Pangkita 21:22 - Tuntu i mPue ri Basa Taa

²² Wali aku tare mangkita Banua i mPue Allah ri kota etu, Banua to napago ntau yau mampue mampakabae i Pue Allah. Tamo parluu Banua etu apa i Pue Allah anu Makuasa pasi Ana nu Domba Sira sangkani maroo nja’u ria, wali juku ri kota etu tau maya mampue mampakabae Sira.

Sura Magali Nuntu Ngkatuwu

²² Pai bareʼe kukita Banua mPue Ala ri raya ngkota setu, maka Banua i mPue inceʼe i Pue ngkalio-A, Ala anu Makuasa pai Ana Bimba setu.

Pangkita 21:22 Referans Kwoze

Pangkita 1:8

Wali i Pue Allah anu Makuasa, Ia manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Aku re’e tempo si’i, pasi Aku re’emo tempo owi, pasi Aku dare’e ri tempo to darata.” Etu semo gombo i mPue Allah.

Pangkita 16:7

Wali ojo karoonya ia magombo, aku mangandonge wo’u loo to yako ri palampa, loo to etu mampogomboka i Pue Allah, ia manganto’o, “O Pue Allah anu Makuasa, monso pu’u anu to nato’o mpomakau ngKomi etu. Tempo Komi mangahuku to lino, huku etu huku to masipato pasi singkonong kojo ewa sala.”

Pangkita 5:6

Wali aku mangalo’aka yau ri gadera Makole pasi anu to tuwu to opo etu pasi ketua-ketua to dua mpuyu pei opo etu, panewa aku mangkita samba’a Ana nu Domba makore nja’u oyonya. Ana nu Domba etu ta’aNya ewa roomo rasimbale. Ia pitu tonduNya pasi pitu seja mataNya. Wali mataNya pitu etu tondong pitu nosa i mPue Allah to napokau yau ri sambawo lino.

Kolose 2:9

Wali tare batuanginya mampodongeka tau etu apa kita re'e i Kerisitu. Ia mawali to lino, pei nempo ewa see, samparia to re’e resi i Pue Allah paka re'e seja resi Ia.

Yohanes 4:21

Wali i Yesu manganto’o, “Indo, aya gombongKu si’i. Apa darata temponya si’a tongku si’i pasi si’a seja Yerusalem tampa napampue ntau mampakabae i Pue Allah, Pa’a. Apa i Pue Allah, Ia nosa semo, wali Ia si’a ojo santolo nakare’e. Wali see naka kamonsonya ratamo temponya tau to monso pu’u mampue mampakabae i Pue Allah, Pa’a, tau etu nempo imbare sira, pei sira maya mampue mampakabae Ia. Apa sira mampue mampakabae Ia ri kamonso-monsonya pasi i Nosa Mapasing semo to mangansawang sira mangika palaong to etu. Wali i Pue Allah, Pa’a, Ia mangaliwu tau to ewa wetu inikanya mampue mampakabae Ia. Wali ane komi to Samaria, komi mampue mampakabae i Pue Allah, pei komi taa mangansani ewa wimba kamonsonya Ia. Pei kami to Yahudi, kami mangansani Ia to napue mami etu. Apa Ia roomo mampaponsanika kami to Yahudi yako resi kami semo dama’i to Pansompo to damangampalaes to lino.”

Pangkita 15:3

Wali tau to makore ri wii ntasi etu, sira mamponyanyika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!

Pangkita 11:17

Sira manganto’o, “O Pue Allah anu Makuasa, kami manganto’o tarima matao resi Komi to re’e tempo si’i, pasi to re’emo ri tempo owi, pasi to dare’e ri tempo to darata. Tarima matao apa Komi mangampake kuasaMu to bae kojo, Komi mula mangkuasang to lino.

Pangkita 4:8

Pasi anu to tuwu opo etu re’e ono paninya samba’a, pasi la’ara mpaninya etu juku seja matanya. Wali wuri eo wuri eo sira tare pandoonya mamponyanyika, manganto’o, “Mapasing, mapasing, mapasing i Pue Allah anu Makuasa, to re’emo tempo owi, pasi tempo si’i, pasi tempo to darata!”

Yohanes 10:30

Wali Aku pasi Pa’angKu, Kami samba’aja.” Etu semo pasono i Yesu.

Pangkita 19:15

Wali Ia to sangaNya i Tuntu mPue Allah, Ia re’e panai mataja to masuwu yako ri ngangaNya. Panai etu danapake damanganangi to lino. Panewa Ia damangkuasang sira Ia mangampake toko wubu. Ia seja damangalombu wua nu anggur la’u raya mbayau mbatu, batuanginya i Pue Allah anu to Makuasa maja’a kojo rayanya tempo Ia mangahuku to lino.

Pangkita 16:14

Nosa togo etu semo nosa measa to mangika palaong to taa rapobiasa to mawali tondong resi tau. Wali nosa etu yau damampasiromunaka makole-makole yako ri sambawo lino yau damamusu ane ratamo temponya eo bae, etu semo eo to rato’oka Eo i mPue Allah anu Makuasa.

Matius 24:2

Wali i Yesu manganto’oka kami, to’oNya, “Monso pu’u komi mangangkita samparia to magaya si’i. Pei Aku manganto’oka komi, monso pu’u banua i mPue Allah pasi banua-banua to ri awenya etu darapakaja’aka yau, pasi watu bose etu dararantamaka yau samparia. Tare pasi songu to taa darayali yau.”

Pangkita 7:15

“Wali apa sira roomo mangantatap bajunya etu ri raa nu Ana Domba, see naka sira maya mampotango gadera i mPue Allah pasi wuri eo sira mangika palaong i mPue Allah ri raya BanuaNya. Wali Ia to matunda ri gaderaNya etu, Ia dasiwaka pei sira pasi damangantorung sira.

Pangkita 7:17

Apa Ana nu Domba anu to maporenta sindara-ndara pei i Pue Allah Ia damawali to pangkampang nsira. Ia damangawawa sira njo’u mata nue to mangawaika sira katuwu. Pasi i Pue Allah damampalasi yau samparia ue mata nsira.

Pangkita 14:4

Tau etu tau to tare mangika palaong to mampakarikasika raya nsira apa sira tare magoyal bara masala resi to we’a apa sira nakurang manta’amaka rayanya. Sira ojo mangaluluka kojo Ana nu Domba. Imba nakanjo’u nu Ana Domba etu, sira njo’u seja. Pasi sira semo to naoli i mPue yako ri oyo nto lino. Sira mawali i Pue Allah Puenya pasi Ana nu Domba Puenya, ewa pae to uyunya rapota to rapampueka resi i Pue Allah.

Yohanes 13:32

Wali tempo tau mangabarong i Pue Allah apa saba palaong to mawali resi Aku etu, tempo etu i Pue Allah mansaka damampakanasaka tau Aku seja masipato rabarong.