Pangkita 19:6 - Tuntu i mPue ri Basa Taa

⁶ Wali karoonya aku mangandonge loo etu, aku mangandonge wo’u loo to ewa loo ntau boros, loo etu kawuu-wuu ewa wera pasi ewa lamoa. Loo etu manganto’o, “Barong i Pue Allah! Apa i Pue, Allah ngkita anu to Makuasa, Ia semo Makole!

Sura Magali Nuntu Ngkatuwu

⁶ Roo setu kudonge sangaya anu ewa oni nganga ntau sadompu bangke anu maria kojo; oninya mewakuu ewa balumba ndopo pai ewa ponduruku gundu. Kudonge natoʼo ntau seʼe, “Undemo Pue Ala! Maka i Pue, Pue Ala pueta Anu Makuasa setu seʼi-seʼi moparenta!

Pangkita 19:6 Referans Kwoze

Pangkita 14:2

Pasi aku mangandonge loo to yako ri saruga. Loo etu ewa loo nu wera kawuu-wuu pasi ewa loo nu lamoa. Pasi loo etu ewa loo nu gambus to natingko ntau.

Pangkita 19:1

Wali ojo karoonya etu, aku mangandonge loo to ewa loo ntau boros kojo magombo sindara, to’onya, “Barong i Pue Allah! Pue Allah ngkita, Ia semo to mampalaes tau, pasi Ia semo to bae kayawaNya pei to makuasa.

Pangkita 6:1

Wali yako etu, aku mangkita Ana nu Domba etu mangayali tondong to uyunya ruyu yako tondong pitu etu to mampasintaka buku to rayuyu. Pasi aku mangandonge samba’a yako ri anu to tuwu opo, ia magombo. Ia manganto’o, “Maimo pei lo’aja!” Pei loonya magombo etu ewa lamoa karosonya.

Pangkita 1:15

WitiNya ewa tambaga to kalaga-laga la’u raya nu apu. Pasi looNya kawuu-wuu ewa wera to bae.

Pangkita 21:22

Wali aku tare mangkita Banua i mPue Allah ri kota etu, Banua to napago ntau yau mampue mampakabae i Pue Allah. Tamo parluu Banua etu apa i Pue Allah anu Makuasa pasi Ana nu Domba Sira sangkani maroo nja’u ria, wali juku ri kota etu tau maya mampue mampakabae Sira.

Pangkita 12:10

Wali yako etu aku mangandonge loo to maroso ri raya nsaruga, loo etu manganto’o, “Ratamo temponya i Pue Allah ngkita damampalaes tauNya. Si’i-si’i Ia mampapokitaka tau kuasaNya pasi Ia Makole ngkita. Pasi i Kerisitu, Makole parajanji i mPue Allah, Ia seja mampapokitaka tau kuasaNya. Apa room rapanasok yau yako ndate saruga ia to wuri eo mampakasala a’i-a’i ngkita ri tango i mPue Allah.

Pangkita 8:5

Roo see pomakau etu mangoko apu to yako ri wawo mpalampa, pei mamposaka ri raya nu yama rapangantunu kemenyan etu, panewa ia mangantajika yau ri lino. Wali ojo karoonya etu re’emo bilak kreto pasi lengko tana.

Pangkita 4:5

Wali yako nja’u gadera Makole to ri tongonya etu, masuwu bilak kreto. Pasi ri tango nggadera etu re’e pitu suyu to mawea. Suyu etu semo tondong pitu nosa i mPue Allah.

Matius 6:13

Pasi kami marapi seja see Komi mangansawang kami ane mangarata soba, pasi lapa kami yako resi ia to pu’u nsamparia anu to maja’a. (Kami mamporapika ewa wetu apa Komi semo to masipato mawali Makole pasi to re’e kuasa pasi to masipato rabarong rataka ri singkasaenya. Amin.) Wali ewa wetu semo raika makai-kai.

Pangkita 1:8

Wali i Pue Allah anu Makuasa, Ia manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Aku re’e tempo si’i, pasi Aku re’emo tempo owi, pasi Aku dare’e ri tempo to darata.” Etu semo gombo i mPue Allah.

Pangkita 19:4

Wali karoonya sira magombo etu, ketua to dua mpuyu pei opo mba’a pasi anu to opo tuwu etu, sira madungku yau ri tana mampue mampakabae i Pue Allah anu to matunda ri gaderaNya. Sira manganto’o, “Amin. Barong i Pue Allah!”