Pilipi 2:2 - Tuntu i mPue ri Basa Taa

² Wali apa saba ewa wetu resi komi, tuwu-tuwuja komi datuwu masingkatao samba’a pei samba’a pasi masiporayang. Pasi tuwu-tuwuja komi samba’a songka ngkomi pasi samba’a pampobuuka ngkomi. Apa ane ewa wetu, bae wo’u kandende ndayangku mampobuuka komi.

Sura Magali Nuntu Ngkatuwu

² Mewali, koisa ndipakagana kojo kawongko ndayaku ri waʼa mpowiami anu ewanceʼi. Ndikatuwumo ri kasintuwu ndaya pai ri towe ndaya anu siwia-wia, pai ri kasiwia mponawa-nawa pai tinako ndaya.

Pilipi 2:2 Referans Kwoze

Roma 12:16

Anu kita tuwu masingkatao resi yunu ngkita samba’a pei samba’a. Ne’e kita mangei, pei anu kita masintuwu resi tau to taa bae angganya. Ne’e kita mampobuuka kita semo to pande-pande pei sa’e.

1 Korintus 1:10

Wali a’i-a’i, i Yesu Kerisitu, Pue ngkita, Ia roomo mangawaika aku kuasa. Wali apa saba kuasa etu see naka aku mamporapika resi komi see komi mawali samba’a pampobuuka naka ne’e komi masimpayu raya. Wali pasimba’a pampobuuka ngkomi pasi songka ngkomi.

2 Korintus 13:11

Wali a’i-a’i, gombo to kapuranya to aku rani manganto’oka komi ewa si’i. Pakasanang raya ngkomi. Pasi pasilonga lengko ngkatuwu ngkomi. Pasi biakamo paposiangku mampakaroso raya ngkomi. Pasi matao komi mawali samba’a pampobuuka pasi tuwu masingkatao. Apa ane ewa see i Pue Allah, anu rato’oka pu’u mpamporayang pasi karodo ndaya, Ia dasiwaka pei komi.

3 Yohanes 1:4

Tare kareba to yusa to sana-sanang aku mangandonge kasimbalinya yako kareba to manganto'o re'e nganangku to lengko ngkatuwunya singkonong pei anu to monso. Kareba etu semo to mampakasanang kojo aku.

Pilipi 2:16

Naka pei kita raporapaka ewa mangansindo lino si’i, apa kita semo to mampakarebaka resi to lino kareba to mangawaika sira katuwu to singkasaenya. Wali ika lengko to etu see ane ratamo temponya i Kerisitu ma’i wo’u, aku maya ndende rayangku mampobuuka bae batuanginya palaong to inikangku ri oyo ngkomi seore. Pasi taa tibute palaong to mandasai kojo kuepe mangika etu.

Palaong mPomakau i mPue Yesu 2:46

Wali ponto eo sira siromu mampue mampakabae i Pue Allah ri banuaNya. Pasi sira seja masanang kojo pasi buya raya nsira mangkoni sindara-ndara ri banua nsira samba’a pei samba’a, mangendo kapate i mPue Yesu.

2 Yohanes 1:4

Wali Indo, aku ndende kojo rayangku mangandonge kareba to manganto'o re'e nganamu to mangalulu anu to monso. Apa ewa wetu porenta i mPa'a resi kita.

2 Tesalonika 2:13

Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

Kolose 2:5

Wali tuwu-tuwuja komi damampodongeka gombongku etu, apa aku nempo longko yako resi komi, pei rayangku re'e sindara-ndara pei komi si'i-si'i. Pasi aku ndende rayangku mampobuuka komi masintuwu pasi komi mainti pangaya ngkomi resi i Kerisitu.

Pilipi 4:2

Wali aku mamporapika resi i Euodia sira dua i Sintike see masingkatao sira dua, apa sira dua paka samba’a pei i Pue.

Pilipi 2:20

Wali i Timotius semo to dakupokau, apa tare to yusa yunungku rire kasimbalinya yako ia to samba’a pampobuuka pei aku, pasi to mangamporayang komi pasi rani mangansawang komi.

2 Korintus 7:7

Pasi si’a ojo karatanya mampolindo raya mami. Pasi kareba to ikeninya to mampolindo kami, apa i Titus mampakarebaka resi kami mangkonong ewa wimba inika ngkomi ri Korintus mampolindo ia seore. Pasi ane ewa to’onya komi mawongko kojo raya ngkomi mampobuuka aku, pasi soso raya ngkomi apa saba dosa to mawali ri oyo ngkomi seore to roomo isekongku ri raya nsurangku to uyunya. Pasi ane ewa to’o i nTitus komi rani kojo mampakasanang aku. Wali apa saba kareba to nakeni i nTitus etu, see naka aku tidugang wo’u kandende ndayangku.

2 Korintus 2:3

Wali aku rani ndende rayangku tempo rata resi komi apa manasa kojo ane aku ndende rayangku, komi seja ndende raya ngkomi samparia. Aku taa rani mawo rayangku tempo aku darata resi komi, apa to tao-tao komi mampakandende rayangku. Wali see naka aku mangantulisika komi sura seore, see tuwu-tuwuja tau to sala darapakakonoka re’e katawanya aku rata resi komi.

Palaong mPomakau i mPue Yesu 5:12

Wali ri tempo etu samparia tau to mangaya samba’a pampobuuka nsira siromu-romu ri gandaria nja’u banua i mPue Allah. Gandaria etu rato’oka Gandaria i nSalomo. Pei ane tau to tawa mangaya, sira meka rayanya siromu sindara-ndara pei tau to mangaya etu. Pei nempo ewa wetu, tau to mangaya etu na’angga ntau boros pasi kanjo’u-njo’u tiduga-dugang kaborosinya tau to langkai pasi tau to we’a to mangaya i Pue. Pasi ri tempo etu, pomakau i mPue Yesu, sira boros kojo mangika palaong to mawali tondong resi tau pasi palaong to mampakaipu raya ntau. Sira mangika palaong etu ri tango ntau boros.

Palaong mPomakau i mPue Yesu 1:14

Sira to sampuyu pei samba’a etu samba’a-mba’amo pampobuukanya, wali sira siromu damakai-kai. Pasi re’e seja sawei mba’a to we’a to siromu sindara-ndara pei sira. Pasi re’e seja indo i Yesu, etu semo i Maria, pasi re’e wo’u sawei mba’a tua’i i Yesu.

Pilipi 1:4

Pasi ponto ngkani aku makai-kai resi i Pue Allah mampokaika komi samparia, aku sangkani ndende rayangku mampokaika komi.

Yohanes 3:29

“Palaong to mawali etu raporapaka ewa tau to marongo. Apa to langkai ia semo to rapasiwaka pei to we’a, wali to we’a etu ia puenya. Pei galung nto langkai etu, ia masanang ojo mangalo’aka pasi mampodongeka palaong to mawali ri tempo mpaparongo etu. Pasi ia ndende kojo rayanya tempo ia mangandonge gombo ngkai to rapaporongo etu. Wali i Yesu Ia ewa to langkai to rapaporongo etu pasi tau to mangalulu Ia, sira ewa to we’a to naoko nto langkai etu, wali sira Ia puenya. Pasi aku ewa galungiNya, see naka aku ndende kojo rayangku mangandonge Ia mampogomboka tau boros ri tempo si’i.

2 Timotius 1:4

Aku tiroo mangendo katumangi ngkorom seore tempo aku mampiyaika lipu ngkorom, see naka aku rani kojo rayangku mangkita wo’u korom see aku damawali ndende kojo rayangku.

Palaong mPomakau i mPue Yesu 2:1

Wali yako etu ratamo temponya roa to rato’oka roa Pentakosta. Tempo etu samparia tau to mangaya i Yesu siromu ri samba’a banua ri kota Yerusalem.

Pilemon 1:20

Wali a’ingku, aku rani korom mangansawang aku apa saba kita dua paka mangaya i Pue. Pakalindo rayangku apa kita samba’a pei i Kerisitu.