Pangkita 2:27 - Tuntu i mPue ri Basa Taa

²⁷ Kuasa to Kuwaika tau etu sewaju pei kuasa to nawaika mPa’angKu Aku. Wali sira damangkuasang to lino damangampake toko wubu. Pasi sira damangkaja’aka yau balinya ewa naika ntau mangabusak yau kura tana.

Pangkita 2:27 Referans Kwoze

Pangkita 12:5

Wali yako etu ratamo temponya tau we’a etu moana, pei Ananya etu ana langkai. Ana etu Ia semo to damangkuasang samparia to lino, pasi tare to maya manganangi kuasaNya etu to raporapaka ewa toko wubu. Wali tempo Ana etu rapoanaka, ule naga damangomo yau Ia, pei taa mawali apa tempo etu Ana etu raoko pei rakeni yau nto’u si Pue Allah ndate tango nggaderaNya.

Pangkita 19:15

Wali Ia to sangaNya i Tuntu mPue Allah, Ia re’e panai mataja to masuwu yako ri ngangaNya. Panai etu danapake damanganangi to lino. Panewa Ia damangkuasang sira Ia mangampake toko wubu. Ia seja damangalombu wua nu anggur la’u raya mbayau mbatu, batuanginya i Pue Allah anu to Makuasa maja’a kojo rayanya tempo Ia mangahuku to lino.

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

Yohanes 17:24

“Wali Pa’angKu, ane mangkonong tau to nusarumakaka ngKomi resi Aku, Aku rani sira siwaka pei Aku ri tampa daKukaroo. Aku rani ewa wetu see sira maya damangkita angga pasi kayawa to nawaika ngKomi Aku re’e katawanya lino rapapowali. Naka pei Komi mangawaika Aku angga pasi kayawa etu apa saba Komi mamporayang Aku.

Lukas 22:29

Wali see naka ewa naika mPa’angKu mangawaika Aku kuasa damaporenta, ewa see seja daKuwaika komi kuasa damaporenta seja sindara-ndara pei Aku.