Pilipi 1:12 - Tuntu i mPue ri Basa Taa

¹² Wali a’i-a’i, aku rani mampaponsanika komi mangkonong palaong to matao to mawali saba yako kasusa to aku mangarata. Apa yako kasusa to kurata etu, kanjo’u-njo’u tiduga-dugang kareba matao natikareba resi tau.

Sura Magali Nuntu Ngkatuwu

¹² Pampokonoku da naka ndiincani, kakononya pura-pura anu mewalimo ri woto ngkoroku ua kaʼinceʼenya pai naka maʼaimo katolele Nuntu ngKatuwu setu.

Pilipi 1:12 Referans Kwoze

2 Timotius 2:9

Wali apa saba aku mampakarebaka kareba matao etu see naka aku rasesai pasi rapunguka rante ewa tau maja’a. Pei kuasa ntuntu i mPue Allah taa maya rapunguka rante.

Roma 8:28

Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.

Roma 8:37

Pei nempo bara kesaa kasusa to tarata etu, kasusa etu taa manganangi kita. Kita semo to manang. Pasi kita si’a ojo manang, kita seja radugangika karoso ndayanta apa saba yako kuasa i Yesu to mamporayang kita.

Palaong mPomakau i mPue Yesu 8:4

Pei tau to mangaya to natiga’as yau etu, imba nakanjo’u nsira sira mampakarebaka tau tuntu i mPue Allah.

Lukas 21:13

Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Pilipi 1:5

Apa aku re’e mampobuuka ewa wimba nuika ngkomi mangansawang aku mampakarebaka kareba matao. Apa yako ri pamulanya komi mangandonge kareba matao etu rataka ri tempo si’i komi re’e mangansawang aku mangika palaong to etu.

Pilipi 1:7

Wali masipato aku mampobuuka ewa wetu mangkonong komi, apa aku kuporayang kojo komi. Pasi i Pue Allah semo matamanasa mangkonong ewa wimba kawongko ndayangku resi komi. Apa aku kuporayang komi, pasi pamporayangku etu i Yesu Kerisitu semo pu’unya. Naka pei aku kuporayang komi apa saba komi mangarata seja kanoto i mPue Allah sewaju pei aku. Ia mangansawang aku nempo aku ri raya ntarungku, pasi tempo aku yau mampakanasaka kojo tau kareba matao pasi mangewa tau to bali ngkareba matao etu.

Pilipi 2:22

Pei ane i Timotius, komi nunsani yami ia tau to masipato rasarumaka. Apa ia re’emo mapalaong sindara-ndara pei aku mampakarebaka kareba matao. Wali kami dua ewa tau sana mangika palaong to etu.

Pilipi 4:3

Pasi yunungku to monso pu’u samba’a palaong pei aku, aku mamporapika resi korom mangansawang tau we’a dua etu see sira mawali masingkatao. Apa seore sira dua maroso palaonginya mangansawang aku mampakarebaka kareba matao. Sira mangansawang aku sindara-ndara pei i Klemen pasi samparia yunungku to yusa to samba’a palaong pei aku. Pasi sanga nsira samparia paka re’e ratulis nja’u raya buku to rapangantulis sanga ntau to mangarata katuwu to singkasaenya. Wali to’oka sira to tao-tao sira dua masingkatao.

Pilipi 4:15

Pasi komi to Pilipi, komi nunsani palaong to mawali seore tempo aku owo mamula mampakarebaka resi komi kareba matao. Tempo etu aku mayoko yako ri propinsi Makedonia, pei ojo komi semo to mangansawang aku. Tare tau to mangaya to siromu nja’u lipu-lipu to yusa to mangansawang aku ri raya mpalinjangku etu. Ojo komi semo to mangawaika aku pansawang panewa komi mangantima rasi yako resi i Pue Allah.

1 Timotius 2:8

Wali si’i pamporaningku ane mangkonong tempo tau to mangaya siromu bara imbare damakai-kai. Tempo etu to langkai semo to mangokotaka palenya pei makai-kai, pei ojo to langkai to lengkonya singkonong pei i Pue Allah. Taa matao sira makai-kai ane tongo ngkaja’a ndayanya pasi matingka.

2 Timotius 4:17

Pei nempo tare tau to mampasimbalika aku, i Pue re’e ri awengku. Ia mampakaroso rayangku see aku gana karosongku mampakarebaka samparia kareba matao, see samparia tau to si’a to Yahudi maya mangandonge. Pasi Ia mangalapa aku yako ri kuasa ngkepala measa to raporapaka ewa singa.