Pangkita 5:6 - Tuntu i mPue ri Basa Taa

⁶ Wali aku mangalo’aka yau ri gadera Makole pasi anu to tuwu to opo etu pasi ketua-ketua to dua mpuyu pei opo etu, panewa aku mangkita samba’a Ana nu Domba makore nja’u oyonya. Ana nu Domba etu ta’aNya ewa roomo rasimbale. Ia pitu tonduNya pasi pitu seja mataNya. Wali mataNya pitu etu tondong pitu nosa i mPue Allah to napokau yau ri sambawo lino.

Sura Magali Nuntu Ngkatuwu

⁶ Nepa kukita sambaʼa Ana Bimba mekakore ri tongo-tongo waʼa gadera mpoparenta setu, anu natolilimi mpinatuwu aopo pai pura-pura tadulako setu. Ana Bimba setu ewa roomo ndasambale. Tondunya papitu pai matanya papitu: inceʼemo papitu Inosa ungka ri Pue Ala anu roomo ndapokau ri sambawo lino.

Pangkita 5:6 Referans Kwoze

Pangkita 5:12

Sira maroso loonya manganto’o, “Ana nu Domba to roomo rasimbale, masipato kojo kita manga’angga Ia, mampakabae Ia, pasi mangabarong Ia. Masipato seja kita magombo mangkonong kuasaNya, kasugiNya, kapandeNya pasi karosoNya.”

Yohanes 1:29

Wali yako etu, ojo kaeonya wo’u rao i Yohanes mangkita i Yesu ma’i mangampago ia. Wali ia mangansani i Yesu semo to damawali pampue nu dosa ewa ana nu domba to napampueka ntau resi i Pue Allah ane sira mangika dosa. Wali see naka ia manganto’oka tau boros, “Lo’aja tau etu! Ia semo Ana nu Domba to nawai i mPue Allah, Ia ma’i damangansompo dosa nto lino!

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

Yohanes 1:36

Tempo etu ia mangkita wo’u i Yesu malinja liu nja’u ria, wali ia manganto’o, “Lo’a! Etu semo Ana nu Domba to nawai i mPue Allah.”

Pangkita 1:4

Wali i Yohanes manganto’o: Sura si’i yako resi aku, i Yohanes. Aku mangantulisika komi to mangaya to re’e ri pitu kota ri tana Asia. I Pue Allah Ia re’e tempo si’i pasi re’emo tempo owi pasi dare’e ri tempo to darata. Wali aku marapi resi i Pue Allah see Ia mampaponsanika komi kanotoNya pasi mangawaika komi karodo ndaya. Pasi ewa see seja aku marapi resi nosa to pitu to re’e ri tango nggadera i mPue Allah ndate saruga,

Palaong mPomakau i mPue Yesu 8:32

Wali si’i semo gombo i Yesaya to nabasa nto Etiopia etu, to’onya, “Ia ewa domba to rakeni darasimbale. Pasi ewa ana nu domba to taa mamoni tempo rapu’ak wuyunya, ewa see seja Ia taa manganto’o bara kesaa.

Pangkita 22:3

Wali anu to natonaa i mPue Allah tamo re’e. Gadera i mPue Allah pasi gadera nu Ana Domba re’e ri raya ngkota etu, pasi to papolaongiNya mangika palaong mampue mampakabae Sira.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

Pangkita 21:23

Pasi kota etu tamo parluu wo’u karemenya yako eo pasi wuya. Apa kayawa i mPue Allah etu semo mampakareme pasi Ana nu Domba Ia semo lampunya.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

Pangkita 12:11

Wali a’i-a’i ngkita etu manganangi ia apa saba yako kuasa raa nu Ana Domba pasi apa saba tuntu i mPue Allah to napakarebaka nsira. Sira taa ojo mangampobuuka katuwu ngkoronya, apa nempo rapopate yau apa saba pangayanya, sira taa mandoo mangaya.

Pangkita 6:16

Sira sakaboo manganto’oka tongku pasi watu etu, “Tampok yaumo kami see mawuni kami naka ne’e kami nakita i Makole to re’e matunda ri gaderaNya, pasi naka ne’e kami danahuku nu Ana Domba.

Lukas 1:69

Apa Ia mangawaika kita to pansompo to maroso. To pansompo etu, Ia wiyaa i Makole Daud, to papolaong i mPue Allah tempo owi.

Pangkita 4:8

Pasi anu to tuwu opo etu re’e ono paninya samba’a, pasi la’ara mpaninya etu juku seja matanya. Wali wuri eo wuri eo sira tare pandoonya mamponyanyika, manganto’o, “Mapasing, mapasing, mapasing i Pue Allah anu Makuasa, to re’emo tempo owi, pasi tempo si’i, pasi tempo to darata!”

Pangkita 5:11

Wali ojo karoonya sira menyanyi, aku mangkita pasi aku mangandonge wo’u loo mpomakau i mPue Allah boros kojo. Pomakau etu taa ransani mangabilang apa sira boros kojo. Wali sira makore tiku ri tampa to nakare’e nggadera Makole, pasi anu to tuwu to opo pasi ketua-ketua to dua mpuyu pei opo.

Pangkita 5:13

Wali ojo karoonya sira magombo aku mangandonge wo’u loo yako samparia anu to napapowali i mPue Allah ri saruga pasi ri lino pasi la’u lipu ntau mate pasi ri raya ntasi. Sira manganto’o, “Ia to matunda ri gaderaNya pasi Ana nu Domba, kita mangabarong, manga’angga, pasi mampakabae, pasi kita magombo mangkonong kuasaNya rataka singkasaenya.”

Pangkita 5:14

Wali ojo karoonya samparia to etu magombo, panewa anu to tuwu opo etu, sira manganto’o, “Amin.” Pasi ketua-ketua to dua mpuyu pei opo etu, sira madungku yau ri tana pei mampue mampakabae i Pue Allah pasi Ana nu Domba anu tuwu singkasaenya.

Pangkita 14:1

Wali yako etu aku re’e mangkita wo’u ri raya mpangkitangku. Aku mangkita Ana nu Domba makore ndate rapa mpantana to rato’oka Sion. Ana nu Domba etu makore sindara-ndara pei tau to satu pei opo mpuyu pei opo nsowu kaborosinya. Tau etu ratulis ri kirenya sanga nu Ana Domba pasi sanga mPa’aNya.

Pangkita 21:22

Wali aku tare mangkita Banua i mPue Allah ri kota etu, Banua to napago ntau yau mampue mampakabae i Pue Allah. Tamo parluu Banua etu apa i Pue Allah anu Makuasa pasi Ana nu Domba Sira sangkani maroo nja’u ria, wali juku ri kota etu tau maya mampue mampakabae Sira.