Pangkita 15:3 - Tuntu i mPue ri Basa Taa

³ Wali tau to makore ri wii ntasi etu, sira mamponyanyika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!

Sura Magali Nuntu Ngkatuwu

³ Pai tau seʼe mampongayuka ngayu i Musa, pomokau i mPue Ala, pai ngayu i Ana Bimba mPue Ala, katetoʼonya, “Boo Pue Ala i Makuasa, ara meawasa pai ndapojingki ndaya waʼa mpowia-Mi! Datu waʼa lemba, mayoa pai monco waʼa mpobotusi-Mi.

Pangkita 15:3 Referans Kwoze

Masmur 139:14

Wali tempo aku mampobuuka palaong to nuika ngKomi mampapowali aku etu, aku mangabarong Komi, apa palaong ngKomi etu masipato ra’angga pasi mampakaipu rayangku. Wali manasa kojo resi aku samparia palaong ngKomi paka taa rapobiasa.

Ibrani 3:5

Wali i Kerisitu pasi i Musa paka masipato rasarumaka mangika palaong to nawaika i mPue Allah sira. I Musa mampasilonga samparia tau to i Pue Allah Puenya to raporapaka ewa banua i mPue Allah. Ia mangika palaong etu ewa naika nto papolaong. Pasi ia manganto’oka tau boros, “I Pue Allah roomo mampaponsanika aku mangkonong anu to Ia damanganto’o ri tempo to darata.” Ewa wetu nato’o i Musa. Pei ane i Kerisitu, Ia mampasilonga seja banua i mPue Allah, pei Ia mangika palaong etu si’a ewa naika nto papolaong. Ia mangika ewa naika ana ntau pue banua. Wali kita semo to rato’oka banua i mPue Allah etu ane kita mampakaroso rayanta see taa meka-meka, pasi mampakaroso pansarumakanta to mampakandende raya ngkita, see karoso ndayanta pasi pansarumakanta etu maroso rataka ri tempo kapatenta.

Yohanes 1:17

Apa bae batuanginya porenta i mPue Allah to naporataka i Musa bue-bue ngkita tempo owi. Pei nempo bae batuanginya porenta etu, bae wo’u batuanginya kanoto i mPue Allah to napaponsanika i Yesu Kerisitu kita ri tempo si’i. Pasi bae wo’u batuanginya samparia anu to to’oNya mangkonong i Pue Allah, pasi samparia to to’oNya etu paka monso pu’u.

Pomulanya 17:1

Wali yako etu, tempo i Abram sio mpuyumo pei sio nto’unya, tempo etu i Pue Yawe rata wo’u resi ia pei manganto’o, “Aku semo i Pue Allah anu Makuasa kojo, wali ika lengko to singkonong pei Aku, pei ne’e mangika lengko to masipato rapakasala.

Pangkita 19:2

Apa tempo Ia mangahuku to lino, hukuNya etu masipato pasi singkonong ewa anu to monso. Ia roomo mangahuku lonte bae etu, to mampakaja’a lino apa ia magoyal. Ia mangahuku lonte etu apa saba lonte etu room mampopate yau to papolaong i mPue Allah.”

Pangkita 14:3

Wali tau satu opo mpuyu pei opo nsowu etu, sira menyanyi ri tango nggadera Makole pasi ri tango nu anu to tuwu opo mba’a pasi ri tango ngketua-ketua. Sira menyanyi nyanyi to bou. Nyanyi etu taware to maya mangansani kasimbalinya yako tau satu opo mpuyu pei opo nsowu etu, to room naoli i mPue yako ri oyo nto lino.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

Pangkita 11:17

Sira manganto’o, “O Pue Allah anu Makuasa, kami manganto’o tarima matao resi Komi to re’e tempo si’i, pasi to re’emo ri tempo owi, pasi to dare’e ri tempo to darata. Tarima matao apa Komi mangampake kuasaMu to bae kojo, Komi mula mangkuasang to lino.

Pangkita 4:8

Pasi anu to tuwu opo etu re’e ono paninya samba’a, pasi la’ara mpaninya etu juku seja matanya. Wali wuri eo wuri eo sira tare pandoonya mamponyanyika, manganto’o, “Mapasing, mapasing, mapasing i Pue Allah anu Makuasa, to re’emo tempo owi, pasi tempo si’i, pasi tempo to darata!”

Pangkita 19:16

Wali ri bajuNya pasi ri pa’aNya re’e seja sanga ratulis re’e ria, sanga etu semo: MAKOLE TO MANGKUASANG SAMPARIA MAKOLE PASI PUE TO MANGKUASANG SAMPARIA PUE.

Pangkita 14:8

Wali ojo karoonya pomakau etu magombo, re’e wo’u samba’a pomakau to mangalulu ia. Pomakau to kadua etu manganto’o, “Napukamo! Napukamo kota Babel bae etu. Kota etu semo to mangika see tau samparia bansa sangkani magoyal mangalulu lengko to si ia. Etu maya raporapaka ewa tau to mampapoinuka sa’e tule naka kayangu.”

Ulang 34:5

Wali yako etu i Musa, to papolaong i mPue Yawe, ia mate yau ri tana Moab etu. Palaong etu mawali singkonong kojo ewa wimba nato’oka yami i mPue Yawe seore.

1 Timotius 1:17

I Pue Allah Ia Makole to singkasaenya, pasi Ia taa damate, pasi taa rakita. Ojo Ia semo i Pue Allah, pu’u ngkapande. Wali anu kita manga’angga pasi mangabarong Ia rataka ri singkasaenya. Amin.

Pangkita 1:8

Wali i Pue Allah anu Makuasa, Ia manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Aku re’e tempo si’i, pasi Aku re’emo tempo owi, pasi Aku dare’e ri tempo to darata.” Etu semo gombo i mPue Allah.