Biblia Todo Logo
Bib sou entènèt

- Piblisite -




Pilipi 2:12 - Tuntu i mPue ri Basa Taa

12 Wali a’i-a’i anu kuporayang, tempo aku re’e resi komi seore, tempo etu komi sangkani mampolaika aku. Pei tempo si’i, tempo aku tare’e resi komi, bae wo’u batuanginya komi mampolaika gombongku. Komi roomo napalaes i mPue Allah wali pakadota samba’a pei samba’a mangika lengko ngkatuwu to masipato naika ntau to napalaes i mPue Allah etu. Pasi ri rayanya komi mangika palaong to etu, to tao-tao komi mampalaika i Pue Allah saba manga’angga kojo Ia.

Gade chapit la Kopi

Sura Magali Nuntu Ngkatuwu

12 Inceʼe painaka, ee komi waʼa ngkasangkompo anu kupotowe, ewambeʼi ntano pedongemi ri yaku ri sindara yaku reʼe ri oyomi, ewanceʼe seʼe mau kita mombelawa-lawamo da maʼaimo katongawanya ndipampedongeka yaku. Ndipompari-mpari mpaliu da naka tumumpu katesorepakami. Ndiwianakamo pura-puranya setu ri kakandende-ndende ndaya ua pampokaekami i Pue Ala,

Gade chapit la Kopi




Pilipi 2:12
41 Referans Kwoze  

Wali a’i-a’ingku anu to kuporayang, pakaroso pangaya ngkomi see tare pombalinya ane rata tau to rani mampakaja’a pangaya ngkomi etu. Pasi pakadota kojo sangkani mangika palaong i mPue, apa komi mangansani palaong to komi mangika resi i Pue etu bae kojo batuanginya apa komi seja darawangu muni yako ri kapatemu.


Wali anu kita mampakadota see mangarata kasanang ndaya etu, danaka ne’e kita to taa damangarata apa saba taa mangampalaika i Pue Allah ewa naika bue-bue ngkita tempo owi.


Wali a’i-a’i to kuporayang kojo, ane ri lino si’i kita ewa tau to rata yako ri lipu to yusa, si’a ewa tau pue lipu. Wali see naka kuporapika kojo resi komi ne’e mangaluluka pamporani ngkoro ngkomi to maja’a. Apa pamporani ngkoro etu sangkani mangewa tonii ngkomi.


Lulu anu to Aku mampotundeka komi pei powali anagurungKu, apa Aku taa makasar pasi taa bae-bae rayangKu. Wali ane komi ma’i resi Aku, komi damangarata kalindo ndaya.


Pei nempo bara kesaa to mawali resi aku, ika lengko ngkatuwu to singkonong pei kareba matao mangkonong i Kerisitu. Ika ewa wetu see aku nempo rata wo’u resi komi bara ojo mangarata kareba mangkonong komi, matantu rayangku mampobuuka kasingkatao ngkomi mainti kojo, pasi komi samba’a pampobuuka mapalaong sindara-ndara mampakarebaka kareba matao see sa’e damangaya seja.


Pei to tao-tao komi mampakakoroka mampodongeka tuntu i mPue Allah see kanjo’u-njo’u tiduga-dugang pangansani ngkomi mangkonong kanoto i Yesu Kerisitu, Pue ngkita pasi to Pansompo ngkita. Pasi kanjo’u-njo’u komi tiduga-dugang masinsani pei Ia. Wali anu kita mangabarong Ia mula yako tempo si’i rataka yau ri tempo to darata! Amin. Wali ungkanyamo gombongku si’i.


Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.


Wali see naka aku buya rayangku mansabaraka samparia kasesa to aku mangarata see maya mangansawang samparia tau to mangaya, tau to napilis i mPue Allah darapalaes yako ri kuasa nu dosa apa saba sira mawali samba’a pei i Kerisitu Yesu. Pasi sira maya mangarata katuwu to bae kayawanya rataka ri singkasaenya.


Wali tiroowa re’e parajanji i mPue Allah to darabanang. Etu semo Ia damangawaika kita kasanang ndaya to raporapaka ewa tampa rapandoo. Wali see naka anu kita mangajagai kojo danaka ne’e pasi samba’a komi to taa damangarata kasanang etu.


Wali boros kojo tau to tempo owi etu to mawali matamanasa resi kita, apa yako sarita-sarita mangkonong katuwu nsira, see naka manasa resi kita bae kojo batuanginya pangaya resi i Pue Allah. Wali anu kita mangalulu pangaya nsira etu ri raya ngkatuwu ngkita. Apa kita raporapaka ewa tau to matilumba. Wali ewa naika ntau to damatilumba mamposaka yau samparia anu to mabeu, anu kita mamposaka yau samparia to mangantalas kita. Pasi ewa naika ntau to damatilumba mangawonsu ruyu pake to mampakayona pariponya, anu kita mamposaka yau dosa to manta’amaka kita. Pasi ewa naika ntau to matilumba maripo mangalulu jaya to rapakatantuka yami, anu kita mampakabae sabaranta mangalulu jaya to napakatantuka i mPue Allah kita.


Wali a’i-a’ingku to kuporayang kojo, see naka pakaroso pangaya ngkomi resi i Pue apa komi seja samba’a pei Ia. Aku mamporayang komi pasi mawongko kojo rayangku resi komi. Pasi aku ndende rayangku mampobuuka komi. Komi wua mpalaongingku wali komi raporapaka ewa dale to meyawa to narata ntau to manang.


Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.


Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.


Wali ane mangkonong kasesa, seore komi re’e mangkita aku mangarata kasesa apa saba mampasimbalika kareba matao. Pasi komi roomo mangandonge kareba to manganto’o tiroowa ewa wetu resi aku. Pasi tempo si’i komi seja mandasai mampasimbalika kareba matao sewaju ewa aku. Apa kita nawaika i mPue Allah sora apa saba i Kerisitu. Etu semo Ia mangawaika kita mangaya i Kerisitu. Pei si’a ojo etu soraNya. Apa Ia mangawaika seja kita mangarata kasesa apa saba kita mangaya i Kerisitu etu.


Pasi pamporayang i nTitus resi komi kanjo’u-njo’u tiduga-dugang kabaenya tempo ia mampobuuka ewa wimba nuika ngkomi mampolaika gombonya seore. Pasi komi masanang tempo ia rata resi komi nempo meka-meka raya ngkomi pasi moru-moru mampobuuka dosa to mawali ri oyo ngkomi seore.


Wali tempo aku re’e resi komi seore, tempo etu aku mayu’u wukungku, pasi meka kojo rayangku sampe karongko-rongko.


Wali komi to napowatua ntau, palaika songka ntau to pue ngkomi ri lino si’i. Angga kojo tau to pue ngkomi pasi pomoruka sira, pasi palaika sira ewa nuika ngkomi mampolaika i Kerisitu yako ri kabuya ndaya ngkomi.


Pasi yako ri temponya i Yohanes to Pombaptis mamula mampotundeka tau mangkonong i Pue Allah seore rataka ri tempo si’i, boros kojo tau to mawali tau to Makolenya i Pue Allah. Pei re’e seja tau to yusa to mampobuuka matao nempo mangamusu tau see tau etu darapakasaaka mawali tau to Makolenya i Pue Allah. Pei sala pampobuuka ntau etu.


Apa aku re’e mampobuuka ewa wimba nuika ngkomi mangansawang aku mampakarebaka kareba matao. Apa yako ri pamulanya komi mangandonge kareba matao etu rataka ri tempo si’i komi re’e mangansawang aku mangika palaong to etu.


Wali i Saulus ipu kojo rayanya mangandonge gombo i mPue etu pasi tongo ngkarongkonya ia mampotanaka, to’onya, “O Pue, bara kesaa to Nuporani ngKomi aku damangika?” Wali i Pue manganto’oka ia, “Pambangumo pei inta njo’u raya ngkota. Tempo korom nja’u nja’u ria panewa korom darato’oka palaong to danuika.” Etu semo to nato’o i mPue.


Wali aku mansarumaka i Pue Yesu tamo masae damangawai jaya see aku maya mangampokau i Timotius dayau resi komi. Apa ane ewa see, ojo karoonya ia mayunu resi komi, ia maya mawolili muni mangangkenika aku kareba mangkonong komi. Pasi kareba etu seja damampakaroso rayangku.


Wali a’i-a’i naka pei aku mangantulisika komi gombo to si’i si’a damampakamea komi. Naka pei aku magombo ewa si’i mangampatiendoka komi apa aku mangepe komi ewa nganangku to kuporayang.


Pasi komi to Pilipi, komi nunsani palaong to mawali seore tempo aku owo mamula mampakarebaka resi komi kareba matao. Tempo etu aku mayoko yako ri propinsi Makedonia, pei ojo komi semo to mangansawang aku. Tare tau to mangaya to siromu nja’u lipu-lipu to yusa to mangansawang aku ri raya mpalinjangku etu. Ojo komi semo to mangawaika aku pansawang panewa komi mangantima rasi yako resi i Pue Allah.


Wali ojo pangandonge ngkai etu gombo i mPaulus, ia mampokio mamporapi suyu resi yununya, panewa ia maripo masua ri raya ntarungku. Pasi tongo ngkarongkonya ia madungku yau ri wawo ntana ri tango mbiti i mPaulus sira dua i Silas saba manga’angga sira.


Wali pansawang ngkomi resi aku etu, etu semo tondong i Pue Allah re’e mangika palaong to matao ri raya ngkomi. Pasi manasa kojo resi aku Ia to mampomulaka palaong to matao etu, Ia seja damampasilonga palaongiNya etu rataka ri temponya i Kerisitu Yesu dama’i wo’u.


Swiv nou:

Piblisite


Piblisite