Pangkita 2:23 - Tuntu i mPue ri Basa Taa

²³ Pasi Aku damampopate yau samparia ana ntau we’a etu. Panewa samparia tau to mangaya Aku damanasa Aku semo to mangansani kojo pampobuuka ntau pasi raya ntau. Pasi Aku damangawaika resi komi anu to singkonong ewa wimba palaong ngkomi samba’a pei samba’a.

Sura Magali Nuntu Ngkatuwu

²³ Da kupepate waʼa anagurunya woʼu, da napaincani dompu pura-pura ka-Yakunya seʼi anu maincani ponawa-nawa ntau pai bangani ndaya ntolino. Komi pura-pura da Kupesawaki malulu waʼa mpowiami.

Pangkita 2:23 Referans Kwoze

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

Roma 8:27

Pasi i Pue Allah, to mamparesa raya ngkita, Ia nansani batuanginya gombo i Nosa Mapasing etu. Apa tempo i Nosa Mapasing mamponsaruka tau to i Pue Allah Puenya Ia mangaluluka pamporani i mPue Allah.

Palaong mPomakau i mPue Yesu 1:24

Ojo karoonya sira mangampilis tau dua etu, sira makai-kai, sira manganto’o, “Pue, Komi mangansani samparia raya ntau. Wali suduka kami tau dua si’i bara to imba to nupilis ngKomi

1 Petrus 1:17

Wali see naka i Pue Allah taa mampasisala tau, apa Ia mangabotus samparia tau. Pei tempo Ia mangabotus etu, samparia tau darabotus singkonong pei palaong to naika nsira samba’a pei samba’a. Wali komi re’e makai-kai resi Ia manganto’oka Ia, “Pa’a.” Wali monso pu’u Ia Pa’a ngkita. Pei Ia to nato’oka ngkita Pa’a etu, Ia seja to pobotus to mangabotus samparia tau. Wali apa saba Pa’a ngkita Ia semo to Pobotus nto lino, see naka masipato komi mampalaika Ia saba manga’angga Ia ri raya ngkatuwu ngkomi ri lino si’i to raporapaka ewa lipu ntau to yusa.

Pangkita 20:12

Panewa aku mangkita seja tau mate to tawa rawangu muni, sira rawangu muni seja. Tasi re’e mampaposuwu muni lemba ntau mate to re’e ri rayanya. Pasi Kapate pasi Lipu nTau Mate mampaposuwu muni seja tau to mate to re’e resi sira. Panewa Kapate pasi Lipu nTau Mate etu, sira rapanasoka yau seja lo’u rano nu apu. Rano nu apu etu semo kapate to kadua. Wali yako etu tau to mate to owo rawangu muni, to tu’am pasi to mangurawa, sira samparia mampotango gadera Makole. Panewa re’e buku-buku to raloka. Buku-buku to raloka etu nja’u ratulis mangkonong palaong to naika ntau etu. Wali sira rabotus singkonong pei palaong to naika nsira to nja’u ratulis nja’u raya buku etu. Panewa re’e wo’u samba’a buku to raloka, buku etu semo buku ngkatuwu.

Ibrani 4:13

Pasi tare anu to napapowali i mPue Allah to maya rawuni yako ri pangkitaNya. Apa samparia lambe pasi tiloka ane ri pangkita nu mata i mPue Allah. Pasi Ia semo to kita damangansono mangkonong lengko ngkita. I Yesu to Pampue to Bae AnggaNya

2 Korintus 5:10

Wali naka pei kami rani mangika palaong to mampakasanang Ia apa darata temponya i Kerisitu damangabotus kita to mangaya. Wali tempo etu kita taa maya taa mampotango gadera to napotunda i ngKerisitu damangabotus kita etu. Pasi tempo etu kita samparia damangarata anu to masipato kita damangarata samba’a pei samba’a. Wali anu to danarata ngkita etu dasingkonong pei palaong to naika ngkita samba’a pei samba’a ri raya ngkatuwunta ri lino si’i, bara matao, bara maja’a. Wali see naka kita rani mangika palaong to mampakasanang Ia ri raya ngkatuwunta ri lino si’i.

Pangkita 2:11

Wali si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, ia taa damangarata kapate to kadua.’”

Pangkita 2:7

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku mangawaika mangkoni wua ngkaju to mangawaika katuwu. Kaju etu tuwu ri bonde i mPue Allah.’”

Roma 14:12

Wali kita samparia damangansono pampotanaka i mPue Allah resi kita samba’a pei samba’a mangkonong ewa wimba lengko ngkita ri raya ngkatuwunta ri lino, bara kita nangika pamporani i mPue Allah tempo etu, bara taa.

Yohanes 21:17

Roo see i Yesu mampotanaka wo’u resi ia katogo ngkaninya, “Simon, ana i Yohanes, bara monso korom galungKu?” Wali i Petrus mawo kojo rayanya mangandonge i Yesu mampotanaka katogo ngkaninya mangkonong pamporayanginya. Wali ia manganto’o, “O Pue, Komi mangansani samparia, wali Komi mangansani aku galung ngKomi.” Wali i Yesu manganto’o wo’u, “Ane ewa see, piara joangKu to raporapaka ewa domba.

Pangkita 6:8

Wali aku mangalo’a pei mangkita wo’u samba’a tau to mampolea jarang to bulor. Tau to mampolea jarang etu sanganya Kapate, pasi re’e seja Lipu nTau Mate mangalulu ia. Wali sira rawaika kuasa see sira maya mampopate yau santila opo to lino. Singga’a mamutoto yau, singga’a mate nu oro, singga’a mate masaki pasi singga’a nakoni yau nu binatang to maila.

Galatia 6:5

Apa matao ane kita samparia mangika palaong ngkita samba’a pei samba’a.

Masmur 139:1

O Pue Yawe, Komi roomo mamparesa rayangku, wali Komi mangansani kojo aku.

Lukas 16:15

Wali i Yesu manganto’oka sira, “Komi semo tau to mangika lengko to singkonong pei i Pue Allah ane ri pangkita ntau boros. Pei i Pue Allah mangansani raya ngkomi kamonsonya taa singkonong pei Ia. Apa anu to napobuuka nto lino bae kojo batuanginya, anu to etu maja’a nakita i mPue Allah.

Pangkita 22:12

Wali i Yesu manganto’o, “Padongeka! Aku majoli dama’i mangangkeni ntanapa ntau. Wali Aku damangawaika sira samba’a pei samba’a singkonong ewa palaong to nikanya.

Yohanes 4:16

Wali i Yesu manganto’oka ia, “Inta pei pokio rongomu pei ma’i muni.”