Pangkita 3:18 - Tuntu i mPue ri Basa Taa

¹⁸ Wali see naka Aku manganto’oka komi oli weyawa yako resi Aku to roomo rapoapu pasi mayongo. Oli weyawa etu see komi dasugi. Pasi oli seja pake to buya danuposunsuka ngkomi see tamo lambe pasi taa mea nakita nsa’e. Pasi oli seja pakuli see maya darapokulirika matamu see komi maya mangkita muni rao.

Sura Magali Nuntu Ngkatuwu

¹⁸ Inceʼe painaka Kupatujuki komi da naka ndioli wuyawa ungka ri Yaku, inceʼemo wuyawa anu magali da naka koreʼe komi. Da ndioli woʼu rengko mabuya ungka ri Yaku da naka morengko komi da mangkaʼuwi pelambe-lambemi anu mepakaea. Da ndioli woʼu pakuli mata da ndigereka matami da naka yosa peolemi.

Pangkita 3:18 Referans Kwoze

Pangkita 16:15

Wali si’i gombo i mPue, Ia manganto’o, “Padongeka! Aku dama’i ewa to palima, wali komi taa damangansani tempo Aku dama’i etu. Wali masanang kojo tau to taa bayore pasi to mangajagang pakenya see ia taa dalambe pasi damea ri tango ntau boros.”

1 Petrus 1:7

Apa soba to nurata ngkomi etu, batuanginya mangansoba pangaya ngkomi see damiyala bara monso pu’u komi mangaya i Pue, bara taa. Wali pangaya ngkita maya raporapaka ewa weyawa. Apa weyawa ane ratunu ri apu panewa miyala weyawa to monso. Wali ewa see seja pangaya ngkita ane rasoba miyala monso pu’u kita mangaya. Pei pangayanta semo to bae-bae batuanginya pei weyawa, apa weyawa etu nempo bae kojo batuanginya, tiroo maya napakaja’aka yau ntau. Pei pangaya ngkita ane rasoba mampakanasaka tau kita mangaya. Wali ane manasa resi tau monso pu’u pangaya ngkita ane ewa see, see naka pangayanta etu darabarong pasi dara’angga pasi darapakabae ane ratamo tempo danakama’i i Yesu Kerisitu.

Pangkita 19:8

Kasimpandenya etu ia rawaika baju lena to magaya. Baju etu mayongo pasi makilo.” Baju lena to magaya etu batuanginya palaong ntau to i Pue Allah Puenya to singkonong pei Ia.

Pangkita 7:13

Wali yako etu re’e samba’a ketua to mampotanaka resi aku, ia manganto’o, “Sema tau boros si’i, tau to mangampake baju to buya? Yako imbare sira?”

Matius 13:44

“Wali mangkonong i Pue Allah mawali Makole nto lino, palaong etu raporapaka ewa kasugi to rawuni nja’u nawu. Wali re’e tau to malinja liu ri nawu etu pei mangarata kasugi to rawuni etu. Wali ndende kojo tau etu see naka ia mangawuni yau muni kasugi to ratanya etu pei yau mangampobalu samparia ngaya-ngayanya see damangarata doi. Roo see ia yau mangoli nawu etu see kasugi to rawuni reria damawali seja ia puenya apa bae kojo batuanginya kasugi etu.

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Pangkita 3:17

Apa komi manganto’o, ‘Kami tau to sugi, kami boros to re’e resi kami, kami tamo re’e to kami mampoipu.’ Ewa see gombo ngkomi, pei komi taa mangansani ewa wimba kamonsonya kojo komi. Kamonsonya komi masiasi kojo. Komi taa sugi, komi buta pasi lambe.

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

2 Korintus 8:9

Wali masipato komi manoto resi sa’e apa komi mangansani ewa wimba kabaenya kanoto i Yesu Kerisitu, Pue ngkita. Ia sugi kojo tempo tawa ma’i ri lino si’i, pei nempo ewa wetu, Ia buya rayanya mawali masiasi see maya mangansawang kita. Wali yako kasiasi to si Ia etu see naka kita mawali sugi.

2 Korintus 5:3

Wali ri rayanya kita tuwu ri raya ngkoro to raporapaka ewa tenda si’i, kita mangepe mandasai apa mabeu taepe ri raya ngkatuwu ngkita si’i. Pei si’a batuanginya kita rani mate yau ojo mangawonsu yau koro to si’i, pei pamporani ngkita mansaka rabolosika koro to bou. Apa ane tonii ngkita roomo rapaposunsuka wo’u koro to bou etu, ane ewa see re’e muni bombongi ntonii etu. Wali kita rani kojo mangarata koro to bou etu apa koro to bou etu taa damate, wali koro etu to bae-bae batuanginya pei koro to damate si’i.

Lukas 12:21

Wali ojo karoonya i Yesu manganto’o rapa etu, Ia manganto’oka wo’u tau boros, “Wali samparia tau to ojo mamporomungika koronya kasugi ri lino si’i, pei to taa manga’angga anu to bae batuanginya resi i Pue Allah, tau etu sewaju ewa tau sugi to Kuporapaka etu.”

Matius 25:9

“Pei ngana we’a to pande mangansono, sira manganto’o, ‘Taa, apa taa gana danapake ngkita samparia. Inta njo’u kios pei oli wo’u minya to danupake ngkomi.’

1 Timotius 6:18

Wali to’oka tau sugi etu pakadota mangika palaong to matao, pasi mangansora sa’e yako ri kabuya ndaya pasi ri kanoto ndaya.

Pangkita 4:4

Pasi re’e seja dua mpuyu pei opo gadera tiku gadera Makole to rato’o etu. Pasi re’e seja dua mpuyu pei opo mba’a ketua matunda ri gadera etu. Sira mangampake pake to buya pasi ndate wo’o nsira re’e seja songko makole, songko weyawa.