Pangkita 3:5 - Tuntu i mPue ri Basa Taa

⁵ I sema to manang, ia semo to damangampake pake to buya etu. Pasi Aku taa damampalasi sanganya yako ri raya buku to rapangantulis sanga ntau to tuwu, etu semo buku ngkatuwu. Pei Aku damampongakung sanganya etu ri tango mPa’angKu pasi ri tango mpomakauNya, Aku damanganto’o, ‘Tau si’i mangaya Aku.’

Sura Magali Nuntu Ngkatuwu

⁵ Waʼa ntau seʼe da ndawaika morengko mabuya. Toʼo ntau seʼe bareʼe da tepalisi ungka ri sura ntau tuwu. Pai ri suara mPapa-Ku pai waʼa malaʼeka da Kupangakuka tau seʼe inceʼemo waʼa ntau-Ku.

Pangkita 3:5 Referans Kwoze

Matius 10:32

“Wali i sema-sema tau to mampongakung ri tango ntau boros, manganto’o, ‘Aku mangalulu i Kerisitu,’ tau etu daKupongakung seja ri tango mPa’angKu ndate saruga, manganto’o, ‘Tau etu monso pu’u mangalulu Aku.’

Pangkita 21:27

Pei ri kota etu tare anu to makarika to maya masua ri rayanya. Pasi tau to mangika palaong to maja’a bara tau to mawuti, tau etu taa seja maya masua ri raya ngkota etu. Ojo tau to re’e sanganya ratulis ri raya buku ngkatuwu to Ana nu Domba puenya, ojo patanya tau etu sira maya masua njo’u raya ngkota etu.

Pangkita 20:15

Wali i sema tau to sanganya tare ratulis ri raya buku ngkatuwu etu, tau etu rapanasoka yau seja lo’u rano nu apu.

Lukas 12:8

Wali Aku manganto’oka komi, i sema-sema tau to mampongakung ri tango ntau boros, manganto’o, ‘Aku mangalulu i Kerisitu,’ tau etu Aku, Wiyaa nto Lino, daKupongakung seja ri tango mpomakau i mPue Allah ndate saruga manganto’o, ‘Tau etu monso pu’u mangalulu Aku.’

Pangkita 17:8

Wali binatang to nukita etu, ia tuwu tempo ruyu pei si’i-si’i ia tamo tuwu. Pei ia damasuwumo yako la’u wayau to taa ransani ungka ngkayombunya panewa yako etu ia darapakaja’aka. Wali to lino to tare sanganya ratulis nja’u raya buku ngkatuwu to yako ri tempo lino rapapowali, sira daipu rayanya mangkita binatang etu. Naka pei ipu raya nsira mangkita, apa ia tuwu tempo ruyu, pasi roo see ia tamo tuwu, panewa roo see ia damasuwu muni. See naka tau ipu rayanya.

Pangkita 20:12

Panewa aku mangkita seja tau mate to tawa rawangu muni, sira rawangu muni seja. Tasi re’e mampaposuwu muni lemba ntau mate to re’e ri rayanya. Pasi Kapate pasi Lipu nTau Mate mampaposuwu muni seja tau to mate to re’e resi sira. Panewa Kapate pasi Lipu nTau Mate etu, sira rapanasoka yau seja lo’u rano nu apu. Rano nu apu etu semo kapate to kadua. Wali yako etu tau to mate to owo rawangu muni, to tu’am pasi to mangurawa, sira samparia mampotango gadera Makole. Panewa re’e buku-buku to raloka. Buku-buku to raloka etu nja’u ratulis mangkonong palaong to naika ntau etu. Wali sira rabotus singkonong pei palaong to naika nsira to nja’u ratulis nja’u raya buku etu. Panewa re’e wo’u samba’a buku to raloka, buku etu semo buku ngkatuwu.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

Pangkita 2:7

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku mangawaika mangkoni wua ngkaju to mangawaika katuwu. Kaju etu tuwu ri bonde i mPue Allah.’”

Pilipi 4:3

Pasi yunungku to monso pu’u samba’a palaong pei aku, aku mamporapika resi korom mangansawang tau we’a dua etu see sira mawali masingkatao. Apa seore sira dua maroso palaonginya mangansawang aku mampakarebaka kareba matao. Sira mangansawang aku sindara-ndara pei i Klemen pasi samparia yunungku to yusa to samba’a palaong pei aku. Pasi sanga nsira samparia paka re’e ratulis nja’u raya buku to rapangantulis sanga ntau to mangarata katuwu to singkasaenya. Wali to’oka sira to tao-tao sira dua masingkatao.

Pangkita 19:8

Kasimpandenya etu ia rawaika baju lena to magaya. Baju etu mayongo pasi makilo.” Baju lena to magaya etu batuanginya palaong ntau to i Pue Allah Puenya to singkonong pei Ia.

Pangkita 22:19

Pasi ane re’e tau to mangangkurang gombo to ratulis ri buku si’i mangkonong palaong to damawali, i Pue Allah damangoko yau tila ntau etu ri kaju to mangawai katuwu to re’e ri kota mapasing anu to re’e ratulis ri buku si’i.

Pangkita 3:4

Pei re’e bara sawei mba’a komi nja’u Sardis to mampakalongko yako ri dosa ewa naika ntau mangajagai pakenya see taa kono anu to makarika. Tau etu damalinja sindara-ndara pei Aku, pasi damangampake pake to buya apa sira masipato mampake.

I Yudas 1:24

Wali i Pue Allah anu pu’u ngkapande, Ia samba’aja. Ia to Pansompo ngkita apa saba to naika i Yesu Kerisitu, Pue ngkita. Wali Ia nakurang mangajagai kita see kita taa mangika dosa, raporapaka ewa masou. Pasi Ia nakurang mangkeni kita mampotango kayawaNya. Tempo kita mampotango Ia etu kita tare sala pasi kita ndende kojo rayanta. Wali anu kita mangabarong Ia pasi magombo mangkonong anggaNya bae kojo, mangkonong karosoNya pasi mangkonong kuasaNya yako ri tempo owi pasi tempo si’i pasi rataka wo’u ri singkasaenya. Amin. Wali ungkanyamo ruyu gombongku si’i.

Lukas 10:20

Pei nempo measa mampalaika komi, si’a etu to masipato mawali pu’u ngkandende ndaya ngkomi. Kasimbalinya yako etu, pakandende raya ngkomi apa saba sanga ngkomi roomo ratulis ndate saruga.”

Pangkita 2:11

Wali si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, ia taa damangarata kapate to kadua.’”

Pangkita 3:12

Wali i sema to manang, tau etu Aku damangika maroo-roo singkasaenya ri raya banua i mPue AllahngKu ewa tinja to taa miyai yako nja’u ria. Aku damangantulis togo sanga ri koro ntau etu. Aku damangantulis sanga i mPue AllahngKu, pasi sangangKu to bou, pasi daKutulis seja sanga ngkota i mPue AllahngKu, etu semo Yerusalem to bou to ma’i yako resi i Pue AllahngKu ndate saruga.

Pangkita 6:11

Wali ojo karoonya sira manganto’o etu, sira samba’a pei samba’a rawaika baju to buya pasi sira rato’oka, “Pasau-sau ruyu sangkodi. Tiroowa re’e a’i-a’i ngkomi to samba’a pangaya pei komi to mangika seja palaong i mPue, sira re’e seja to darapopate yau. Wali ojo karoonya rapopate yau sira, panewa to lino darahuku.”