Pangkita 4:8 - Tuntu i mPue ri Basa Taa

⁸ Pasi anu to tuwu opo etu re’e ono paninya samba’a, pasi la’ara mpaninya etu juku seja matanya. Wali wuri eo wuri eo sira tare pandoonya mamponyanyika, manganto’o, “Mapasing, mapasing, mapasing i Pue Allah anu Makuasa, to re’emo tempo owi, pasi tempo si’i, pasi tempo to darata!”

Sura Magali Nuntu Ngkatuwu

⁸ Pinatuwu anu aopo setu pura-pura paka mampotumpu paninya aono, anu ri wawo pai ri ara mpaninya juku-juku mata. Ri eo pai ri wengi pinatuwu aopo setu bareʼe teonda oni nganganya mongayu, “Magali, magali, magali i Pue, Ala Anu Makuasa; anu reʼe pai anu reʼemo pai anu nepa da rata.”

Pangkita 4:8 Referans Kwoze

Pangkita 1:8

Wali i Pue Allah anu Makuasa, Ia manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Aku re’e tempo si’i, pasi Aku re’emo tempo owi, pasi Aku dare’e ri tempo to darata.” Etu semo gombo i mPue Allah.

Pangkita 4:6

Pasi re’e seja ri tango nggadera etu anu to ewa tasi to raika yako kasa. Tasi etu polasi ralo’aka ewa kasa to rato’oka kristal. Wali re’e seja anu to tuwu opo mba’a. Sira opo re’e makore ri awe gadera etu ponto sunonya. Anu to tuwu etu malagi matanya, juku ri dadanya pasi juku ri bengonya.

Ibrani 13:8

i Yesu Kerisitu tare pombaliNya. Ewa wimba Ia tempo ruyu, ewaja see seja Ia ri tempo si’i pasi rataka ri singkasaenya.

Pangkita 15:3

Wali tau to makore ri wii ntasi etu, sira mamponyanyika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!

Pangkita 11:17

Sira manganto’o, “O Pue Allah anu Makuasa, kami manganto’o tarima matao resi Komi to re’e tempo si’i, pasi to re’emo ri tempo owi, pasi to dare’e ri tempo to darata. Tarima matao apa Komi mangampake kuasaMu to bae kojo, Komi mula mangkuasang to lino.

Pangkita 16:7

Wali ojo karoonya ia magombo, aku mangandonge wo’u loo to yako ri palampa, loo to etu mampogomboka i Pue Allah, ia manganto’o, “O Pue Allah anu Makuasa, monso pu’u anu to nato’o mpomakau ngKomi etu. Tempo Komi mangahuku to lino, huku etu huku to masipato pasi singkonong kojo ewa sala.”

Pangkita 7:15

“Wali apa sira roomo mangantatap bajunya etu ri raa nu Ana Domba, see naka sira maya mampotango gadera i mPue Allah pasi wuri eo sira mangika palaong i mPue Allah ri raya BanuaNya. Wali Ia to matunda ri gaderaNya etu, Ia dasiwaka pei sira pasi damangantorung sira.

Pomulanya 17:1

Wali yako etu, tempo i Abram sio mpuyumo pei sio nto’unya, tempo etu i Pue Yawe rata wo’u resi ia pei manganto’o, “Aku semo i Pue Allah anu Makuasa kojo, wali ika lengko to singkonong pei Aku, pei ne’e mangika lengko to masipato rapakasala.

Pangkita 21:22

Wali aku tare mangkita Banua i mPue Allah ri kota etu, Banua to napago ntau yau mampue mampakabae i Pue Allah. Tamo parluu Banua etu apa i Pue Allah anu Makuasa pasi Ana nu Domba Sira sangkani maroo nja’u ria, wali juku ri kota etu tau maya mampue mampakabae Sira.

Pangkita 19:15

Wali Ia to sangaNya i Tuntu mPue Allah, Ia re’e panai mataja to masuwu yako ri ngangaNya. Panai etu danapake damanganangi to lino. Panewa Ia damangkuasang sira Ia mangampake toko wubu. Ia seja damangalombu wua nu anggur la’u raya mbayau mbatu, batuanginya i Pue Allah anu to Makuasa maja’a kojo rayanya tempo Ia mangahuku to lino.

Pangkita 3:7

Wali yako etu i Pue manganto’oka wo’u aku, “Tulisika seja pomakau ntau to mangaya Aku to siromu nja’u kota Piladelpia. To’oka ia: Si’i gombo yako resi Ia to mapasing pasi to monso, to re’e kuasa seja ewa kuasa i Makole Daud tempo owi. Kuasa etu raporapaka ewa kunsi. Wali ane Ia mangaloka wombo, tare tau to maya mangaba’a, pasi ane Ia mangaba’a, tare to maya mangaloka. Batuanginya tare tau to maya mangewa Ia.

Pangkita 1:4

Wali i Yohanes manganto’o: Sura si’i yako resi aku, i Yohanes. Aku mangantulisika komi to mangaya to re’e ri pitu kota ri tana Asia. I Pue Allah Ia re’e tempo si’i pasi re’emo tempo owi pasi dare’e ri tempo to darata. Wali aku marapi resi i Pue Allah see Ia mampaponsanika komi kanotoNya pasi mangawaika komi karodo ndaya. Pasi ewa see seja aku marapi resi nosa to pitu to re’e ri tango nggadera i mPue Allah ndate saruga,

Pangkita 4:4

Pasi re’e seja dua mpuyu pei opo gadera tiku gadera Makole to rato’o etu. Pasi re’e seja dua mpuyu pei opo mba’a ketua matunda ri gadera etu. Sira mangampake pake to buya pasi ndate wo’o nsira re’e seja songko makole, songko weyawa.

2 Korintus 6:18

Pasi Aku damawali Pa’a ngkomi pasi komi damawali nganangKu to langkai pasi nganangKu to we’a. Ewa wetu gombo i mPue to Makuasa.” (2 Samuel 7:14) Wali manasa taa masipato mampue resi tau-tau.

Pangkita 16:14

Nosa togo etu semo nosa measa to mangika palaong to taa rapobiasa to mawali tondong resi tau. Wali nosa etu yau damampasiromunaka makole-makole yako ri sambawo lino yau damamusu ane ratamo temponya eo bae, etu semo eo to rato’oka Eo i mPue Allah anu Makuasa.

Pangkita 14:11

Wali kumbu nu apu to yako ri apu to mangansesai tau etu kangkumbu-kumbu singkasaenya. Wuri eo tare pandoonya kasesa ntau to mampue resi binatang to maja’a pasi mampue resi tau-taunya pasi to mangantima tondong sanga binatang etu.

2 Timotius 4:2

Etu semo, pakarebaka tuntu i mPue Allah. Pasi pakaroso rayamu pasi pakayoa see bara matao temponya bara taa matao temponya, korom nukurang mansaka mampakarebaka tau tuntu i mPue. Pakakonoka tau to taa kono pangayanya, seko tau to maja’a lengkonya, pasi paposiaka tau see sira mangaluluka i Pue. Pasi tempo korom mangika palaong to etu ne’e mosa mampakabae sabaramu pasi mampotundeka tau.

1 Timotius 4:16

Pakatao kojo lengko ngkorom pasi pakatao seja anu to nupotunde ngkorom. Lulu kojo anu to aku manganto’o si’i, apa ane korom mangalulu kojo korom damangararamaka katuwu ngkorom ngkalio pasi mangararamaka seja katuwu ntau to mampodongeka korom.

1 Tesalonika 2:9

Wali a’i-a’i, komi mangansani kami tare mamporapi bara kesaa yako resi komi seore. Komi bara tawa mangkalingan ewa wimba kabeunya palaong mami tempo kami maroo ri oyo ngkomi seore. Tempo etu kami mangika palaong i mPue, pei kami wuri eo mapalaong seja see damangarata anu to danapake mami. Kami mangika ewa wetu see taa damampakabeu palaong ngkomi ri rayanya kami mampakarebaka resi komi kareba matao yako resi i Pue Allah.

Palaong mPomakau i mPue Yesu 20:31

Wali see naka jagai kojo. Pasi ne’e mangkalingan samparia patiendongku. Apa togo nto’u kasaenya wuri eo aku tare pandoonya mampatiendoka komi samba’a pei samba’a. Tempo etu boros ngkani aku tumangi apa mamporayang kojo komi, pei nempo ewa see aku taa mandoo mampatiendoka komi.

Posuwunya 3:14

Wali i Pue Allah manganto'oka i Musa, “Aku rato’oka, ‘I AKU SEMO AKU TO RE’EMO YAKO RI SINGKASAENYA’. Wali to'oka tau Israel etu, ‘I Pue Yawe to rato’oka i AKU TO RE’EMO, Ia semo to nampokau aku ma'i resi komi.’”

Pangkita 4:9

Wali anu to tuwu opo etu sira menyanyi manga’angga, mampakabae pasi mangabarong Ia to matunda ri gaderaNya etu, Ia to tuwu singkasaenya. Tempo sira menyanyi,

Pangkita 5:6

Wali aku mangalo’aka yau ri gadera Makole pasi anu to tuwu to opo etu pasi ketua-ketua to dua mpuyu pei opo etu, panewa aku mangkita samba’a Ana nu Domba makore nja’u oyonya. Ana nu Domba etu ta’aNya ewa roomo rasimbale. Ia pitu tonduNya pasi pitu seja mataNya. Wali mataNya pitu etu tondong pitu nosa i mPue Allah to napokau yau ri sambawo lino.

Pangkita 6:1

Wali yako etu, aku mangkita Ana nu Domba etu mangayali tondong to uyunya ruyu yako tondong pitu etu to mampasintaka buku to rayuyu. Pasi aku mangandonge samba’a yako ri anu to tuwu opo, ia magombo. Ia manganto’o, “Maimo pei lo’aja!” Pei loonya magombo etu ewa lamoa karosonya.

Pangkita 6:6

Pasi aku mangandonge anu to ewa loo ntau yako ri oyo nu anu to tuwu to opo etu. Loo etu mampakarebaka mangkonong tempo oro, ia manganto’o, “Samba’a liter gandum to magaya, olinya ewa saro ntau seo mapalaong. Pasi togo liter pae to yusa wo’u, olinya sewaju seja ewa saro ntau seo mapalaong. Ojo oli nu indol pasi tule anggur to taa mapone.”

Pangkita 7:11

Wali samparia pomakau i mPue Allah sira makore tiku gadera i mPue Allah etu pasi tiku ketua-ketua to dua mpuyu pei opo pasi anu to tuwu to opo. Panewa pomakau etu sira madungku yau ri tana ri tango nggadera i mPue Allah. Sira mampue mampakabae Ia.

Pangkita 14:3

Wali tau satu opo mpuyu pei opo nsowu etu, sira menyanyi ri tango nggadera Makole pasi ri tango nu anu to tuwu opo mba’a pasi ri tango ngketua-ketua. Sira menyanyi nyanyi to bou. Nyanyi etu taware to maya mangansani kasimbalinya yako tau satu opo mpuyu pei opo nsowu etu, to room naoli i mPue yako ri oyo nto lino.

Pangkita 15:7

Wali ojo pasuwu mpomakau to pitu etu panewa samba’a ri oyo anu to tuwu to opo, ia mangawaika sira yama weyawa samba’a pei samba’a. Yama pitu etu bananginya huku yako resi i Pue Allah anu to tuwu singkasaenya.

Pangkita 19:4

Wali karoonya sira magombo etu, ketua to dua mpuyu pei opo mba’a pasi anu to opo tuwu etu, sira madungku yau ri tana mampue mampakabae i Pue Allah anu to matunda ri gaderaNya. Sira manganto’o, “Amin. Barong i Pue Allah!”