Pangkita 14:4 - Tuntu i mPue ri Basa Taa

⁴ Tau etu tau to tare mangika palaong to mampakarikasika raya nsira apa sira tare magoyal bara masala resi to we’a apa sira nakurang manta’amaka rayanya. Sira ojo mangaluluka kojo Ana nu Domba. Imba nakanjo’u nu Ana Domba etu, sira njo’u seja. Pasi sira semo to naoli i mPue yako ri oyo nto lino. Sira mawali i Pue Allah Puenya pasi Ana nu Domba Puenya, ewa pae to uyunya rapota to rapampueka resi i Pue Allah.

Sura Magali Nuntu Ngkatuwu

⁴ Tau seʼemo anu bareʼe mampowia jaʼa pai waʼa mbeʼa, maka tau seʼe magali ewa anaweʼa. Tau seʼemo anu melulu ri Ana Bimba setu ri mbeʼi-mbeʼi kanjoʼu-Nya. Tau seʼe ndasorepaka ungka ri oyo ntolino mewali ewa panyomba anu uyu-uyunya ri Pue Ala pai i Ana Bimba.

Pangkita 14:4 Referans Kwoze

Pangkita 3:4

Pei re’e bara sawei mba’a komi nja’u Sardis to mampakalongko yako ri dosa ewa naika ntau mangajagai pakenya see taa kono anu to makarika. Tau etu damalinja sindara-ndara pei Aku, pasi damangampake pake to buya apa sira masipato mampake.

2 Korintus 11:2

Apa aku mamporayang komi, wali see naka aku timopo mampobuuka komi bara damangaluluka songka ntau to taa singkonong pei kareba matao. Wali aku kunsani katimopongku etu singkonong pei i Pue Allah. Apa komi raporapaka ewa tau we’a to tawa re’e nepenya to langkai. Pasi aku raporapaka ewa pa’a ngkomi to roomo mamporanika komi see komi mangkasimpandeka samba’a tau to damawali rongomu. Etu semo i Kerisitu. Wali pamporaningku komi ojo i Kerisitu semo to nululu ngkomi see komi tiroo ewa tau we’a to tawa nepenya to langkai ane ratamo temponya aku mampasiwaka komi pei Ia.

Yakobus 1:18

Pasi yako pamporani to si Ia see naka Ia mampapowali kita mawali anaNya. Ia mangika palaong etu mangampake kareba to monso. Naka pei i Pue Allah nampapowali kita mawali anaNya see kita semo mawali to bae-bae angganya pei samparia anu to Ia nampapowali. Apa kita raporapaka ewa pae to uyunya rapota to rapampueka resi i Pue Allah, to mawali Ia Puenya. Wali matao kojo sora i mPue Allah resi kita etu.

Pangkita 5:9

Wali ojo karoonya anu to tuwu opo pasi ketua-ketua etu madungku yau ri tango nu Ana Domba etu, sira mamponyanyika Ia nyanyi to bou. Nyanyi etu manganto’o, “Komi masipato mangoko buku rayuyu pei mangayali tondonginya, apa Komi roomo rasimbale, pasi Komi mangampake raaMu mangolika i Pue Allah tau yako ri sambawo lino. Etu semo yako ponto-ponto suku, basa, bansa pasi paporenta.

Yohanes 12:26

Wali tau, nempo to Yahudi pasiwa tau to si’a to Yahudi etu, ane rani mawali to papolaongingKu, tau etu taa maya taa damangalulu Aku see nempo imbare Aku re’e, nja’u seja ia. Wali i sema tau to mawali to papolaongingKu, tau etu dana’angga mPa’angKu.”

Yohanes 10:27

Wali ane domba, sira mangansani loo ntau to mangangkampang pasi ia mangansani sira, see naka sira mangalulu ia. Pasi ewa see seja tau to rato’oka dombangKu, apa tau etu mansarumaka gombongKu, pasi Aku mangansani sira see naka sira mangalulu Aku.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

1 Korintus 6:20

apa komi roomo inoli yau pasi nalinomo ibayar. Wali see naka masipato komi mangampake koro ngkomi pasi tonii ngkomi anu to i Pue Allah Puenya damanga’angga i Pue Allah.

Yohanes 8:12

Wali yako etu i Yesu mampogomboka wo’u tau boros, Ia manganto’o, “Aku maya raporapaka ewa pansona to mampapokitaka tau jaya. Apa Aku mampaponsanika to lino jaya to monso. Wali i sema tau to mangalulu Aku, tau etu tamo ewa malinja ri raya mburi apa ia re’e reme to mampapokitaka ia jaya damangarata katuwu.”

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Epesus 1:14

Pasi i Nosa Mapasing maroo ri raya ngkita samparia to mangaya. I Nosa Mapasing etu nawaika ruyu i mPue Allah kita damawali tondong to mampakanasaka resi kita matantu kojo kita damangarata seja samparia to yusa to naparajanjika i mPue Allah tau to Ia Puenya. Wali i Nosa Mapasing damampakatantuka kita mangkonong anu to danawaika i mPue Allah kita etu rataka ri temponya kita, to naoli i mPue Allah mawali Ia Puenya, daralapa yako ri lino si’i. Wali samparia palaong to naika i mPue Allah etu Ia mangika see kita mangabarong kayawaNya.

1 Korintus 16:15

Wali komi mangansani mangkonong i Stepanus pasi tau to maroo ri banuanya. Sira semo to uyunya mangaya nja’u propinsi Akhaya, pasi sira tare yusa palaonginya yako palaong to mangansawang tau to i Pue Allah Puenya. Wali a’i-a’i kuporapika resi komi,

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Yohanes 13:37

Wali i Petrus manganto’o, “Pue, maka pei aku taa maya mangalulu Komi tempo si’i? Aku nempo mangkapateka Komi, aku buya rayangku.”

Matius 25:1

Wali yako etu i Yesu manganto’o wo’u rapa mangampotundeka wo’u kami see kami damadota mangampeas temponya Ia dama’i muni, Ia manganto’o, “Palaong to mawali tempo i Pue Allah Makole nto lino maya raporapaka ewa si’i. Rapanya re’e sampuyu mba’a ngana we’a to tawa re’e nepenya to langkai. Wali ngana we’a etu re’e lima mba’a to madoyo pasi lima mba’a to pande. Ngana we’a etu yau mangansabi paporongo nu galung nsira. Wali ane ratamo temponya, sira yau damangantomu tau to langkai to darapaporongo see maya sindara-ndara pei ia masua ri roa mangalulu ada ngkita. Tempo sira yau etu sira mangangkeni pansona samba’a pei samba’a.

Matius 8:19

Pei ri katawanya sira yau, ma’i samba’a tau to mampoguru porenta i Musa, ma’i mangampago i Yesu. Ia manganto’o, “Guru, kuporani mawali yau anaguru ngKomi, wali aku damangalulu Komi nempo imbanjo danukayako.”

1 Timotius 4:3

Sira manganto’oka tau, “Taa maya marongo.” Pasi sira mamporentangika seja tau, sira manganto’o, “Ne’e mangkoni pangkoni to rapomalika.” Pei kamonsonya, pangkoni to etu napapowali i mPue Allah darakoni. Wali kita to mangaya pasi to mangansani anu to monso, kita maya mangkoni pangkoni to etu pei manganto’oka i Pue Allah tarima matao.

1 Korintus 7:28

Pei ane bara re’e to langkai to tiroo rani marongo, si’a dosa nikanya. Pasi ewa see seja ane bara re’e ngana we’a to tiroo rani marongo, tau etu taa seja mangika dosa. Pei tau to marongo ri tempo si’i ojo damangadugang kasesa to danarata nsira. Wali see naka aku manganto’o to tao-tao ne’e marongo, apa aku taa rani sira tidugang kasesa to danarata.

Matius 19:12

Apa to langkai to taa marongo, re’e to taa nakoto marongo apa ewa see semo koronya yako ri kare’enya. Pasi re’e seja to taa nakoto saba roomo nakabiri yau nsa’e. Pasi re’e seja tau to taa marongo apa sira rani ojo mangika palaong i mPue Allah, Makolenya. Wali tau to nakurang nempo taa marongo, matao ane ia taa marongo ewa nuto’o ngkomi etu.”

Epesus 5:27

Naka pei Ia mangika ewa wetu see kita to tauNya dabae kojo kayawanta tempo Ia mangkeni kita ri tangoNya ewa pangantin to rakeni ri tango ntau to damangoko. Tempo etu kita raporapaka ewa to we’a to pakenya tare anu to makarika bara makuru bara anu to yusa to taa magaya. Apa kita i Pue Allah Puenya pasi tare to maya rapakasala.

Ibrani 12:23

Pasi kita roomo masua seja resi samparia tau to mangaya. Kita samparia rato’oka ana i mPue Allah to tu’anginya, pasi sanga ngkita ratulis ndate saruga. Wali kita roomo mangampago i Pue Allah, to pobotus ntau samparia. Pasi kita roomo simparata pei tonii ntau to lengko nsira singkonong pei i Pue Allah pasi to roomo mawali masilonga.

Pangkita 21:22

Wali aku tare mangkita Banua i mPue Allah ri kota etu, Banua to napago ntau yau mampue mampakabae i Pue Allah. Tamo parluu Banua etu apa i Pue Allah anu Makuasa pasi Ana nu Domba Sira sangkani maroo nja’u ria, wali juku ri kota etu tau maya mampue mampakabae Sira.

Pangkita 21:23

Pasi kota etu tamo parluu wo’u karemenya yako eo pasi wuya. Apa kayawa i mPue Allah etu semo mampakareme pasi Ana nu Domba Ia semo lampunya.