Pangkita 5:9 - Tuntu i mPue ri Basa Taa

⁹ Wali ojo karoonya anu to tuwu opo pasi ketua-ketua etu madungku yau ri tango nu Ana Domba etu, sira mamponyanyika Ia nyanyi to bou. Nyanyi etu manganto’o, “Komi masipato mangoko buku rayuyu pei mangayali tondonginya, apa Komi roomo rasimbale, pasi Komi mangampake raaMu mangolika i Pue Allah tau yako ri sambawo lino. Etu semo yako ponto-ponto suku, basa, bansa pasi paporenta.

Sura Magali Nuntu Ngkatuwu

⁹ Tau seʼe mongayu mampongayuka ngayu dawoʼu: “Komi singkana mantima sura setu pai da mamposoki waʼa ncegelinya. Maka Komi roo ndapepate, pai ua kapate-Mi, tolino ungka ri mpengaya-ngaya negara, pai banca pai negara roomo Ndioli tila i mPue Ala.

Pangkita 5:9 Referans Kwoze

1 Yohanes 1:7

Pei ane kita maroo ri raya ngkareme, ewa naika i mPue Allah maroo ri raya ngkareme, ane ewa see kita masingkatao samba'a pei samba'a. Pasi ane kita maroo ri raya ngkareme etu, kita napakayongongika raa i Yesu Kerisitu, Ana i mPue Allah, yako samparia dosa ngkita. Wali a’i-a’i, anu kita maroo ri raya ngkareme!

Matius 26:28

Apa si’i semo raangKu. Apa Aku damate mangkapateka komi, wali raangKu ri tempo Aku mate etu, raangKu etu mawali tondong parajanji to bou to naika i mPue Allah resi to lino. ParajanjiNya to bou etu manganto’o boros tau daralapas dosanya. Wali raangKu tempo Aku damate, raa etu semo damangansompo dosa ntau boros.

Pangkita 14:6

Wali yako etu, aku mangkita wo’u samba’a pomakau i mPue Allah mayoko malangan kojo ndate rao. Wali pomakau etu ia mangkeni kareba matao to singkasaenya. Ia mampakarebaka kareba matao etu resi tau ri sambawo lino, etu semo njo’u ponto-ponto paporenta, pasi ponto-ponto suku, pasi ponto-ponto basa pasi ponto-ponto bansa.

1 Korintus 6:20

apa komi roomo inoli yau pasi nalinomo ibayar. Wali see naka masipato komi mangampake koro ngkomi pasi tonii ngkomi anu to i Pue Allah Puenya damanga’angga i Pue Allah.

Pangkita 5:12

Sira maroso loonya manganto’o, “Ana nu Domba to roomo rasimbale, masipato kojo kita manga’angga Ia, mampakabae Ia, pasi mangabarong Ia. Masipato seja kita magombo mangkonong kuasaNya, kasugiNya, kapandeNya pasi karosoNya.”

Pangkita 4:11

“Komi semo Pue mami pasi Allah mami. Masipato Komi rapakabae, ra’angga pasi nato’o ntau makuasa. Apa Komi semo to nampapowali samparia anu to re’e. Wali samparia etu re’emo pasi rapapowali apa etu semo pamporani ngKomi.”

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Matius 20:28

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

Pangkita 5:6

Wali aku mangalo’aka yau ri gadera Makole pasi anu to tuwu to opo etu pasi ketua-ketua to dua mpuyu pei opo etu, panewa aku mangkita samba’a Ana nu Domba makore nja’u oyonya. Ana nu Domba etu ta’aNya ewa roomo rasimbale. Ia pitu tonduNya pasi pitu seja mataNya. Wali mataNya pitu etu tondong pitu nosa i mPue Allah to napokau yau ri sambawo lino.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

2 Petrus 2:1

Wali ewa wetu mangkonong to pantuntu tuntu i mPue Allah tempo owi. Pei tempo owi etu, re’e seja to pantuntu tuntu to taa monso. Pasi ewa see seja tempo si’i, apa re’e seja tau to damasuwu ri oyo ngkomi to damampoanika mampotunde tuntu i mPue Allah, pei kamonsonya sira to panipu. Apa tempo sira damampotundeka komi, sira damangagaloka seja anu to taa monso to ojo damampakaja’a pangaya ngkomi. Pasi sakowa i Yesu to roomo mangoli yau sira see sira maya mawali Ia Puenya, sira manganto’o Ia si’a Pue. Wali see naka sira kodi majoli damangarata huku saba yako sala nsira semo. Pei tempo sira tiroowa mampotunde, boros tau to mangalulu lengko nsira to masipato rapokea. Wali apa saba palaong to naika ntau etu, see naka sa’e damanganto’o maja’a jaya to monso.

Kolose 1:14

Wali AnaNya etu, Ia semo to mangoli yau kita see kita tamo ri ara huku nu dosa. Pasi raaNya to masuwu tempo Ia mate, etu semo to Ia mangampake mangoli yau kita. See naka dosa ngkita tamo nakitanaka i mPue Allah. Wali masipato kojo kita mangabarong Ia pasi manganto'oka Ia tarima matao.

Epesus 1:7

Apa AnaNya, i Yesu Kerisitu, roomo mangoli yau kita see kita tamo damangarata huku nu dosa. Pasi raaNya tempo Ia mate ri kaju pasape, raaNya etu semo to Ia mangampake mangoli yau kita. Wali see naka dosa ngkita tamo nakitanaka i mPue Allah. Wali yako palaong etu miyala bae kojo kanoto i mPue Allah resi kita.

1 Yohanes 2:2

Wali Ia semo to mawali pampue to mampakasanang i Pue Allah, see naka Ia tamo mangkitanaka dosa ngkita. Pasi pampue etu gana mawali pambayar nu dosa ngkita. Pei si'a ojo dosa to si kita, dosa nto lino samparia. Wali matantu i Pue Allah tamo damangkitanaka dosa ngkita!

1 Korintus 7:23

Kita samparia naolika i mPue Allah raa i ngKerisitu, wali kita Ia semo Puenya. Wali ne’emo kita ojo mangaluluka yau pamporani ndaya nto lino ewa naika mbatua mangaluluka yau pamporani ntau puenya.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

Pangkita 11:9

Wali tau yako sambawo lino, etu semo ponto-ponto bansa, pasi ponto-ponto suku, pasi ponto-ponto basa pasi ponto-ponto paporenta, tau etu damangalo’aka lemba nu matamanasa to dua etu. Togo eo pei sampu’a eo kasaenya sira ojo mangalo’a-lo’aka. Pasi sira taa mangabiaka tau dua etu rapongkeli.

Ibrani 11:14

Wali tau to ewa wetu gombonya, tau etu mampakanasa sira mangaliwu tana to maya rato’oka sira puenya.

Kolose 1:23

Ewa wetu damawali resi komi ane komi tare pandoonya mangaya i Pue see raya ngkomi mawali maroso pasi rodo. Pasi ne'e bata-bata raya ngkomi mansarumaka anu to nato'o ngkareba matao to nudonge ngkomi seore. Masipato komi mansarumaka kareba matao, apa kareba matao etu, etu semo kareba matao to roomo rapakarebaka resi samparia tau ri sambawo lino. Pasi naka pei aku mawali to papolaong see damampakarebaka kareba matao etu. Wali masipato kojo komi mansarumaka kareba etu.

Epesus 5:19

Pasi tempo komi magombo samba’a pei samba’a, masipakaroso raya mangampake gombo ewa to ratulis ri raya buku Masmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi to mangabarong i Pue yako ri kandende ndaya ngkomi.

Pangkita 10:11

Panewa yako etu ia manganto’oka aku, “Pakarebaka wo’u anu to damawali. Kareba etu mangkonong tau to boros bansa, pasi tau to boros paporentanya, pasi tau to boros basanya, pasi boros makole nto lino.”

Pangkita 13:7

Panewa binatang etu rabiaka seja mangamusu pasi manganangi tau to i Pue Allah Puenya. Pasi ia rawaika kuasa mangkuasang samparia tau ri lino, etu semo ponto-ponto suku, pasi ponto-ponto bansa, pasi ponto-ponto basa, pasi ponto-ponto paporenta.

Pangkita 15:3

Wali tau to makore ri wii ntasi etu, sira mamponyanyika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!

Pangkita 17:15

Wali yako etu, pomakau etu mampogomboka wo’u aku, ia manganto’o, “Ue to nukita ngkorom ngena, ue to napotunda nu lonte, ue etu tondong nto lino, etu semo tondong bansa-bansa, pasi tondong ntau boros, pasi tondong mpaporenta pasi basa-basa nto lino.