Pangkita 2:19 - Tuntu i mPue ri Basa Taa

¹⁹ Ia manganto’o, Aku Kunsani lengko ngkomi, pasi pamporayang ngkomi, pasi pangaya ngkomi, palaong ngkomi pasi kasabara ngkomi nempo mangarata kasusa. Pasi Aku Kunsani palaong to komi mangika ri tempo si’i, palaong to etu semo to boro-boros pei palaong to nuika ngkomi tempo komi owo mangaya.

Sura Magali Nuntu Ngkatuwu

¹⁹ Kuincani pura-pura anu ndiwianaka – kuincani kakominya mepotowe, komi todo, komi madoyo motetala, pai komi todo ri raya ngkapari. Kuincani wawaseʼi meruu kadoyomi motetala painaka i owi.

Pangkita 2:19 Referans Kwoze

1 Timotius 1:5

Wali naka pei aku manganto’oka korom porenta etu see kita to mangaya masiporayang. Apa ane raya ngkita napakayongo i mPue Allah, pasi ane raya ngkita taa mangepe sala ri tango i mPue Allah mangkonong lengko ngkita, pasi ane kita mangaya kojo i Kerisitu, ane ewa see kita maya masiporayang.

2 Petrus 1:7

Pasi ri rayanya komi mangika lengko to mampakasanang i Pue Allah etu, dugangika wo’u pamporayang ngkomi resi pua’i to samba’a pangaya. Pasi ri rayanya mangamporayang pua’i to samba’a pangaya, dugangika wo’u pamporayang ngkomi resi samparia tau.

Yohanes 15:2

Wali to panawu to mampasilonga anggur, ane ia mangkita ra’a to taa mawua, ia mangampu’ak yau to etu. Pasi ane ra’a to mawua, ia mangantumpo yau joe nda’anya damampakayongongika ra’anya etu see mawali malagi wo’u wuanya. Wali ewa wetu seja naika mPa’angKu resi komi to mangalulu Aku, to raporapaka ewa ra’angKu. Ia mampakayongongika seja komi see komi dabae seja wua mpalaongimu.

2 Tesalonika 1:3

Wali a’i-a’i masipato kami manganto’oka i Pue Allah tarima matao apa saba komi. Masipato kami manganto’oka Ia tarima matao apa kanjo’u-njo’u karoso-roso pangaya ngkomi. Pasi kanjo’u-njo’u karoso-roso komi samparia masiporayang.

2 Petrus 3:18

Pei to tao-tao komi mampakakoroka mampodongeka tuntu i mPue Allah see kanjo’u-njo’u tiduga-dugang pangansani ngkomi mangkonong kanoto i Yesu Kerisitu, Pue ngkita pasi to Pansompo ngkita. Pasi kanjo’u-njo’u komi tiduga-dugang masinsani pei Ia. Wali anu kita mangabarong Ia mula yako tempo si’i rataka yau ri tempo to darata! Amin. Wali ungkanyamo gombongku si’i.

1 Petrus 4:8

Pasi ri temponya komi tiroowa tuwu ri lino si’i, to bae kojo batuanginya komi masiporayang kojo. Apa ane komi mamporayang yunu ngkomi, see naka boros sala nu yunu ngkomi to taa danukitanaka ngkomi.

1 Tesalonika 3:6

Wali i Timotius yau resi komi seore pei si’i-si’i ia rata muni resi kami pasi ia mangkenika kami kareba to matao mangkonong pangaya ngkomi pasi pamporayang ngkomi. Pasi ia manganto’o komi sangkani masanang mampobuuka kami pasi mawongko seja raya ngkomi rani mangkita kami, sewaju ewa kami rani mangkita komi.

Kolose 3:14

Pasi lengko to bae kojo batuanginya komi mampolengkoka, etu semo mamporayang sa'e. Apa pamporayang semo to mangika kita mawali samba’a pampobuuka pasi samba’a raya see damawali masingkatao kojo.

Pangkita 2:13

Ia manganto’o, Aku Kunsani palaong ngkomi pasi lipu to nukaroos ngkomi. Lipu etu semo to nakuasang kojo i ngKepala Measa. Pei nempo komi maroo nja’u lipu etu, pei komi mangalulu kojo Aku pasi komi taa manganto’oka sa’e, ‘Aku taa mangalulu i Yesu.’ Seore re’e tau to rapopate yau apa saba ia mampakarebaka mangkonong Aku. Etu semo i Antipas to mangalulu kojo Aku. Ia rapopate yau nja’u kota ngkomi, kota to nakaroos i ngKepala Measa. Pei nempo re’e to rapopate yau etu, pei komi taa manganto’oka sa’e, ‘Aku taa mangalulu i Yesu.’

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

Lukas 1:23

Wali ojo kagananya eonya ia mapalaong, ia mawolili muni njo’u lipunya.