura-pura tau anu ewa siʼa.

Pilipi 2:29 Referans Kwoze

1 Timotius 5:17

Wali re’e wo’u to aku manganto’oka korom mangkonong ketua-ketua ntau to mangaya. Etu semo mangkonong ketua-ketua to matao kojo naika mampasilonga tau to mangaya, taa manto’o ketua-ketua to madota mampakarebaka pasi mampotundeka tuntu i mPue Allah. Wali ketua-ketua to ewa wetu sira danato’o ntau masipato mangantima ntanapa to dua ngkani kabaenya ewa to biasa.

1 Tesalonika 5:12

Wali a’i-a’i, kami mamporapika resi komi see komi manga’angga penatua-penatua to maroso palaonginya mangansawang komi. Apa sira semo to napilis i mPue mampasilonga komi pasi sira semo to mampaposiaka komi.

1 Korintus 16:18

Apa sira re’e mampakaroso rayangku ewa naika nsira mampakaroso raya ngkomi seja. Wali masipato kita manga’angga tau to ewa wetu.

Roma 16:2

Ia darata resi komi, wali aku mamporapika resi komi see komi damangantima ia ri kasanang ndaya apa ewa wetu to masipato naika ntau to i Pue Allah Puenya mangantima a’inya to samba’a seja pei i Pue. Pasi kuporapika seja see ane bara re’e to taa gana resi ia, komi damangansawang ia, apa ia room mangansawang boros tau. Pasi ia seja mangansawang aku.

2 Korintus 10:18

Wali ne’e kita mangabarong mangkonong anu to yusa kasimbalinya yako i Pue. Apa si’a tau to mangabarong koronya to masipato ra’angga, pei tau to nabarong i mPue, ia semo to masipato ra’angga.

1 Korintus 16:10

Wali i Timotius re’e songka dayau resi komi. Wali ane ratamo ia aku rani komi mangika matao resi ia see ia taa mampomoruka komi. Apa ia seja mangika palaong i mPue sewaju pei aku.

3 Yohanes 1:10

Wali boros gombo to maja'a to to'onya mampakasala kami. Pei si'a ojo etu inikanya, pasi ia bo'onya mampalinggona pua'i ngkita to rata pasi ia mangayolis tau to yusa to rani mampalinggona sira. Pasi ane re'e tau to tiroo rani mampalinggona tau to rata etu, ia taa mangabiaka tau etu masua ri tempo ngkasiromu ngkomi to mangaya. Wali see naka ane aku rata resi komi aku damanganto’oka komi mampakaroo palaong to maja'a to naika i Diotrepes etu.

Ibrani 13:17

Wali polaika penatua ngkomi pasi luluka songka nsira. Apa sira semo to mangararamaka katuwu ngkomi pasi sira semo to damamposonoka pampotanaka i mPue Allah mangkonong palaong nsira etu. Wali polaika sira see sira maya mangika palaong nsira ri kandende ndayanya. Apa ane komi taa mampolaika sira, sira damawo kojo rayanya mangika palaong nsira. Pasi apa saba komi taa mampolaika sira, see naka sira tamo bae karoso ndaya nsira mangansawang komi.

Kolose 4:10

Wali i Aristarkus, to ratarungku seja sindara-ndara pei aku, ia taa mangkalingan komi. Pasi ewa see seja nato'o i Markus, pinuana i Barnabas. Komi roomo mangantima patuu mangkonong i Markus etu. Patuu etu manganto'oka komi mangantima ia ri kasanang ndaya ane ia rata resi komi.

2 Korintus 7:2

Wali kuporapika resi komi pakabae pamporayang ngkomi resi kami. Ne’e mampodongeka gombo ntau to mampakasala kami. Apa tare pasi samba’a tau to mangarata sala to yako to nika mami. Pasi tare pasi samba’a tau to napakaja’aka yau mami katuwunya. Pasi taa seja re’e tau to itipu mami.

Roma 10:15

Pasi wimba danaika ntau mampakarebaka kareba etu ane sira tare to mampokau? Pei kamonsonya re’e kojo tau to rapokau, apa re’e to ratulis ri raya ntuntu i mPue Allah to manganto’o, “Matao kojo lempa mbiti ntau to mangkeni kareba matao mangkonong ewa wimba to lino maya masingkatao pei i Pue Allah, pasi mangkeni kareba mangkonong anu to yusa to mampakasanang raya ntau.” (Yesaya 52:7)

Palaong mPomakau i mPue Yesu 28:10

Wali sira mangansora kami. Boros kojo sora to sira mangawaika kami apa sira manga’angga kami. Pasi tempo kami damalayag wo’u yako ri lipu etu, tempo etu sira mangkenika kami samparia ngaya-ngaya to darapake, ngaya-ngaya etu sira mamposakaka kami ri bangka.

Palaong mPomakau i mPue Yesu 8:8

Wali tau to nja’u kota etu sira ndende kojo rayanya.

Palaong mPomakau i mPue Yesu 2:46

Wali ponto eo sira siromu mampue mampakabae i Pue Allah ri banuaNya. Pasi sira seja masanang kojo pasi buya raya nsira mangkoni sindara-ndara ri banua nsira samba’a pei samba’a, mangendo kapate i mPue Yesu.

Yohanes 13:20

Wali Aku manganto’oka komi, monso pu’u, i sema tau to manga’angga pomakaungKu, tau etu sewaju ewa manga’angga Aku. Pasi i sema tau to manga’angga Aku, tau etu sewaju ewa manga’angga Ia to nampokau Aku.”

Lukas 9:5

Pei ane re’e lipu tau to bo’onya mangantima komi, ane ewa see, ane polas komi yako nja’u ria, tantamaka awu ntana to re’e ri witi ngkomi. Wali palaong etu mawali tondong resi tau etu komi taa kojo singkonong pei sira.” Etu semo gombo i Yesu resi anaguruNya to sampuyu pei dua.

Pilipi 2:28

Wali see naka aku rani kojo mangampokau ia mawolili muni resi komi see komi damasanang wo’u raya ngkomi damangangkita muni ia. Pasi ane ewa wetu, aku tamo mawo kojo rayangku mampobuuka komi.