Pangkita 22:11 - Tuntu i mPue ri Basa Taa

¹¹ Wali i sema to mangika palaong to maja’a, biakamo napongika palaong to maja’a etu. Pasi i sema to lengkonya makarika, biakamo lengkonya etu makarika. Pasi i sema to mangika palaong to singkonong pei i Pue Allah, biakamo napongika palaong to singkonong pei i Pue Allah etu. Pasi i sema to i Pue Allah Puenya, biakamo napongika lengko to masipato naika ntau to i Pue Allah Puenya.”

Sura Magali Nuntu Ngkatuwu

¹¹ Tau anu majaʼa, mbolimo napampowia mpaliu jaʼa; tau anu karika mbolimo napampakarikamo mpaliu koronya; tau anu malulu pepokono i mPue Ala, pai tau anu tuwu mampatani koronya tila i mPue Ala, mbolimo naka tuwu mpaliu tepatani tila i mPue Ala.”

Pangkita 22:11 Referans Kwoze

2 Timotius 3:13

Pei tau to maja’a pasi to panipu, tau etu kanjo’u-njo’u tiduga-dugang wo’u kaja’anya. Sira mangantipu sa’e pasi sira seja ratipu.

Matius 15:14

Wali see naka ne’e mangalinga tau to aliran Parisi etu. Sira raporapaka ewa tau to buta to mawali mata njaya ntau to buta seja. Wali ane tau buta nakentar ntau to buta seja, sira dua paka damasou lo’u raya mbayau.”

Matius 5:6

Masanang tau to rani kojo rayanya mangika anu to singkonong pei i Pue Allah, apa i Pue Allah damangabanang pamporani ndaya nsira etu.

I Yudas 1:24

Wali i Pue Allah anu pu’u ngkapande, Ia samba’aja. Ia to Pansompo ngkita apa saba to naika i Yesu Kerisitu, Pue ngkita. Wali Ia nakurang mangajagai kita see kita taa mangika dosa, raporapaka ewa masou. Pasi Ia nakurang mangkeni kita mampotango kayawaNya. Tempo kita mampotango Ia etu kita tare sala pasi kita ndende kojo rayanta. Wali anu kita mangabarong Ia pasi magombo mangkonong anggaNya bae kojo, mangkonong karosoNya pasi mangkonong kuasaNya yako ri tempo owi pasi tempo si’i pasi rataka wo’u ri singkasaenya. Amin. Wali ungkanyamo ruyu gombongku si’i.

Matius 25:10

“Wali ngana we’a to madoyo etu, sira yau mangoli minya. Pei tongo-tongonya sira yau etu, ratamo to langkai to darapaporongo. Wali ngana we’a to masilongamo pansonanya etu, sira masua sindara-ndara pei to langkai etu ri raya banua nakanja’u roa mpaparongo. Roo see wombo banua etu raba’a yau.

Epesus 5:27

Naka pei Ia mangika ewa wetu see kita to tauNya dabae kojo kayawanta tempo Ia mangkeni kita ri tangoNya ewa pangantin to rakeni ri tango ntau to damangoko. Tempo etu kita raporapaka ewa to we’a to pakenya tare anu to makarika bara makuru bara anu to yusa to taa magaya. Apa kita i Pue Allah Puenya pasi tare to maya rapakasala.

Matius 21:19

Wali tempo Ia moro etu Ia mangkita kaju ara ri wii njaya, kaju etu marombo iranya see naka Ia yau mangampago apa ane kaju ara to marombo iranya ewa wetu, masipato re’emo sangkodi wuanya. Pei rata ri awe ngkaju etu Ia mangkita kaju etu tare kojo wuanya, ojo iranya semo. Wali see naka i Yesu manganto’oka kaju ara etu, “Yako tempo si’i, korom tamo damawua wo’u.” Wali ojo karoonya i Yesu manganto’o gombo etu, kaju ara etu mansaka mangau yau.

Yohanes 8:21

Wali i Yesu manganto’oka wo’u sira, to’oNya, “Aku damampiyaika komi, pasi komi damangaliwu Aku, pei komi taa kojo damangarata Aku. Komi taa maya yau ri tampa to daKukayako apa komi damate re’e katawanya dosa ngkomi ralapas.” Ewa see nato’o i Yesu.

Pangkita 16:21

Pasi re’e seja tiba to tudu yako ndate yangi. Tiba etu bara lima mpuyu kilo kabeunya rayanya nsampa’i. Tiba etu mangaronso to lino, wali to lino manganto’o maja’a i Pue Allah saba sira naronso ntiba etu, apa soba etu mapari kojo.

Pangkita 22:3

Wali anu to natonaa i mPue Allah tamo re’e. Gadera i mPue Allah pasi gadera nu Ana Domba re’e ri raya ngkota etu, pasi to papolaongiNya mangika palaong mampue mampakabae Sira.

Kolose 1:22

Pei si'i-si'i i Pue Allah roomo mangawali komi see komi seja maya masingkatao pei Ia. Ia mangika palaong to etu mangampake koro i ngKerisitu to mate rapaku ri kaju pasape. Pasi naka pei Ia mangika ewa wetu see tempo Ia damamposaka komi ri tangoNya komi damapasing pasi tare lengko to maya rato'o sala pasi to masipato raseko.

Matius 5:45

Ika ewa wetu see damiyala komi monso pu’u ngana mPa’a ngkomi to ndate saruga. Apa i Pue Allah mangika mata nu eo damangansindo samparia tau, nempo tau to maja’a bara to matao. Pasi Ia mangawaika seja uja resi samparia tau, nempo tau to mangika lengko to singkonong pei Ia bara tau to taa.