Pilipi 2:17 - Tuntu i mPue ri Basa Taa

¹⁷ Wali pangaya ngkomi maya raporapaka ewa pampue to nupampueka ngkomi resi i Pue Allah. Pasi aku maya raporapaka ewa anu to rainu to biasa nawubu nto pampue ri wawo mpampue to rapampueka, apa aku tamo masae bara darapopate yau pei tiwubu raangku. Pei nempo ewa wetu, aku masanang rayangku pasi ndende rayangku sewaju ewa komi masanang pasi ndende raya mampampueka pampue ngkomi etu resi i Pue Allah.

Sura Magali Nuntu Ngkatuwu

¹⁷ Bara katuwuku seʼi sangaya-ngaya da kupanyombaka ri Pue Ala da mampagana panyomba anu ndipanyombaka ua peaya ndayami ri Pue Ala. Pai ane lawi da ewanceʼe ntano, kuunde i Pue Ala, pai mawongko rayaku sangkani-ngkani pai komi.

Pilipi 2:17 Referans Kwoze

2 Timotius 4:6

Naka pei aku manganto’oka korom paposia etu apa daratamo temponya aku dapolas ri lino si’i. Aku darapopate yau, wali tempo aku darapopate etu, kapatengku etu aku mampasiwajuka ewa pampue to kupampueka resi i Pue Allah.

Roma 15:16

Ia nangampilis aku mawali to papolaong i ngKerisitu Yesu. Wali aku napokau i ngKerisitu yau resi tau to si’a to Yahudi. Pasi palaongingku etu maya raporapaka ewa palaong nto pampue, apa aku mampakarebaka kareba matao to yako resi i Pue Allah. Aku mampakarebaka tau to si’a to Yahudi kareba matao see sira damangaya seja i Pue Yesu. Pasi sira to mangaya mawali ewa pampue to napampueka nto pampue etu resi i Pue Allah. Wali i Pue Allah maya mangantima sira apa sira mawali Ia Puenya naika mpalaong i Nosa Mapasing.

2 Korintus 12:15

Wali apa saba aku mangepe komi ewa ngana ngkorongku, see naka nempo komi kanjo’u-njo’u kakodi-kodi pamporayangimo resi aku, pei aku kanjo’u-njo’u kabae-bae pamporayangingku resi komi. See naka aku masanang kojo mangawaika samparia to re’e resi aku pasi mangampake yau samparia karoso ngkorongku damangansawang komi.Wali ane ewa see, maka pei bata-bata raya ntau mampobuuka aku bara si’a kamonsonya pomakau i ngKerisitu?

Kolose 1:24

Wali si'i-si'i aku mangarata kasesa saba mangika palaong to etu resi komi. Pei nempo korongku rasesai, aku tiroo ndende rayangku. Apa i Kerisitu mangkasesaka tau to rato'oka koronya. Etu semo samparia tau to mangaya Ia. Wali aku mangarata seja santila kasesa to narata i ngKerisitu etu, pasi to tiroowa narata ngkita.

Pilipi 1:20

Pasi aku mamporani kojo pasi mansarumaka i Pue see aku taa damangika bara kesaa to damampakamea aku. Kasimbalinya yako etu, aku rani see nempo kesaa to mawali resi aku ri tempo si’i, pei aku gana karoso ndayangku ewa tempo ruyu. Naka pei aku rani ewa wetu see i Kerisitu danapakabae ntau nempo aku bara tuwu nempo aku bara mate.

2 Korintus 7:4

Wali apa saba aku mamporayang komi see naka aku taa meka-meka rayangku mampogomboka komi. Pasi see naka aku masanang mangabarong komi. Pasi apa saba komi semo naka pei bae kalindo ndayangku pasi bae seja kandende ndayangku ri rayanya samparia kasesa to irata mami.

1 Yohanes 3:16

Wali kita tansani seja batuanginya pamporayang apa i Kerisitu mawali tondong resi kita tempo Ia mangawai koroNya mangkapateka kita. Wali ane ewa see, masipato kita seja buya rayanta mangkapateka pua'i ngkita to samba'a pangaya taa manto’o mangansawang sira.

Roma 12:1

Wali, a’i-a’i, i Pue Allah mamporayang kojo kita. Wali see naka aku mampaposiaka kita see kita damangawaika koronta resi Ia ewa pampue to tuwu. Ane ewa see koro ngkita mawali i Pue Allah Puenya, pasi pampue to ewa see mampakasanang kojo Ia. Wali pampue to etu masipato kojo kita mangawaika i Pue Allah.

1 Petrus 2:5

Pei ane kita to mangaya, kita seja raporapaka ewa watu to iwaikaNya katuwu, apa kita semo saga to napake i mPue Allah mangika banuaNya. Pasi kita mawali to pampue to i Pue Allah puenya. Wali kita mampampueka pampue to nato’oka i Nosa Mapasing kita mampampueka. Pampue etu mampakasanang i Pue Allah apa i Yesu Kerisitu to mamponsaruka kita.

1 Tesalonika 2:8

Apa kami mamporayang kojo komi. See naka kami masanang si’a ojo mampakarebaka resi komi kareba matao yako resi i Pue Allah. Kami nempo tuwu nempo mate, buya raya mami mangansawang komi apa bae kojo pamporayang mami resi komi.

Pilipi 4:18

Wali tempo si’i gana kojo to re’e resi aku, tamore to kupoipu apa aku roomo mangantima sora to nakeni i Epaproditus yako resi komi. Pasi kamonsonya re’e mayabimo yako ri anu to dakupake. Wali sora ngkomi etu maya raporapaka ewa pampue to magaya waunya to masanang kojo i Pue Allah mangantima.

Palaong mPomakau i mPue Yesu 21:13

Pei tempo etu i Paulus mangansono, to’onya, “Maka pei komi tumangi mampakamawo rayangku? Apa aku nempo si’a ojo ratarungku, aku nempo rapopate yau nda’a Yerusalem apa saba mangalulu i Pue Yesu, aku buya rayangku.”

Palaong mPomakau i mPue Yesu 20:24

Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.

2 Korintus 6:10

Wali kami mangarata kasusa, pei tare pandoonya ndende raya mami. Kami masiasi, pei yako palaong mami see naka boros tau to mangarata kasugi to monso. Pasi ane ri pangkita ntau kami tare kesaa to re’e resi kami, pei kamonsonya samparia rasi ndate saruga paka kami puenya. Wali manasa kami to papolaong i mPue Allah semo! Pasi ane manasa kami to papolaong i mPue Allah, ane ewa see manasa seja masipato komi mangaya kareba matao to napakarebaka mami resi komi.

Pilipi 2:18

Wali to tao-tao komi seja mampakasanang wo’u raya ngkomi pasi ndende seja raya ngkomi sewaju ewa aku nempo aku rapopate yau.

2 Korintus 4:12

Wali ri rayanya kami mampakarebaka kareba matao, sangkani re’e tau to rani mampopate yau kami. Pei taa mawei, apa yako palaong mami etu see naka komi mangayamo pasi roomo mangarata katuwu to singkasaenya.