Pangkita 14:13 - Tuntu i mPue ri Basa Taa

¹³ Wali yako etu aku mangandonge loo to yako ndate saruga. Loo etu manganto’o, “Tulis gombo si’i, gombo to manganto’o, masanang kojo tau to mangaya i Pue to mate yau yako tempo si’i.” Panewa i Nosa Mapasing manganto’o, “Monso pu’u masanang sira, apa ojo karoonya sira mate yau sira maya mandoo yako ri palaonginya to mandasai. Sira masanang apa sira damangarata wua mpalaong to naika nsira etu.”

Sura Magali Nuntu Ngkatuwu

¹³ Pai kudonge oni nganga ungka ri suruga mantoʼo, “Ukimo: Morasimo waʼa ntau mate ri raya ntoʼo i mPue montepuʼu seʼi-seʼi.” “Monco,” pantoʼo Inosa mPue Ala. “Da naka tau seʼe mampeosaka kalenge ntau seʼe, maka pura-pura waʼa mpowianya da mayunuki tau seʼe.”

Pangkita 14:13 Referans Kwoze

Pangkita 20:6

Wali tau to uyunya rawangu muni yako ri kapatenya etu sira masanang pasi sira i Pue Allah puenya. Sira taa damangarata kapate to kadua, etu semo rano nu apu. Pei sira damawali to pampue i mPue Allah pasi i ngKerisitu. Pasi sira damaporenta sindara-ndara pei i Kerisitu sansowu nto’u kasaenya.

1 Tesalonika 5:10

Apa i Yesu Kerisitu roomo mangkapateka kita see kita maya tuwu sindara-ndara pei Ia. Nempo kita tiroo tuwu tempo Ia ma’i, pasi nempo kita roomo namate yau, tare pasisalanya. Kita paka datuwu sindara-ndara pei Ia.

1 Tesalonika 4:16

Apa tempo danakama’i i mPue etu, tempo etu kodi majoli daradonge loo to maroso dakaboo, sindara-ndara pei loo ngkepala mpomakau i mPue Allah pasi loo ntarompet i mPue Allah. Pasi tempo etu seja i Pue semo dama’i yako ndate saruga. Panewa tau to mangaya i Kerisitu to namatemo, sira darawangu ruyu.

1 Korintus 15:58

Wali a’i-a’ingku anu to kuporayang, pakaroso pangaya ngkomi see tare pombalinya ane rata tau to rani mampakaja’a pangaya ngkomi etu. Pasi pakadota kojo sangkani mangika palaong i mPue, apa komi mangansani palaong to komi mangika resi i Pue etu bae kojo batuanginya apa komi seja darawangu muni yako ri kapatemu.

Pangkita 19:9

Wali pomakau i mPue Allah manganto’oka aku, “Tulis gombo si’i. Masanang raya ntau to radinsi tempo roa pampaporongo Ana nu Domba.” Pasi pomakau etu manganto’o wo’u, “Gombo si’i monso yako resi i Pue Allah.”

Pangkita 21:5

Wali Ia to matunda ri gaderaNya etu, Ia manganto’o, “Lo’a, samparia anu to tempo ruyu Aku mangawali yau mawali bou wo’u.” Pasi Ia manganto’o seja, “Tulis gombo si’i apa gombo si’i monso pasi masipato rasarumaka.”

Pangkita 6:11

Wali ojo karoonya sira manganto’o etu, sira samba’a pei samba’a rawaika baju to buya pasi sira rato’oka, “Pasau-sau ruyu sangkodi. Tiroowa re’e a’i-a’i ngkomi to samba’a pangaya pei komi to mangika seja palaong i mPue, sira re’e seja to darapopate yau. Wali ojo karoonya rapopate yau sira, panewa to lino darahuku.”

2 Korintus 5:8

Wali see naka aku manganto’o, kami maroso raya mami. Pei ane ewa pampobuuka mami, to tao-tao kami mate yau mampiyaika koro mami si’i see maya siwaka pei i Pue. Pasi kami mangansani monso pu’u kita dasiwaka pei Ia.

Pangkita 16:17

Wali yako etu, pomakau to kapitu ia seja mangawubu banang nu yama to si ia. To si ia, ia mangawubu yau ri rao, panewa yako etu re’e loo to maroso mamoni yako ri gadera Makole ri raya Banua i mPue Allah ndate saruga. Loo etu manganto’o, “Roomo!”

1 Tesalonika 4:14

Apa kita mangaya i Yesu roomo namate yau pei mambangu muni yako ri kapateNya etu. Wali see naka kita mangaya seja, ane tau to mangaya i Yesu to namatemo, sira seja darawangu muni. Pasi tempo i Yesu dama’i muni, tempo etu tau to mangaya to namatemo etu, tonii nsira danawaika i mPue Allah ma’i seja sindara-ndara pei i Yesu.

1 Korintus 15:18

Pasi ane ewa see, tau to mangaya i Kerisitu to room namate yau, tau etu room rapakaja’aka yau.

Lukas 16:9

Wali Aku manganto’oka komi, Aku rani komi mawali pande seja mangampake kasugi nu lino si’i. Pake kasugi etu damangansawang sa’e see damawali boros yunumu to mangaya seja. Apa ane ewa see, ane ratamo temponya puramo kasugi ri lino si’i, tempo etu komi darata ri lipu to danukaroos rataka ri singkasaenya. Wali tempo etu komi daratima ri lipu etu ri kasanang ndaya.

Matius 3:17

Pasi tempo etu re’e radonge loo to yako ndate saruga, loo etu manganto’o, “Si’i semo AnangKu to kuporayang kojo. Aku masanang kojo resi Ia.”

Pangkita 11:19

Wali ojo karoonya ketua to dua mpuyu pei opo etu magombo, panewa Banua i mPue Allah to ndate saruga tiloka. Wali tempo Banua i mPue Allah tiloka, mialamo peti to la’u parajanji i mPue Allah, peti etu nja’u raya Banua etu. Pasi kodi majoli re’emo bilak kreto, pasi re’e seja lengko tana pasi tudumo seja tiba matombo kojo.

Pangkita 11:15

Wali yako etu pomakau to kapitu mangantawuis seja tarompet to si ia. Panewa aku mangandonge boros loo to maroso magombo ri saruga, loo etu manganto’o, “Ruyu samparia to lino naporentang makole, pei si’i-si’i sira naporentang i mPue Allah pasi i ngKerisitu, Makole parajanji i mPue Allah. Wali sira semo makole rataka ri singkasaenya.”

Pangkita 10:4

Wali ojo karoonya aku mangandonge loo nu lamoa pitu etu, aku damangantulis anu to nato’o. Pei re’e katawanya aku mangantulis, aku mangandonge wo’u loo magombo yako ndate saruga. Loo etu manganto’o, “Ne’e ratulis gombo to yako ri loo nu lamoa pitu etu. Ne’e rapaponsanika sa’e.”

Pangkita 2:1

Wali i Pue Yesu manganto’oka aku, “Tulisika pomakau ntau to mangaya Aku to siromu nja’u kota Epesus sura si’i. To’oka ia: Si’i gombo to yako resi Ia to mangkongko batu’e to pitu mpa’i ri paleNya tondo ngkana, pasi to malinja ri oyo ntinja weyawa to pitu to darapamposaka pansona.

Pilipi 2:17

Wali pangaya ngkomi maya raporapaka ewa pampue to nupampueka ngkomi resi i Pue Allah. Pasi aku maya raporapaka ewa anu to rainu to biasa nawubu nto pampue ri wawo mpampue to rapampueka, apa aku tamo masae bara darapopate yau pei tiwubu raangku. Pei nempo ewa wetu, aku masanang rayangku pasi ndende rayangku sewaju ewa komi masanang pasi ndende raya mampampueka pampue ngkomi etu resi i Pue Allah.

Lukas 16:25

“Pei i Abraham manganto’o, ‘Anangku, pobuuka wo’u tempo korom re’ewa ri lino. Tempo etu korom sangkani mangarata anu to matao pei i Lasarus ia ojo mangarata anu to maja’a. Pei si’i-si’i ia re’e kasanang pei korom masesa.

Pangkita 1:11

pei manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Wali oko buku pei tulis mangkonong palaong to danukita. Panewa buku etu danupokatuka resi tau to mangaya Aku ri pitu kota nja’u tana Asia. Wali kota to pitu etu semo kota Epesus, Smirna, Pergamas, Tiatira, Sardis, Piladelpia pasi Laodikia.”

1 Korintus 15:20

Pei monso pu’u i Kerisitu rawangu muni yako ri kapateNya. Ia raporapaka ewa so’o mpae to uyunya rapota apa Ia semo to uyunya rawangu muni see tamo damate wo’u. Wali see naka samparia tau to mangaya Ia to namate yau, to raporapaka ewa tau to yore, tau etu darawangu muni seja sewaju pei Ia.

1 Timotius 5:24

Wali ane mangkonong dosa ntau, re’e dosa to miyala kojo, wali tawa rata temponya rabotus nansani ntau boros dosa ntau etu. Pei re’e wo’u dosa ntau to taa miyala kojo. Tempo to darata panewa danansani ntau boros.

1 Timotius 5:25

Pasi ewa see seja ane palaong to matao. Re’e to miyala kojo, pei nempo taa miyala kojo palaong to matao, taa masae danansani ntau boros.

Pangkita 2:7

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku mangawaika mangkoni wua ngkaju to mangawaika katuwu. Kaju etu tuwu ri bonde i mPue Allah.’”

Pangkita 22:17

Wali yako etu, i Nosa Mapasing pasi Kasimpande nu Ana Domba sira manganto’o, “Maimo!” Pasi i sema tau to mangandonge gombo si’i, matao ia seja manganto’o, “Maimo!” Pasi i sema to mangau warokonya, biakamo ia naka ma’i. Pasi i sema to rani, biakamo ia mangoko ue to mangawai katuwu, ue etu tare olinya to danabayar.