Pangkita 2:10 - Tuntu i mPue ri Basa Taa

¹⁰ Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Sura Magali Nuntu Ngkatuwu

¹⁰ Neʼe ndipokaeka waʼa mpejeani anu ndiepe maka bareʼemo masae. Neʼe ndikalingani, santila ri komi da naparintarunggu i majaʼa, da napebutuka komi, sampuyu ndeme kasaenya da ndipaepe pejeani. Mbolimo komi da mepoʼinaya ri Yaku rantani mate, Yaku da mawaika komi saro mpenangimi inceʼemo katuwu anu monco.

Pangkita 2:10 Referans Kwoze

Yakobus 1:12

Wali masanang tau to mangainsoka tempo mangarata soba. Apa ane ia mangainsoka tempo rasoba ia damangarata katuwu to raporapaka ewa dale to meyawa kojo to rawaika resi tau to manang. Wali katuwu etu roomo naparajanjika i mPue tau to mamporayang Ia.

Matius 10:22

Pasi ane komi, samparia tau damaja’a nakita komi apa saba komi mangalulu Aku. Pei i sema-sema tau to mangainsoka kasesa to ewa wetu sampe rata tempo ngkapuranya, tau etu darapalaes.

1 Petrus 5:4

Apa ane komi mangika ewa wetu, ane ratamo temponya danakama’i nto Pangkampang to bae kojo anggaNya, tempo etu komi damangarata kayawa to taa dapaya yau, to raporapaka ewa dale to meyawa kojo to narata ntau to manang.

Markus 13:13

Pasi komi seja, boros kojo tau to maja’a danakita komi apa saba komi mangalulu Aku. Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.”

Epesus 6:12

Wali pake samparia anu to etu apa kita seja mamusu. Pei kita si’a mangamusung to lino, kita mangamusung anu to taa rakita. Etu semo measa to boros kojo to maroo ndate rao. Measa etu rato’oka makole-makole, pasi rato’oka anu to re’e kuasanya, pasi anu to mangkuasang to lino ri tempo to mawuri si’i

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

Matius 24:13

Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.

1 Petrus 5:8

Wali matao komi masilonga pampobuuka ngkomi pasi ne’e bayore. Apa bali ngkomi, etu semo i Kepala nto pantipu, ia raporapaka ewa singa to manggori pasi malinja njo’u-ma’i njo’u-ma’i mangaliwu tau to danakoni.

1 Korintus 9:25

Wali ane tau to damatilumba etu, sira madota kojo maripo-ripo yami pasi manta’amaka samparia pamporani ndaya to damangantalas sira naka pei taa magasi pariponya. Naka pei sira mangangika palaong etu apa sira rani mangarata dale, etu semo so’o mbo’o to magaya to raika yako ira ngkaju to rawaika resi tau to manang. So’o mbo’o etu taa masae damaja’a. Pei kita manta’amaka pamporani ndaya ngkita pasi mangaluluka songka i mPue Allah, see damangarata dale to tare kapuranya.

Matius 10:28

“Wali ane tau, to ia nakurang mampopate yau, etu semo koro ngkomi, pei ia taa nakurang mampopate yau tonii ngkomi. Wali ne’e meka resi tau. Pei ane i Pue Allah, Ia re’e kuasa mampakaja’aka yau koro pasi tonii la’u apu naraka. Wali masipato komi mampalaika Ia pasi manga’angga Ia, pei ne’e mampokeka tau.

Pangkita 13:7

Panewa binatang etu rabiaka seja mangamusu pasi manganangi tau to i Pue Allah Puenya. Pasi ia rawaika kuasa mangkuasang samparia tau ri lino, etu semo ponto-ponto suku, pasi ponto-ponto bansa, pasi ponto-ponto basa, pasi ponto-ponto paporenta.

Epesus 2:2

Lengko ngkomi tempo etu ojo mangaluluka yau lengko nto lino anu to maja’a. Pasi tempo etu komi mangampolaika i Kepala Measa. I Kepala Measa ia matunda ri rao, wali yako ri rao etu ia mangamporentang raya ntau samparia to taa mampolaika i Pue Allah.

Yohanes 13:2

Wali yau wengi i Yesu pasi kami to anaguruNya mangkoni. Pasi i Kepala nto pantipu roomo mangawaika i Yudas Iskariot, ana i nSimon, pampobuuka see ia mansongka damamposora yau i Yesu.

Yohanes 12:25

Wali re’e tau to mampobuuka katuwunya ri lino si’i, etu semo to bae kojo batuanginya. Pei tau etu tiroo darata temponya ia damate yau, wali katuwunya etu tamore batuanginya. Pei tau to mampobuuka si’a katuwunya ri lino si’i to bae kojo batuanginya see naka ia buya rayanya mangalulu Aku, ane ewa see, katuwu ntau etu monso pu’u bae batuanginya rataka ri singkasaenya.

Lukas 21:12

Wali yako etu i Yesu manganto’oka wo’u anaguruNya, to’oNya, “Ewa wetu palaong to damawali, pei tempo tawa mawali palaong to etu, komi danasoko pasi danasesai ntau. Komi darabotus nja’u banua-banua to napampotunde nto Yahudi pasi komi daratarungku. Pasi komi darakeni ri tango makole-makole pasi ri tango gubernur-gubernur apa saba komi mangaya Aku.

Markus 8:35

Pei re’e tau to mampobuuka katuwunya semo to bae kojo batuanginya see naka sira taa mangalulu Aku naka ne’e nasesai ntau. Pei tau etu nempo taa napopate ntau apa saba mangalulu Aku pei tiroo darata temponya sira damate yau. Pei i sema tau to buya rayanya nempo mate yau apa saba ia mangaya Aku pasi ia mampakarebaka kareba matao, tau etu damangarata katuwu to monso.

Pangkita 13:2

Wali binatang to maja’a etu ta’anya ewa binatang to rato’oka macan tutul. Pei witinya ewa witi beruang pasi ngujunya ewa nguju nsinga. Wali ule naga mangawaika binatang etu karoso ewa karoso to si ia. Pasi ule naga etu mangawaika ia mamporentang tau to re’e ri paporentanya pasi mangawaika ia seja kuasanya to bae kojo.

Palaong mPomakau i mPue Yesu 21:13

Pei tempo etu i Paulus mangansono, to’onya, “Maka pei komi tumangi mampakamawo rayangku? Apa aku nempo si’a ojo ratarungku, aku nempo rapopate yau nda’a Yerusalem apa saba mangalulu i Pue Yesu, aku buya rayangku.”

Palaong mPomakau i mPue Yesu 20:24

Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.

Yohanes 13:27

Pei ojo pangoko i Yudas roti etu, i Kepala Measa mamposuak ia. Wali i Yesu manganto’oka i Yudas, “Intamo nakajoli pei ika palaong to danuika etu.” Ewa wetu nato’oka i Yesu i Yudas.

Pangkita 2:13

Ia manganto’o, Aku Kunsani palaong ngkomi pasi lipu to nukaroos ngkomi. Lipu etu semo to nakuasang kojo i ngKepala Measa. Pei nempo komi maroo nja’u lipu etu, pei komi mangalulu kojo Aku pasi komi taa manganto’oka sa’e, ‘Aku taa mangalulu i Yesu.’ Seore re’e tau to rapopate yau apa saba ia mampakarebaka mangkonong Aku. Etu semo i Antipas to mangalulu kojo Aku. Ia rapopate yau nja’u kota ngkomi, kota to nakaroos i ngKepala Measa. Pei nempo re’e to rapopate yau etu, pei komi taa manganto’oka sa’e, ‘Aku taa mangalulu i Yesu.’

Pangkita 13:14

Wali binatang to kadua etu ia rawaika kuasa mangika palaong to taa rapobiasa etu mangawakil binatang to uyunya. Panewa yako palaong etu ia mangantipu to lino. Ia manganto’oka sira mangika tau-tau to ta’anya ewa binatang to uyunya to roomo nawelangi mpanai etu pei tuwu muni.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”