Pangkita 22:15 - Tuntu i mPue ri Basa Taa

¹⁵ Pei tau to makarika lengkonya, to raporapaka ewa asu, pasi tau to mangadoti sa’e, tau to magoyal, tau to mampopate sa’e, tau to mampue pue to yusa, pasi samparia tau to masanang sangkani mawuti, sira samparia paka nja’u sambali ngkota.

Sura Magali Nuntu Ngkatuwu

¹⁵ Paikanya waʼa ntau anu mawianaka waʼa mpowia anu ndaposari, waʼa nto powalia, waʼa ntau anu to posalara, waʼa ntau nto popepate, waʼa ntau anu manyomba ri lamoa, waʼa ntau anu kambamba-mbamba madago ri pompaunya bara ri powianya, pura-pura waʼa ntau setu kareʼenya ri sambaliku ngkota setu.

Pangkita 22:15 Referans Kwoze

Pangkita 21:8

Pei tau to maleo, pasi tau to taa mangaya Aku, tau to kajimi, tau to mampopate sa’e, tau to magoyal, tau to mampake do’a, tau to mampue pue to yusa pasi samparia tau to masanang sangkani mawuti, tau to ewa wetu tare ri Yerusalem to bou, sira re’e la’u rano nu apu pasi sedawa to mawea. Etu semo kapate to kadua.”

Pilipi 3:2

Wali jagai kojo tau to maja’a to raporapaka ewa asu to maja’a kiranya. Tau etu maja’a palaonginya, pasi sira rani mampakasaaka komi, sira manganto’o komi taa maya taa damangangkojot koro ngkomi see danatima i mPue Allah.

Pangkita 21:27

Pei ri kota etu tare anu to makarika to maya masua ri rayanya. Pasi tau to mangika palaong to maja’a bara tau to mawuti, tau etu taa seja maya masua ri raya ngkota etu. Ojo tau to re’e sanganya ratulis ri raya buku ngkatuwu to Ana nu Domba puenya, ojo patanya tau etu sira maya masua njo’u raya ngkota etu.

Kolose 3:6

Wali apa saba yako palaong to ewa wetu to taa singkonong pei i Pue Allah, see naka tau damangarata huku apa maja’a raya i mPue Allah mangkita dosa.

Pangkita 18:23

Tamo damiyala reme mpansona ri raya ngkorom. Pasi tamo seja daradonge loo mpangantin to langkai bara to we’a ri raya ngkorom. Samparia to etu damawali resi korom apa saba to payoli pasi to pobalu to si korom, sira semo tau to bae kojo angganya ri lino tempo ruyu. Pasi apa saba samparia to lino paka natipu nu mpake pasi do’a ngkorom.”

Palaong mPomakau i mPue Yesu 8:11

Wali sira mampodongeka kojo ia apa masaemo sira ipu kojo rayanya mangkita palaong to ia mangika ri kuasa to yako kapake to re’e resi ia.

Matius 8:12

Pei boros komi to Yahudi to danarubak yau i mPue Allah. Kamonsonya ane ewa songka i mPue Allah komi to Yahudi semo to damawali tau to Makolenya i Pue Allah. Pei nempo ewa wetu pamporaniNya, pei re’e komi to tare pangayamu resi Aku. Wali see naka tau etu darapanasoka yau njo’u tampa to mawuri to longko yako i Pue Allah. Wali tau to nja’u tampa to mawuri etu, sira tumangi-mangi pasi sakangke’i baganginya.”

Yohanes 8:46

Aku tare mangika dosa, wali see naka tare pasi samba’a komi to nakoto manganto’o ri kamonso-monsonya Aku tau madosa. Pasi samparia to Aku manganto’o paka monso, wali maka pei komi taa mangaya gombongKu etu?

Matius 7:6

Wali yako etu i Yesu manganto’o rapa mampakanasaka tau ne’e mampotundeka tuntu i mPue Allah resi tau to bo’onya kojo mampodongeka. Ia manganto’o, “Anu to bae batuanginya, ne’e rawaika asu to maja’a kiranya, apa asu etu ojo damangansoko komi. Pasi ane watu to masuli olinya to rato’oka mutiara, ne’e ratajika yau ri tango mbawu, apa wawu etu ojo damangalombu yau.” Wali etu semo rapa to nato’o i Yesu etu.

1 Timotius 1:10

Pasi porenta etu rawaika seja tau to magoyal pasi masala, tau to marongo paka langkai bara paka to we’a, tau to mangansoko tau pei mangkeni yau damawali watua, tau to mawuti, pasi to mawali matamanasa to taa monso. Wali tau to ewa wetu semo to rawaika porenta i Musa etu. Pasi samparia tau to mangika lengko to taa singkonong pei anu to monso to room rapotundeka, etu semo tuntu i mPue Allah, tau to mangika lengko to etu seja to rawaika porenta.