Pangkita 4:6 - Tuntu i mPue ri Basa Taa

⁶ Pasi re’e seja ri tango nggadera etu anu to ewa tasi to raika yako kasa. Tasi etu polasi ralo’aka ewa kasa to rato’oka kristal. Wali re’e seja anu to tuwu opo mba’a. Sira opo re’e makore ri awe gadera etu ponto sunonya. Anu to tuwu etu malagi matanya, juku ri dadanya pasi juku ri bengonya.

Sura Magali Nuntu Ngkatuwu

⁶ Njau woʼu ri suara gadera mpoparenta setu anu ndakita ewa tasi malino ewa potaʼa mpembayo. Sape-sape gadera mpoparenta setu ri pura-pura sulapanya reʼe aopo pinatuwu, ri suaranya pai ri talikunya juku-juku reʼe mata.

Pangkita 4:6 Referans Kwoze

Pangkita 15:2

Wali ojo karoonya aku mangkita pomakau to mangkeni soba to pitu etu, aku mangkita wo’u anu to ewa tasi. Anu to ewa tasi etu ewa raika yako kasa to sigalo apu. Wali ri wii ntasi etu aku mangkita tau to room manganangi binatang to maja’a pasi tau-tau binatang pasi nomor to tondongi nsanganya. Tau to manang etu, sira mangangkongko gambus to nawaika i mPue Allah sira.

Pangkita 5:6

Wali aku mangalo’aka yau ri gadera Makole pasi anu to tuwu to opo etu pasi ketua-ketua to dua mpuyu pei opo etu, panewa aku mangkita samba’a Ana nu Domba makore nja’u oyonya. Ana nu Domba etu ta’aNya ewa roomo rasimbale. Ia pitu tonduNya pasi pitu seja mataNya. Wali mataNya pitu etu tondong pitu nosa i mPue Allah to napokau yau ri sambawo lino.

Pangkita 14:3

Wali tau satu opo mpuyu pei opo nsowu etu, sira menyanyi ri tango nggadera Makole pasi ri tango nu anu to tuwu opo mba’a pasi ri tango ngketua-ketua. Sira menyanyi nyanyi to bou. Nyanyi etu taware to maya mangansani kasimbalinya yako tau satu opo mpuyu pei opo nsowu etu, to room naoli i mPue yako ri oyo nto lino.

Pangkita 19:4

Wali karoonya sira magombo etu, ketua to dua mpuyu pei opo mba’a pasi anu to opo tuwu etu, sira madungku yau ri tana mampue mampakabae i Pue Allah anu to matunda ri gaderaNya. Sira manganto’o, “Amin. Barong i Pue Allah!”

Pangkita 5:14

Wali ojo karoonya samparia to etu magombo, panewa anu to tuwu opo etu, sira manganto’o, “Amin.” Pasi ketua-ketua to dua mpuyu pei opo etu, sira madungku yau ri tana pei mampue mampakabae i Pue Allah pasi Ana nu Domba anu tuwu singkasaenya.

Pangkita 7:11

Wali samparia pomakau i mPue Allah sira makore tiku gadera i mPue Allah etu pasi tiku ketua-ketua to dua mpuyu pei opo pasi anu to tuwu to opo. Panewa pomakau etu sira madungku yau ri tana ri tango nggadera i mPue Allah. Sira mampue mampakabae Ia.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

Pangkita 21:11

Wali kota etu nja’u kayawa i mPue Allah, pasi kota etu makilo ewa watu to masuli olinya to rato’oka yaspis. Yaspis etu polas ralo’aka ewa kasa to rato’oka kristal.

Pangkita 15:7

Wali ojo pasuwu mpomakau to pitu etu panewa samba’a ri oyo anu to tuwu to opo, ia mangawaika sira yama weyawa samba’a pei samba’a. Yama pitu etu bananginya huku yako resi i Pue Allah anu to tuwu singkasaenya.

Pangkita 21:21

Wali wombo ndindi to sampuyu pei dua, etu semo watu to buya pasi maliongu to rato’oka mutiara. Ponto-ponto wombo raika etu sampa’i mutiara to bae. Pasi jaya ngkota etu raika yako weyawa to mayongo kojo to polas ralo’aka ewa kasa.

Pangkita 21:18

Wali rindi ngkota etu raika yako watu to rato’oka yaspis, pasi kota etu raika yako weyawa to mayongo kojo pasi to polas ralo’aka ewa kasa.

Pangkita 7:17

Apa Ana nu Domba anu to maporenta sindara-ndara pei i Pue Allah Ia damawali to pangkampang nsira. Ia damangawawa sira njo’u mata nue to mangawaika sira katuwu. Pasi i Pue Allah damampalasi yau samparia ue mata nsira.

Pangkita 4:4

Pasi re’e seja dua mpuyu pei opo gadera tiku gadera Makole to rato’o etu. Pasi re’e seja dua mpuyu pei opo mba’a ketua matunda ri gadera etu. Sira mangampake pake to buya pasi ndate wo’o nsira re’e seja songko makole, songko weyawa.

Pangkita 5:8

Wali ojo karoonya Ana nu Domba mangoko buku to rayuyu etu, panewa anu to tuwu opo pasi ketua-ketua to dua mpuyu pei opo paka madungku yau ri tana ri tangoNya. Pasi sira mangangkongko gambus samba’a pei samba’a pasi mangkongko seja yama weyawa to la’u soga to magaya waunya tempo ratunu. Soga etu rato’oka kemenyan. Wali kemenyan etu tondong mpokai-kai ntau to i Pue Allah Puenya.

Pangkita 5:11

Wali ojo karoonya sira menyanyi, aku mangkita pasi aku mangandonge wo’u loo mpomakau i mPue Allah boros kojo. Pomakau etu taa ransani mangabilang apa sira boros kojo. Wali sira makore tiku ri tampa to nakare’e nggadera Makole, pasi anu to tuwu to opo pasi ketua-ketua to dua mpuyu pei opo.

Pangkita 6:1

Wali yako etu, aku mangkita Ana nu Domba etu mangayali tondong to uyunya ruyu yako tondong pitu etu to mampasintaka buku to rayuyu. Pasi aku mangandonge samba’a yako ri anu to tuwu opo, ia magombo. Ia manganto’o, “Maimo pei lo’aja!” Pei loonya magombo etu ewa lamoa karosonya.

Pangkita 6:6

Pasi aku mangandonge anu to ewa loo ntau yako ri oyo nu anu to tuwu to opo etu. Loo etu mampakarebaka mangkonong tempo oro, ia manganto’o, “Samba’a liter gandum to magaya, olinya ewa saro ntau seo mapalaong. Pasi togo liter pae to yusa wo’u, olinya sewaju seja ewa saro ntau seo mapalaong. Ojo oli nu indol pasi tule anggur to taa mapone.”