Pangkita 19:10 - Tuntu i mPue ri Basa Taa

¹⁰ Wali yako etu aku madungku yau ri tana ri tango mbiti mpomakau etu damampue mampakabae ia. Pei ia manganto’oka aku, “Ne’e mampue mampakabae aku, pampue resi i Pue Allah. Apa aku seja to papolaong i mPue sewaju ewa korom pasi ewa a’i-a’imu to mangangkongko seja anu to napotundeka i Yesu. Apa anu to napotundeka i Yesu, etu semo anu to nato’oka i Nosa Mapasing to pantuntu tuntu i mPue Allah tempo owi.

Sura Magali Nuntu Ngkatuwu

¹⁰ Mombukotu yaku metutu ri suara malaʼeka setu da kumanyomba ri siʼa, paikanya mompau siʼa natoʼoka yaku, “Neʼe! Neʼe nupanyomba yaku, panyombamo ri Pue Ala! Maka yaku podo watua siwia pai siko pai ewa pura-pura kasangkompomu anu todo ri posabi i Yesu!” Maka posabi i Yesu incetumo anu mawai ponawa-nawa waʼa ntau anu mowati.

Pangkita 19:10 Referans Kwoze

Yohanes 5:39

“Wali komi madota kojo maguru tuntu i mPue Allah, apa komi mampobuuka ane maguru tuntu i mPue Allah komi damangarata katuwu to singkasaenya. Wali tuntu i mPue Allah to nupoguru ngkomi etu, tuntu etu mampakanasa mangkonong Aku.

Ibrani 1:14

Apa pomakauNya etu, sira ojo nosa-nosa to mangika palaong i mPue Allah. Pasi sira napokau i mPue Allah damangansawang tau. Wali tau to nasawang mpomakau etu, etu semo kita to danapalaes i mPue Allah. Wali manasa kojo sanga pasi pangka i Ana i mPue Allah, etu semo to bae-bae batuanginya pei sanga pasi pangka mpomakau i mPue Allah.

Pangkita 4:10

ketua-ketua to dua mpuyu pei opo etu sira madungku yau ri wawo ntana ri tangonya Ia to matunda ri gaderaNya etu pei mampue mampakabae Ia to tuwu singkasaenya. Sira mangayali yau songko weyawa to ndate ndate wo’o nsira panewa mamposaka ri tango nggadera Makole etu. Pasi sira manganto’o,

Pangkita 12:17

Wali ule naga ia maja’a kojo rayanya resi tau we’a. Wali ia yau mangamusu ana ntau we’a etu to yusa. Ana ntau we’a batuanginya etu semo samparia tau to mangalulu porenta i mPue Allah pasi mangangkongko anu to napotundeka i Yesu Kerisitu.

Pangkita 12:11

Wali a’i-a’i ngkita etu manganangi ia apa saba yako kuasa raa nu Ana Domba pasi apa saba tuntu i mPue Allah to napakarebaka nsira. Sira taa ojo mangampobuuka katuwu ngkoronya, apa nempo rapopate yau apa saba pangayanya, sira taa mandoo mangaya.

1 Yohanes 5:10

Wali tau to mansarumaka Ana i mPue Allah, tau etu manasa kojo ri rayanya monso pu'u i Yesu semo Ana i mPue Allah. Pei tau to taa mangaya i Pue Allah, tau etu sewaju pei manganto'o i Pue Allah mawuti, apa ia taa naaya kareba to nato'o i mPue Allah mangkonong AnaNya.

Ibrani 12:25

Wali pakatao kojo naka ne’e kita mampobo’o mangandonge Ia to mampogomboka kita si’i-si’i. Apa ewa wetu naika nto Israel tempo owi. Sira bo’onya mampodongeka Ia to mampogomboka sira ri lino si’i, wali sira tare jaya miyai tempo Ia mangahuku sira. Wali taa manto’o kita. Kareba to Ia manganto’oka kita semo to bae-bae batuanginya, apa tempo si’i Ia mampogomboka kita yako ndate saruga semo. Wali ane kita mampobo’o Ia, kita taa kojo re’e jaya mampiyaika huku.

Matius 4:10

Wali i Yesu manganto’oka ia, “Gete, bo’ongku! Apa re’e porenta to ratulis ri raya ntuntu i mPue Allah to manganto’o, ‘Ne’e mampakabae anu to yusa wo’u kasimbalinya yako resi i Pue apa Ia semo Allah ngkomi. Pasi tare yusa to danupalaika kasimbalinya yako Ia.’ (Ulang 6:13) Ewa wetu ratulis ri raya ntuntu i mPue Allah, wali piyaimo Kepala Measa!”

Pangkita 14:7

Ia maroso kojo loonya kaboo, ia manganto’o, “Palaika i Pue Allah saba manga’angga Ia pasi barong kuasaNya, apa ratamo temponya Ia mangabotus to lino. Wali pampue resi i Pue Allah, Ia to nampapowali yangi, lino, tasi, pasi mata nue.”

Pangkita 15:4

Samparia tau dameka resi Komi i Pue, pasi samparia tau mangabarong keyawa nsangaMu. Apa ojo Komi semo to tare dosaMu. Wali samparia to lino dama’i damampue mampakabae Komi apa roomo rapaponsanika resi kami samparia palaong ngKomi paka singkonong kojo ewa anu to Komi room manganto’o.”

Palaong mPomakau i mPue Yesu 10:43

Wali samparia to pantuntu tuntu i mPue Allah tempo owi, sira magombo mangkonong i Yesu etu, sira manganto’o i sema tau to mangaya Ia sira tamo rakitanaka dosanya apa saba kuasa to si Ia.”

Pangkita 1:9

Wali aku semo i Yohanes, a’i ngkomi to samba’a pangaya. Komi rasesai apa saba mangalulu i Yesu, pasi aku seja rasesai sewaju pei komi. Pei ri raya ngkasesa etu kita samparia re’e sabara to nawaika i Yesu kita, pasi kita mangampeas temponya Ia damawali Makole ri lino. Wali aku raposaka ri pulo Patmos apa maja’a raya ntau tempo aku mampakarebaka tuntu i mPue resi tau pasi manganto’oka sira kareba matao mangkonong i Yesu.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Lukas 1:19

Wali pomakau etu mangansono, ia manganto’o, “Aku semo i Gabriel to biasa mampotango i Pue Allah damangika palaongiNya. Wali aku napokau i mPue Allah ma’i damampogomboka korom pei mampakarebaka korom kareba matao etu.

Markus 5:22

Wali tempo etu ma’i samba’a tau tu’a nto Yahudi, ia ma’i mangampago seja i Yesu. Ngkai etu sanganya i Yairus. Wali tempo i Yairus mangkita i Yesu ia mambokotu ri tangoNya, mampakabae Ia.

Palaong mPomakau i mPue Yesu 13:27

Apa tau to maroo ri Yerusalem seore pasi kepala-kepalanya sira taa mangansani bara i sema kamonsonya i Yesu. Pasi sira taa seja mangansani batuanginya gombo to natulis nto pantuntu tuntu i mPue Allah tempo owi, gombo etu to rabasa ponto ri Eo Rapandoo. Sira taa kojo mangansani, wali see naka sira mangahuku i Yesu. Wali palaong etu mangabanang gombo to natulis nto pantuntu tuntu i mPue Allah.

1 Yohanes 5:21

Wali ngana-ngana, pakatao kojo naka ne'e komi mampue resi tau-tau. Wali ungkanyamo ruyu gombongku si'i.

1 Tesalonika 5:15

Pasi jagai kojo see tare komi to mansawa ane re’e tau to mangika maja’a resi komi. Pei sangkani liwu jaya mangika anu to manoto ri oyo ngkomi pasi resi tau samparia.

Epesus 5:15

Wali pakatao kojo ri katuwu ngkomi see komi taa mangika lengko to ewa lengko ntau to madoyo. Pei ika lengko to ewa lengko ntau to pande.

2 Korintus 8:7

Pei kami mangansani komi to Korintus semo to manganangi sa’e ri rayanya samparia to nuika ngkomi. Ewamo pangaya ngkomi, pasi kapande ngkomi mampoguru pasi mangansani anu to monso mangkonong i Kerisitu, pasi kadota ngkomi, pasi pamporayang ngkomi resi kami. Ane palaong to etu, komi semo to manganangi sa’e. Wali see naka matao ane komi manganangi seja sa’e ane mangkonong kanoto ngkomi mangansora sa’e.

Markus 7:25

Wali nja’u lipu etu re’e samba’a tau we’a, tau etu tau Yunani, si’a to Yahudi. Ia yako ri kota Penisia nja’u propinsi Siria. Tau we’a etu ia re’e samba’a ananya to kodi to we’a seja, ananya etu naposuak measa. Wali tempo tau we’a etu mangandonge i Yesu nja’u nja’u ria, ia yau mangampago. Panewa rata resi i Yesu ia madungku yau ri wawo ntana ri tangoNya manga’angga Ia. Ia manganto’o, “Kuporapika resi Komi see Komi damangarubak measa yako resi anangku.”

Epesus 5:33

Pei gombo etu mangkonong komi to marongom seja. Wali samparia komi to langkai taa maya taa mamporayang rongo ngkomi samba’a pei samba’a ewa nuika ngkomi mamporayang koromu ngkalio. Pasi to we’a to marongom taa maya taa manga’angga rongonya.

Pangkita 1:1

Ri raya buku si’i re’e ratulis mangkonong palaong to napapokitaka i Yesu Kerisitu. I Pue Allah mangawaika Ia mampaponsanika to papolaongiNya see sira mangansani palaong to tamo masae damawali. Wali i Yesu mangampokau pomakauNya ma’i resi to papolaongiNya, i Yohanes. Wali pomakau etu mampakanasaka wo’u i Yohanes palaong to damawali etu.

Pangkita 19:9

Wali pomakau i mPue Allah manganto’oka aku, “Tulis gombo si’i. Masanang raya ntau to radinsi tempo roa pampaporongo Ana nu Domba.” Pasi pomakau etu manganto’o wo’u, “Gombo si’i monso yako resi i Pue Allah.”