Pangkita 2:20 - Tuntu i mPue ri Basa Taa

²⁰ Pei re’e sala ngkomi to Aku mangkitanaka, apa komi ojo mangabiaka tau we’a to rato’oka i Isebel mampotunde tau to mangaya Aku. Ia mampoanika, ia manganto’o, ‘Aku semo to pantuntu tuntu i mPue Allah.’ Pasi ia mangampotunde ojo mangantipu tau to mangaya Aku, ia manganto’o, ‘Taa mawei tau nempo magoyal pasi masala pasi mangkoni pangkoni to roomo rapampueka resi pue to yusa.’ See naka sira mangika palaong to etu.

Sura Magali Nuntu Ngkatuwu

²⁰ Paikanya seʼi kabarata-Ku ri komi: Komi mabuleremo rayami ri Sebeli, inceʼemo weʼa anu mangaku kasiʼanya ndapokau i mPue Ala. Mariamo waʼa mbatua-Ku anu nambambasi pai napaguruka posalara pai mangkoni pangkoni anu roomo ndapanyombaka ri lamoa.

Pangkita 2:20 Referans Kwoze

Pangkita 2:14

Pei re’e sala ngkomi to Aku mangkitanaka, apa re’e sawei mba’a komi to mangaluluka anu to napotundeka i mBileam tempo owi. I Bileam etu mampotundeka i Balak see i Balak mangansani ewa wimba raika mangamomis to Israel see sira mangkoni pangkoni to roomo rapampueka resi pue to yusa pasi mangamomis seja sira see sira magoyal pasi masala.

Palaong mPomakau i mPue Yesu 15:29

Etu semo, ne’e mangkoni pangkoni to room rapampueka resi tau-tau, pasi ne’e mangkoni raa, pasi ne’e seja mangkoni wombo nu binatang to mate taa masuwu raanya. Pasi ne’e seja masala bara magoyal. Wali ane komi mangalulu porenta-porenta to rato’o etu, lengko ngkomi damatao. Wali ungkanyamo ruyu sura si’i.”

Palaong mPomakau i mPue Yesu 15:20

Ne’e kita mampakasaaka sira mangalulu samparia porenta i Musa. Kasimbalinya yako etu, to tao-tao kita ojo mangantulisika sira sura pei manganto’oka sira ne’e mangkoni pangkoni to makarika, etu semo pangkoni to room rapampueka resi tau-tau. Pasi ne’e masala bara magoyal. Pasi ne’e seja mangkoni raa pasi wombo binatang to mate taa masuwu raanya.

Pangkita 2:4

Pei re’e sala ngkomi to Aku mangkitanaka apa komi si’amo ewa seore. Seore, tempo komi owo mangaya, komi bae pamporayangmu resi Aku pasi resi sa’e, pei si’i-si’i tamo bae pamporayangmu.

1 Korintus 10:28

Apa lino si’i pasi samparia bananginya paka i Pue Puenya. Pei ane rapanya re’e tau to manganto’oka kita, “Pangkoni si’i roomo rapampueka resi tau-tau,” ane ewa see, ne’e kita mangkoni. Anu kita mampobuuka tau to manganto’oka kita mangkonong nae etu, apa ia bara mangepe sala ane mangkoni wali see naka ia damasusa ane kita mangkoni nae etu.