Pangkita 9:1 - Tuntu i mPue ri Basa Taa

¹ Wali yako etu pomakau to kalima ia mantawuis tarompet to si ia. Panewa aku mangkita batu’e to maranta lo’u lino. Wali batu’e etu rawaika kunsi to mangua wombo mbayau to taa ransani ungka ngkayombunya.

Sura Magali Nuntu Ngkatuwu

¹ Ungka lairia malaʼeka anu kaʼalima mantawuisi surupetanya, kukita saogu betuʼa manawu ungka ri yangi tudu ri tana. Betuʼe setu ndawaika pogili yaa ngkapate.

Pangkita 9:1 Referans Kwoze

Pangkita 8:10

Panewa yako etu pomakau to katogo ia mantawuis seja tarompet to si ia. Tempo ia mantawuis etu, samba’a batu’e to bae kojo maranta yako ndate yangi. Tempo batu’e etu maranta, ia mawea ewa suyu. Wali ia tudu ri wawonya santila togo yako ri koro nue pasi ri mata nue.

Pangkita 9:2

Wali batu’e to mangkongko kunsi etu, ia mangua wombo mbayau etu. Panewa yako ri wombo mbayau etu masuwu kumbu nu apu to ewa kumbu nu apu to bae kojo. Wali kumbu nu apu to masuwu yako ri wayau etu mangaba’a eo, wali eo pasi rao mawali mawuri.

Pangkita 1:18

Aku semo to tuwu. Tempo ruyu Aku mate pei tempo si’i Aku tuwu singkasaenya. Wali Aku semo mangkuasang kapate ntau pasi mangkuasang lipu ntau mate.”

Pangkita 20:1

Wali aku mangkita wo’u samba’a pomakau i mPue Allah ma’i yako ndate saruga. Ia mangkongko kunsi mbayau to taa ransani ungka ngkayombunya, pasi mangkongko seja rante to bae.

Pangkita 17:8

Wali binatang to nukita etu, ia tuwu tempo ruyu pei si’i-si’i ia tamo tuwu. Pei ia damasuwumo yako la’u wayau to taa ransani ungka ngkayombunya panewa yako etu ia darapakaja’aka. Wali to lino to tare sanganya ratulis nja’u raya buku ngkatuwu to yako ri tempo lino rapapowali, sira daipu rayanya mangkita binatang etu. Naka pei ipu raya nsira mangkita, apa ia tuwu tempo ruyu, pasi roo see ia tamo tuwu, panewa roo see ia damasuwu muni. See naka tau ipu rayanya.

Lukas 8:31

Wali nja’u rapa mpantana etu, re’e boros wawu ntau mangaliwu pangkoni. Wali measa etu mamporapika kojo resi i Yesu naka ne’e Ia mampokau sira lo’u wayau to taa ransani ungka ngkayombunya. Sira mamporapika resi i Yesu see Ia mangabiaka sira malimba damasua ri wawu etu, wali Ia manganto’oka sira, “Intamo.”

Pangkita 8:12

Wali yako etu pomakau to kaopo ia mantawuis seja tarompet to si ia. Panewa santila togo yako ri mata nu eo, mata mbuya pasi batu’e rapakaja’a. Wali santila togo nu remenya mawali yau wuri. Wali ri poi eo, santila togo kareme rakurang. Panewa ri raya mburi seja santila togo kawurinya etu ratambang.

Pangkita 8:2

Wali yako etu, aku mangkita pitu pomakau i mPue Allah to biasa makore ri tangoNya. Pomakau to pitu etu rawaika tarompet samba’a pei samba’a.

Pangkita 20:10

Panewa i maja’a to mangantipu sira etu, ia rapanasoka yau lo’u raya ndano nu apu pasi sedawa to nakala’u nu binatang to maja’a pasi to pantuntu tuntu to taa monso. Wali la’u ria sira darasesai wuri eo rataka singkasaenya.

Pangkita 1:20

.Aku manganto’oka korom batuanginya batu’e to pitu mpa’i to korom mangkita ri palengKu tondo ngkana, pasi batuanginya tinja weyawa darapamposaka pansona. Tare tau to mangansani batuanginya tempo ruyu, pei Aku mampaponsanika korom batuanginya. Wali batu’e to pitu mpa’i etu, batuanginya pitu pomakau to mangansawang tau to mangaya Aku ri pitu kota to Aku room manganto’o ngena. Pasi tinja weyawa to pitu etu, batuanginya tau to mangaya Aku ri pitu kota etu.

Lukas 10:18

Wali i Yesu manganto’oka sira, “Monso pu’u. Naka pei sira mampalaika komi apa nangi kepalanya, apa Aku re’e mangalo’a tempo Kepala Measa rasounaka yako ndate saruga. Kasounya etu ewa bilak kagasinya. Wali ia nangimo kuasanya.

Pangkita 6:13

Pasi batu’e maranta yako ri yangi ewa wua ngkaju to tawa matasa to maranta naika ngoyu marimbo, ewa see seja batu’e maranta yako ndate yangi pei tudu ri wawo lino.

Pangkita 11:7

Wali ojo karoonya sira mampakarebaka gombo i mPue Allah, ma’i samba’a binatang to maja’a to yako la’u wayau to taa ransani ungka ngkayombunya. Binatang to maja’a etu damangamusu matamanasa to dua etu. Wali binatang etu damanganangi pasi mangampopate yau sira dua samparia.