Pilipi 2:15 - Tuntu i mPue ri Basa Taa

¹⁵ see tare lengko ngkomi to maya nato’o nsa’e sala pasi to masipato raseko. Apa kita ngana i mPue Allah, see naka masipato kita mangika lengko to matao nempo maroo ri oyo ntau to maneo pasi to baraewa to tuwu ri tempo si’i. Apa kita raporapaka ewa batu’e to mareme kojo to mangansindo lino si’i.

Sura Magali Nuntu Ngkatuwu

¹⁵ Powiami ewanceʼe, komi mampatongawa kakominya waʼa ana i mPue Ala anu bereʼe posarinya, anu magali ri oyo ntau tuwu salapi seʼi anu majaʼa engkonya pai masalaa, mbolimo ri tempo ndipamparataka tau seʼe bambari anu da mawai katuwu, komi da ewa reme anu mampakareme lino seʼi,

Pilipi 2:15 Referans Kwoze

1 Petrus 2:12

Pei ri rayanya komi maroo-roo ri oyo ntau to taa mangaya i Pue, ika lengko ngkatuwu to matao see danakita nsira. Apa ane ewa wetu, nempo sira manto’o maja’a komi, sira tiroo damangansani kamonsonya lengko ngkomi matao. Wali nempo sira manto’o maja’a komi ri tempo si’i, ane ratamo temponya i Pue Allah ma’i damangabotus to lino, tempo etu sira damangabarong Ia apa sira roomo mangkita lengko ngkomi to matao.

Matius 5:45

Ika ewa wetu see damiyala komi monso pu’u ngana mPa’a ngkomi to ndate saruga. Apa i Pue Allah mangika mata nu eo damangansindo samparia tau, nempo tau to maja’a bara to matao. Pasi Ia mangawaika seja uja resi samparia tau, nempo tau to mangika lengko to singkonong pei Ia bara tau to taa.

1 Tesalonika 5:23

Wali kami makai-kai resi i Pue Allah to mangawaika kita kasanang see Ia mampasilonga komi see kanjo’u-njo’u kaboro-boros komi mangika lengko to masipato naika ntau to Ia Puenya. Pasi kami makai-kai seja see Ia mangararamaka komi see tonii ngkomi, raya ngkomi, pasi koro ngkomi, samparia paka tare to maya rato’o sala ane ratamo temponya danakama’i i Yesu Kerisitu, Pue ngkita.

2 Petrus 3:14

Wali a’i-a’i to kuporayang, komi monso pu’u mangampeas tempo to etu. Wali ri rayanya komi mangampea, pakakoroka mangika lengko to taa mampakarikasika raya ngkomi, pasi to taa maya napakasala nsa’e.

1 Korintus 1:8

Pasi Ia damampakaroso raya ngkomi rataka ri kapuranya temponya to si’i. I Nosa Mapasing damampakaroso raya ngkomi see komi tare to maya rapakasala ane ratamo temponya i Yesu Kerisitu, Pue ngkita, dama’i wo’u.

Titus 2:10

bara mampolima ngaya-ngayanya. Pei pamporani i mPue Allah resi sira matao lengkonya see maya nasarumaka ntau puenya. Apa ane ewa wetu lengko mbatua to mangaya, tau to yusa damangangkita magaya kojo anu to kita mampotundeka mangkonong i Pue Allah, to Pansompo ngkita.

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Matius 5:48

Pei komi ngana i mPue Allah, wali to tao-tao lengko ngkatuwu ngkomi matao wo’u pei lengko ntau to taa mangansani Ia etu. Wali see naka masipato komi mamporayang samparia tau sewaju ewa Pa’a ngkomi to ndate saruga Ia mamporayang samparia tau.”

1 Timotius 3:10

Wali tau to damawali diaken, sira daraparesa ruyu panewa ane tare lengko nsira to masipato raseko, sira maya mawali diaken.

1 Timotius 3:2

Wali ketua ntau to mangaya, ia taa maya re’e lengkonya to masipato naseko nsa’e. Ia samba’aja rongonya, pasi ia mangajagai koronya ngkalio. Ia tau to masilonga pampobuukanya, pasi ia mangika lengko to masipato na’angga nsa’e. Tau to etu masanang mampalinggona tau to rata pasi ia seja pande mampotunde sa’e.

Pilipi 1:10

Naka pei aku makai-kai ewa wetu see komi sangkani damangansani mangampilis anu to matao kojo. See boros palaong to singkonong pei i Pue Allah darakita ri raya ngkatuwu ngkomi saba yako pansawang i Yesu Kerisitu. Palaong etu raporapaka ewa wua ngkaju to matao kojo. Wali ane ewa see, tare lengko ngkomi to makarika pasi to masipato rato’oka sala ane ratamo temponya i Kerisitu dama’i wo’u. Pasi yako palaong ngkomi etu, see naka tau damanga’angga pasi damangabarong i Pue Allah.

Epesus 5:27

Naka pei Ia mangika ewa wetu see kita to tauNya dabae kojo kayawanta tempo Ia mangkeni kita ri tangoNya ewa pangantin to rakeni ri tango ntau to damangoko. Tempo etu kita raporapaka ewa to we’a to pakenya tare anu to makarika bara makuru bara anu to yusa to taa magaya. Apa kita i Pue Allah Puenya pasi tare to maya rapakasala.

Roma 16:19

Pei ane mangkonong komi, aku masanang kojo rayangku, apa nansani ntau boros komi mampalaika kojo i Pue. Pei tiroowa re’e pamporaningku resi komi. Etu semo, ane mangkonong anu to matao, aku rani see komi mawali pande kojo mangaluluka. Pei ane anu to maja’a, ne’e komi mawali pande mangaluluka. Etu semo pamporaningku.

Palaong mPomakau i mPue Yesu 2:40

Wali yako etu boros wo’u gombo to nato’o i mPetrus mampakanasaka sira mangkonong songka i mPue Allah pasi mampatiendoka sira. Ia manganto’o, “Pajea see komi taa damangarata seja huku to danarata ntau to maja’a to tuwu ri tempo si’i.”

Matius 10:16

Wali yako etu i Yesu manganto’oka wo’u kami to anaguruNya, to’oNya, “Padongeka gombongKu si’i. Aku mampokau komi yau mampakarebaka tau kareba matao. Pei tempo komi yau etu pakatao kojo apa komi ewa domba to yau ri oyo nu asu maila to maja’a kiranya. See naka matao ane komi mampotumbu lengko nu lago apa ia pande kojo. Pasi matao seja komi mampotumbu lengko ntagou apa ia tare mampakasusa tau.

Ibrani 7:26

Wali to pampue to bae anggaNya to ewa wetu semo to naparluu ngkita. Apa Ia mapasing, pasi tare lengkoNya to masipato napakasala nsa’e pasi tare lengkoNya to makarika. Pasi Ia raga’a yako resi tau to madosa. Pasi Ia raokotaka nto’u tampa to bae kojo angganya, ri wawonya samparia yangi.

Titus 2:15

Wali anu to aku manganto’oka korom si’i, patundeka tau nja’u ria. Korom room nawaika i mPue Allah kuasa damampakaroso raya nsira pasi manganseko sala nsira, wali pake kuasamu etu. Pasi ne’e ojo mangabiaka tau mamposapu gombo ngkorom.

Titus 1:6

Wali anu to kuto’o seore etu, etu semo tempo korom mangampilis tau to mawali ketua ntau to mangaya, pilis tau to ewa si’i lengkonya. Tau etu tau to tare lengkonya to maya napakasala nsa’e. Ia samba’aja rongonya, pasi ananya mangaya seja i Pue. Pasi ananya etu ane ri pangkita nsa’e ia si’a tau to ojo mangalulu pamporani ndayanya pasi si’a tau to mangewa tau tu’anya.

1 Timotius 5:20

Pei ane re’e ketua etu to sangkani mangika dosa, seko tau etu ri tango ntau i mPue Allah, see tau to mangandonge etu damawali meka raya nsira mangika dosa to naika ngketua etu.

Palaong mPomakau i mPue Yesu 20:30

Pasi yako ri oyo ngkomi semo re’e bara sawei mba’a tau to damampotundeka komi anu to taa monso. Tau etu damangamomis anaguru i mPue Yesu sampe anaguru etu damangalulu yau songka nsira.

Yohanes 5:35

Apa i Yohanes etu mampaponsanika tau kareba yako resi i Pue Allah, see naka ia raporapaka ewa pansona to mawea to mampakareme tau to ri raya ngkawuri. Wali tempo ia owo mamula mampakarebaka komi kareba to raporapaka ewa reme etu, tempo etu komi masanang mampodongeka gombonya to raporapaka ewa reme etu pei si’i-si’i komi tamo rani mangaya gombonya etu.

Lukas 6:35

Pei Aku manganto’oka komi porayang balimu pasi ika matao resi sira. Pasi ane sira rani mangada bara kesaa, papongadaka sira, nempo komi taa mansarumaka sira damampawolili muni anu to naada nsira etu. Ika ewa wetu apa ane ewa see komi damangarata ntanapa to bae kojo pasi damiyala monso pu’u komi ngana i mPue Allah to makuasa kojo. Apa i Pue Allah, Ia seja manoto resi tau sakowa tau to taa mangansani manganto’o tarima matao, pasi sakowa tau to maja’a.

Matius 17:17

Wali i Yesu mampogomboka tau boros etu Ia manganto’o, “Gete komi to tuwu ri tempo si’i! Komi taa kojo mangaya. Pasi komi pusa, taa mangalulu jaya to monso. Pei nempo masaemo Aku maroo resi komi pei komi bara tiroowa taa mangaya. Wali masusa rayangKu mampobuuka komi taa kojo mangaya Aku!” Wali yako etu i Yesu manganto’oka ngkai to masaki ananya, to’oNya, “Kenika Aku ana etu.”

Pangkita 3:9

Ewa si’i daKuika resi tau Yahudi to mawutis mampoanika mangalulu agama nto Yahudi, pei to mampue resi Kepala Measa. Tau to etu Aku daKupakasaaka dayau madungku yau ri tana ri tango mbiti ngkomi. Wali sira damangansani Aku mamporayang komi.

1 Timotius 5:14

Wali ane tau balu to mangurawa, aku rani sira marongo pei riana pasi mampasilonga palaong ri banuanya. Apa ane ewa see naika nsira, sira taa damangika palaong to damangawaika bali ngkita jaya manganto’o maja’a kita.

1 Timotius 5:7

Wali to’oka porenta si’i resi tau to mangaya nja’u ria. Apa ane sira mangalulu porenta si’i, tare tau to maya mampakasala sira.

2 Korintus 6:17

Wali ewa wetu pamporani i mPue, see naka Ia manganto’o wo’u, “Piyai yako ri oyo ntau to taa mangaya pasi poga’aka sira. Pasi ne’e mangika lengko to maja’a ewa naika nsira. Panewa Aku damasanang damangantima komi.” (Yesaya 52:11)

Lukas 1:6

Wali i Sakharia pei i Elisabet etu, sira dua mangika lengko ngkatuwu to singkonong pei i Pue Allah. Pasi sira mangalulu kojo samparia porenta pasi tuntu i mPue. Wali tare lengko ngkatuwu nsira to maya rapakasala.

Pilipi 3:6

Wali aku madota kojo mangalulu agama nto Yahudi, see naka aku mapari kojo seore mangansesai tau to mangaya i Pue Yesu. Pasi ane mangkonong lengko to singkonong pei i Pue Allah to napakanasaka mporenta i Musa, tare lengko to etu to taa inikangku.

Pangkita 2:5

Wali pobuuka kojo ewa wimba kabaenya pasisalanya pamporayang ngkomi tempo seore pasi tempo si’i. Ane roomo komi mampobuuka, panewa ndolika tangomu yako ri palaong to tempo si’i, pei ika wo’u palaong to ewa nuika tempo seore, tempo komi owo mangaya. Apa ane komi taa mangandolika tangomu yako ri palaong to tempo si’i, Aku dama’i mangayali yau tinja mpansona ngkomi yako ri wakanya.