Pangkita 3:3 - Tuntu i mPue ri Basa Taa

³ Wali ne’e mangkalingan anu to rapotundeka komi to komi mampodongeka kojo seore. Luluka to etu pasi ndolika tangomu yako ri dosamu. Pei ane komi ojo yore-yore, komi taa damangansani tempo Aku darata ewa naika nto palima.

Sura Magali Nuntu Ngkatuwu

³ Mewali da ndiwali endo nunjaa anu roo ndapaguruka komi owi pai nunjaa anu ndidongemo. Ndiwianakamo inceʼe pai da ndiponcosoimo waʼa ncalaami. Maka ane bareʼe membangu komi, Yaku da rata ri komi ewa topangangka; pai bareʼe kojo da ndiincani impia tempo da karata-Ku.

Pangkita 3:3 Referans Kwoze

Pangkita 2:5

Wali pobuuka kojo ewa wimba kabaenya pasisalanya pamporayang ngkomi tempo seore pasi tempo si’i. Ane roomo komi mampobuuka, panewa ndolika tangomu yako ri palaong to tempo si’i, pei ika wo’u palaong to ewa nuika tempo seore, tempo komi owo mangaya. Apa ane komi taa mangandolika tangomu yako ri palaong to tempo si’i, Aku dama’i mangayali yau tinja mpansona ngkomi yako ri wakanya.

2 Petrus 3:10

Pei tempo i Pue maporenta ri lino, tempo etu kodi majoli darata ewa naika nto palima rata ri banua ntau ri raya mburi. Wali tempo etu semo daradonge loo to ewa loo nu apu bae kojo panewa kodi majoli yangi dapaya yau. Pasi samparia to ndate yangi damabilis yau naika nu apu to mapoi kojo. Pasi lino seja damosi yau sindara-ndara pei samparia bananginya. Wali a’i-a’i, kita mangansani matantu kojo palaong to etu damawali, ewa to roomo naparajanjika i mPue Allah.

Pangkita 16:15

Wali si’i gombo i mPue, Ia manganto’o, “Padongeka! Aku dama’i ewa to palima, wali komi taa damangansani tempo Aku dama’i etu. Wali masanang kojo tau to taa bayore pasi to mangajagang pakenya see ia taa dalambe pasi damea ri tango ntau boros.”

Matius 25:13

“Wali ne’e ewa to we’a to madoyo etu. Jagai kojo ne’e lenga mangampeas ngkama’ingKu see sigena komi ane Aku rata. Apa komi taa nunsani bara eo kesaa pasi bara jam sawei dakukarata Aku, Wiyaa nto Lino.”

Ibrani 2:1

Wali monso pu’u, ri tempo si’i i Pue Allah mampogomboka kita liu ri nganga nu AnaNya to bae wo’u pangkaNya pei samparia pomakauNya. See naka matao ane kita mampakadota wo’u mangangkongko anu to kita room mangandonge. Apa ane taa mangkongko kojo, kita kanjo’u-njo’u kalongko-longko yako ri jaya i mPue, ewa bangka to rakeni natawuis yau nu ngoyu.

1 Timotius 6:20

O Timotius, jagai kojo anu to room nasarumakaka i mPue Allah resi korom. Ne’e manganto’o gombo to taa mampakasanang i Pue Allah pasi to tare batuanginya. Etu semo gombo to nato’o ntau to mangabanta, manganto’o, “Kami semo to mangansani anu to monso.” Ewa wetu nato’o nsira pei kamonsonya anu to nansani nsira etu taa kojo monso.

Markus 13:36

Wali ane kodi majoli Aku ma’i muni, ne’e sampe Aku mangarata komi ojo yore-yore.

Markus 13:33

“Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu, pasi pakai-kai see komi sangkani sigena ane kodi majoli danapowali mpalaong etu. Apa komi taa nunsani temponya danapowali.

Pangkita 3:19

Wali Aku manganto’oka komi ewa see apa Aku mamporayang komi. Tau to Kuporayang, tau etu Aku manganseko pasi mangantidas. Wali pakadota rayamu pasi pajeamo.

2 Petrus 3:1

Wali a’i-a’i to kuporayang, sura si’i to kadua to kutulisika komi. Wali songkangku tempo aku mangantulisika komi sura to kadua si’i, sewaju ewa songkangku tempo aku nangantulis sura to uyunya seore. Etu semo, re’e to aku rani mampatiendoka komi. Kamonsonya aku mangansani komi buya rayamu mampobuuka gombo i mPue Allah. Pei aku rani wo’u mampatiendoka resi komi,

Pangkita 3:11

Aku majoli dama’i, wali luluka kojo anu to nululuka ngkomi tempo si’i, apa ane komi damangaluluka, tare to maya mangoko yau dale to danurata ngkomi. Dale etu raporapaka ewa so’o mbo’o to meyawa to narata ntau to manang.

Pangkita 2:25

Ojo si’i Kuto’oka komi, yako tempo si’i rataka temponya Aku ma’i, Aku rani komi ne’e mandoo mangaluluka kojo anu to nululu ngkomi tempo si’i.

2 Petrus 1:13

Apa ane ewa pampobuuka to si aku, ane korongku si’i tiroo tuwu, masipato aku mampatiendoka komi see mampakakoro raya ngkomi damangaluluka anu to roomo rapotundeka resi komi etu.

2 Timotius 1:13

Wali kongko kojo anu to aku room mampotundeka korom seore, apa etu semo to monso pasi damawali tondong to danululuka ngkorom. Pasi ri rayanya korom mangaluluka anu to rapotundeka etu, aya i Pue pasi porayang Ia pasi porayang sa’e apa korom samba’a pei i Kerisitu Yesu.

Pangkita 3:2

Wali pambangu, pei pakaroso pangaya ngkomi see taa damate seja anu to re’ewa resi komi mayu’u. Apa Aku mangkita lengko ngkomi taa masilonga ri pangkita i mPue Allah.

Pangkita 22:7

Wali i Pue Yesu manganto’o, “Padongeka kojo! Aku majoli ma’i. Wali masanang kojo tau to mampodongeka kareba to ratulis ri raya buku si’i mangkonong palaong to damawali.” Ewa wetu gombo i mPue Yesu.